bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
2 Chronicles 26
2 Chronicles 26
nyankole
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 27 →
1
Abaayuda boona bakatoorana Uziya, owaabaire aine emyaka ikumi na mukaaga y'obukuru, baamuhindura omugabe omu mwanya gwa Amaziya ishe.
2
Akombeka busya Eloti, yaagigarurira Abaayuda, Omugabe Amaziya aherize kufa kushanga baishenkuru.
3
Uziya, obu yaaza aha ngoma, akaba aine emyaka ikumi na mukaaga y'obukuru, yaategyekyera emyaka makumi ataano n'ebiri omuri Yerusalemu. Nyina akaba naayetwa Yekoliya owa Yerusalemu.
4
Uziya akakora ebi Nyakubaho arikusiima, nk'ebi Amaziya ishe yaakozire.
5
Akeehayo kuheereza Ruhanga omu biro bya Zekariya owaamwegyeise okutiina Ruhanga. Haza omwanya gwona ogu yaamazire naaheereza Nyakubaho, Ruhanga yaamuha obuhiire.
6
Akahurura, yaarwana orugamba n'Abafilisiti, yaasheenya ekigo kya Gaati, n'ekya Yabune, n'ekya Ashidoodi. Yaayombeka endembo omu kyanga kya Ashidoodi, n'ahandi omu nsi y'Abafilisiti.
7
Ruhanga akamuha emikono naarwana n'Abafilisiti, n'Abaharabu abaabaire batwire Gurubaali, kandi n'Abameuni.
8
Abaamoni baaguma nibatoijera Uziya; okurangaanwa kwe kwabuga, kwahika n'aha mwatano gwa Misiri; ahabw'okuba akaba ow'amaani munonga.
9
Ekindi, Uziya akombeka eminaara omuri Yerusalemu aha Irembo ry'Akeekubo, n'aha Irembo ry'Oruhanga, n'aha keehogo, yaagitaho ebigo bigumire.
10
Reero yaayombeka eminaara omu ihamba, yaatimba amaziba maingi. Ahabw'okuba akaba aine amasyo maingi omu bibungo n'omu mpita; kandi aine abahingi n'abasharuzi b'emizaabibu, omu nsi z'ebibungo, n'omu byanga ebirikweza; ahabw'okuba akaba akunda munonga okuhinga.
11
Ekindi, Uziya akaba aine eihe ry'abarwani abahikire kuza aha rugamba, babaganisiibwe omu mitwe y'engabo nk'oku baabazirwe, bakahandiikwa Yeeyeli omuhandiiki mukuru, na Maaseya omukungu, nibareebererwa Hananiya omwe aha batware b'omugabe.
12
Omubaro gwona ogwa bakuru b'amamanzi rugambwa ab'omu miryango ya baishenkurubo gukaba enkumi ibiri na magana mukaaga.
13
Bakaba nibategyeka eihe ry'abarwani obusiriira bushatu n'enkumi mushanju na magana ataano, abarikubaasa kurwanira kimwe orugamba, bakaha omugabe emikono kurwanisa abazigu.
14
Kandi Uziya akatebeekanisiza eihe ryona engabo, amacumu, enkofiira, ebijwaro by'orugamba, amata, n'amabaare g'enjungu.
15
Omuri Yerusalemu yaakoreramu ebyoma ebigunzirwe abanyamyoga, kubita aha munaara n'omu bwehogo, bikarasha emyambi n'okurekyera amabaare mahango. Okurangaanwa kwe kwabuga hoona; ahabw'okuba akatunga amaani maingi agu yaihire omu kuhwerwa okutakareebwaga.
16
Uziya ku yaayongyeire kugira amaani, yaayetunguura, kyamurugiramu okusiisikara. Manya akacumura ahari Ruhanga we, yaaza omuri Nyaruju ya Nyakubaho kwoterera obubaani aha itambiro ryabwo.
17
Kwonka Azariya omuhongyerezi yaataahamu amukuratiire, aine abahongyerezi ba Nyakubaho makumi munaana amamanzi rugambwa.
18
Baazibira Omugabe Uziya, nibamugira bati: Uziya, ti murimo gwawe kwoterera Nyakubaho obubaani, kureka n'ogw'abahongyerezi, beene Arooni, abaahaasiririirwe okubwotera. Ruga omu mwanya ogurikwera. Manya waacumura, kandi ekyo kyakwihisaho ekitiinwa ki Mukama Ruhanga yaakuhaire.
19
Uziya atyo agira ekiniga. Obwo akaba akwaitse eky'okwotereraho obubaani. Mbwenu ku yaagiriire abahongyerezi ekiniga, yaasheesha ebibembe aha buso omuri Nyaruju ya Nyakubaho aha rubaju rw'eitambiro eryotererwaho obubaani abahongyerezi bari aho nibamureeba.
20
Azariya omuhongyerezi omukuru, n'abahongyerezi boona, ku baamwetegyereize, baashanga abembire ahamaisho. Baamubinga omuri Nyaruju, nawe yaarahuka kushohora; ahabw'okuba Nyakubaho akamufubira.
21
Omugabe Uziya akaguma abembire, okuhitsya obu yaafiire. Kandi ahabw'okuba omubembe, yaaguma ari omu ngoonyo, atarikwikirizibwa kutaaha omuri Nyaruju ya Nyakubaho. Omutabani Yotamu yaaguma naareeberera eby'omu kikaari ky'omugabe, kandi naategyeka abantu b'omuri egyo nsi.
22
Ebindi ebi Uziya yaakozire, okwiha aha kutandika okuhitsya aha muheru, bikahandiikwa omurangi Isaaya, mutabani wa Amozi.
23
Bwanyima Uziya akafa, yaashanga baishenkuru; baamuziika ahi baabaziikire, beitu hatari mu bituuro by'abagabe; ahabw'okuba bakagira bati: N'omubembe. Mpaho omutabani Yotamu yaaza aha ngoma omu mwanya gwe.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36