bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
2 Chronicles 25
2 Chronicles 25
nyankole
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 26 →
1
Amaziya akaba omugabe aine emyaka makumi abiri n'etaano y'obukuru; yaategyekyera emyaka makumi abiri na mwenda omuri Yerusalemu. Nyina akaba naayetwa Yehoadini owa Yerusalemu.
2
Amaziya akakora ebi Nyakubaho arikusiima, kwonka atabiteeraireho kimwe omutima.
3
Ku yaaherize kuhama aha ngoma, yaita abagaragwa be abaitsire ishe.
4
Kwonka tiyaita baana baabo, ahabw'okushangwa naakuratira ekihandiikirwe omu biragiro by'omu kitabo kya Musa, ebi Nyakubaho yaaragiriiremu ati: Baishe b'abaana batariitwa ahabw'abaana baabo; n'abaana batariitwa ahabwa baishebo. Kureka omuntu weena aitwe naaturwa ekibi kye.
5
Bwanyima Amaziya akateeranira hamwe Abaayuda, yaabatebeekanisa nk'oku emiryango ya baishenkurubo eri, nibategyekwa abakuru b'engabo rukumi-rukumi n'aba igana-igana; ahabw'Abaayuda n'Ababenyamiini boona. Yaabatooranamu abahikize emyaka makumi abiri n'okukiraho, yaashanga nibahika abashaija entoore obusiriira bushatu, abahikire kurwana orugamba, kandi abarikubaasa kurwanisa amacumu n'engabo.
6
Yaataho n'okuguriirira abashaija b'omu Baisiraeli akasiriira kamwe, emanzi rugambwa, kiloguraamu enkumi ina na magana ana na makumi munaana z'efeeza.
7
Kwonka omuntu wa Ruhanga akaija yaamugira ati: Nyakusinga, otaikiriza eihe ry'Abaisiraeli kuhurura naiwe, ahabw'okuba Nyakubaho tari hamwe nabo, nk'oku atari hamwe na Baefuraimu boona.
8
Ku oraateekateekye ngu nibwo oraagire amaani g'okurwana orugamba, Ruhanga naija kukurekurira abazigu baawe bakusingure; ahabw'okuba Ruhanga niwe aine obushoboorozi bw'okusinguza omuntu, n'obw'okumureka akasingurwa.
9
Amaziya yaabuuza ogwo muntu wa Ruhanga ati: Mbwenu shi, ngire nta kiloguramu enkumi ina na magana ana na makumi mukaaga ezimpaire ab'eihe ry'Abaisiraeli? Omuntu wa Ruhanga yaamugarukamu ati: Nyakubaho naabaasa kukuha ezirikukira ezo.
10
Amaziya nawe ab'eihe ryamwizireho niriruga omu nsi ya Efuraimu abaragiira kugaruka owaabo. Haza bagwerwa kubi munonga Abaayuda, bagarukayo owaabo ekiniga nikyenda kubaita.
11
Kwonka Amaziya aguma, ahuruza abantu be, aza omu ruhanga rw'omwonyo, aitirayo Abanyaseiri akakumi kamwe.
12
Abaayuda nabo bakwata abandi bashaija kakumi, babatwara aha mutwe gw'ekikondokondo babooha, boona beetuura aha nsi, bacwagurika.
13
Kwonka abashaija b'eihe riri, abu Amaziya yaagarwireyo akanga kuhurura nabo, bakateera endembo za Yuda, okwiha Samariya okuhika Betihorooni, baita abantu baamwo enkumi ishatu, kandi baanyaga eminyago mingi.
14
Amaziya ku yaarugire kwita Abanyaedomu, yaareeta baaruhanga b'Abanyaseiri, yaabeemereza aharikureebwa kuba baaruhanga be. Yaabaramya, yaataho n'okubatambira ebitambo bicwekize.
15
Nyakubaho nikwo kugirira Amaziya ekiniga kingi, akamutumaho omurangi owaamugizire ati: Ahabw'enki oyehongyeire baaruhanga b'abanyamahanga, abaaremirwe kujuna abantu baabo, kubaiha omu mikono yaawe?
16
Kwonka ku yaabaire naakigamba, omugabe yaamugira ati: Turakutaireho kuba omuhabuzi w'omugabe? Hunama! Mbwenu oitirwe ki? Ogwo murangi ahunama. Kwonka agira ati: Mbwenu naamanya ku Ruhanga amaririire kukucwekyereza, ahabw'okuba okozire ekyo kintu kandi waayanga kwikiriza eki naakuhabura.
17
Bwanyima Amaziya omugabe wa Buyuda ku yaaherize kuza omu naama n'abahabuzi be, yaatuma ahari Yehoashi mwene Yehoahazi, mwijukuru wa Yehu, omugabe wa Isiraeli, naamuhaya ati: Rugayo twereebanire akaso omu kandi.
18
Yehoashi omugabe wa Isiraeli nawe yaatuma ahari Amaziya omugabe wa Yuda ati: Omutojo gwa Lebanooni gukatuma ahari kaarwenda yaayo guti: Ha mutabani wangye muhara waawe, amushwere. Haza enyamaishwa y'omuri Lebanooni ku yaabaire neerabaho, yaaribatiirira ogwo mutojo.
19
Reeba, hati noogira oti: Nsingwire Abanyaedomu. Haza ekyo kikakureetera amaryo okeehimbisa. Kwonka mbwenu guma omuka, orekye kutaara akabi, ngu iwe na Buyuda mucwekyerere!
20
Amaziya ekyo tarkyetaireho. Manya kikaba kirugire ahari Ruhanga, ngu abarekurire abazigu babasingure, ahabw'okuba bakaramya baaruhanga b'Abanyaedomu.
21
Yehoashi omugabe wa Isiraeli nikwo kuhurura, we na Amaziya omugabe wa Buyuda bakareebanira akaso omu kandi omu rugamba rwa Betishemeshi eya Buyuda.
22
Abaisiraeli bakasingura Abaayuda, buri muntu yaahunga naatoora ogurikuza omu ka ye;
23
Yehoashi omugabe wa Isiraeli akakwatira Betishemeshi Amaziya omugabe wa Yuda, mwene Yoashi, mwijukuru wa Ahaziya, yaamureeta Yerusalemu. Akasheenya ekigo kya Yerusalemu ekirikuhitsya mikono magana ana, okwiha aha Irembo rya Efuraimu, okuta aha Irembo ry'Akeekubo.
24
Akanyaga ezaabu yoona n'efeeza n'ebindi ebi yaashangire omuri Nyaruju ya Ruhanga birinzirwe Obededomu; akanyaga n'eby'omu mabiikiro g'omu kikaari ky'omugabe, n'abantu b'okuba omukwato. Atyo yaagaruka Samariya.
25
Amaziya mwene Yoashi, omugabe wa Yuda, akamara emyaka ikumi n'etaano, Yehoashi mwene Yehoahazi omugabe wa Isiraeli aherize kufa.
26
Ebindi ebi Amaziya yaakozire, okwiha aha kutandika, okuhitsya aha muheru, bihandiikirwe omu Kitabo ky'Abagabe ba Yuda n'aba Isiraeli.
27
Okwiha obu yaatsigaho Mukama, abantu b'omuri Yerusalemu bakamugiira omu naama, yaahungira Lakishi. Kwonka baayohereza ab'okumukurata Lakishi, baamwitirayo.
28
Omutumbi gwe baaguta aha mbaraasi, baagureeta Yerusalemu; baamuziika omu rurembo rwa Daudi; baamushangisa baishenkuru.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36