bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
2 Chronicles 33
2 Chronicles 33
nyankole
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 34 →
1
Manaase akaba omugabe aine emyaka ikumi n'ebiri y'obukuru; yaategyekyera emyaka makumi ataano n'etaano omuri Yerusalemu.
2
Akakora ebitarikusiimwa Nyakubaho, naakuratira emitwarize mibi munonga ey'abanyamahanga abu Nyakubaho yaabingire kuhigiza Abaisiraeli.
3
Ahabw'okuba akagaruka yaayombeka obutungutungu obu Hezekiya ishe yaasheenyire. Yaayombekyera Baabaali amatambiro, yaakora ebishushani bya Ashera, kandi yaaramya ebirikwakira omu iguru, yaabiheereza.
4
Reero yaayombeka amatambiro omuri Nyaruju ya Nyakubaho, ei Mukama yaagambire ati: omuri Yerusalemu nimwo bariguma nibandamiza ebiro byona.
5
Kandi yaayombekyera ebirikwakira omu iguru byona amatambiro omu bibuga bya Nyaruju ya Nyakubaho byombi.
6
Yaataho n'okutambira omu ruhanga rwa mwene Hinomu abatabani kuba ebitambo bicwekize. Yaaguma naaraguza aha bafumu n'aha bahanuuzi kumugambira ebiribaho; naarogyesa, naayehanuuza aha barikugambisa abazimu, naakwatanisa n'abarikuteera ebyatsi. Yaakorera kimwe ebirikwangwa Nyakubaho, yaamugwisa kubi munonga.
7
Kandi ekishushani ky'emandwa erikuramibwa eki yaakozire, yaakita omuri Nyaruju ya Nyakubaho ei Ruhanga yaagambiire Daudi n'omutabani Solomooni ati: Omuri egi nju, n'omuri Yerusalemu orurembo ru naatooraine omu z'enganda za Isiraeli zoona, nimwo bariguma nibandamiza.
8
Ati: Naanye tindiiha bundi Baisiraeli omu nsi ei naahaire baishenkurubo, ku baritaho omutima kukora byona ebi naabaragiire, byona eby'omu biragiro, n'ebyatairweho, n'ebyaragiirwe, ebi naabahaire nimbirabya ahari Musa.
9
Manaase akahabisa Abaayuda, n'ab'omuri Yerusalemu; baakora ebibi bingi ebirikukira eby'abanyamahanga abu Nyakubaho yaacwekyereize kuhigiza Abaisiraeli.
10
Nyakubaho akateisa Manaase n'abantu be, kwonka bo tibaakyeetaho.
11
Nikyo Nyakubaho yaabashunikiriire abakuru b'eihe ry'omugabe wa Asiriya kubateera; bakakwata Manaase n'ebyoma bigondekire, bakamukomesa emihama y'emiringa, bakamutwara Babulooni.
12
Mbwenu ku yaabaire aine enaku nyingi, yaayeshengyereza Mukama Ruhanga we kumugirira embabazi; yaayebundika munonga omu maisho ga Ruhanga wa baishenkuru.
13
Yaamushaba. Na Ruhanga yaikiriza eki yaamushaba; yaahurira okweshengyereza kwe; yaamugarura Yerusalemu aha bugabe bwe. Manaase yaamanyira aho ku Mukama ari Ruhanga.
14
Bwanyima yaayombeka orugo rw'amabaare; yaarwezigooza orurembo rwa Daudi aha burengyerwa-izooba bwa Gihooni omu ruhanga, yaaruhitsya aharikutaahirwa omu irembo ry'ebyenyanja, yaaruziguurutsya Ofeli. Yaarutunguura, rwahika ahaiguru munonga. Kandi yaata abakuru b'engabo omu ndembo za Buyuda zoona eziine ebigo bigumire.
15
Yaiha omuri Nyaruju ya Nyakubaho baaruhanga b'abanyamahanga, n'ekishushani ekirikuramibwa. Yaihaho n'amatambiro goona agu yaayombekire aha kashozi ka Nyaruju ya Nyakubaho n'omuri Yerusalemu; yaabinaga aheeru y'orurembo.
16
Reero yaagaruraho eitambiro rya Nyakubaho, yaaritambiraho ebitambo by'okurya kumwe n'obusingye n'eby'okusiima; kandi yaaragiira Abaayuda kuramya Mukama Ruhanga wa Isiraeli.
17
Nobu abantu baagumire nibatambira ebitambo aha butungutungu, kwonka bakaba babitambira Mukama Ruhanga waabo wenka.
18
Mbwenu ebindi ebi Manaase yaakozire, n'oku yaashabire Ruhanga we, n'ebi abahanuuzi baamugambiire omu iziina rya Mukama Ruhanga wa Isiraeli, reeba biri omu Kitabo ky'eby'omu Busingye bw'Abagabe ba Isiraeli.
19
Kandi okushaba kwe, n'oku Ruhanga yaikiriize eki yaamushabire, n'ebibi bye byona, n'okucumura kwe, n'obutungutungu bu yaayombekireho egashani, akazitamu ebishushani by'emandwakazi Ashera atakeebundikire, reeba bihandiikirwe omu Kitabo ky'ebyabaireho omu biro by'Abahanuuzi.
20
Bwanyima Manaase akafa, yaashanga baishenkuru; baamuziika omu kikaari kye; omutabani Amoni yaamuhungurira.
21
Amoni akaba omugabe aine myaka makumi abiri n'ebiri y'obukuru; yaategyekyera emyaka ebiri omuri Yerusalemu.
22
Akakora ebitarikusiimwa Nyakubaho, nk'oku Manaase ishe yaakozire. Ebishushani ebi Manaase ishe yaakozire, Amoni akabitambira ebitambo, yaabiramya.
23
Ekindi, tareebundikire omu maisho ga Nyakubaho, nk'oku Manaase ishe yaayebundikire. Kureka Amoni ogu akaguma naayongyerera ebibi aha bindi.
24
Bwanyima abagaragwa be bakamugiira omu naama, baamwitira omu kikaari kye.
25
Kwonka ab'omuri egyo nsi nabo baita abantu boona abaagiiriire Omugabe Amoni omu naama y'okumwita; baayemeka omutabani Yosiya kumuhungurira.
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 34 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36