bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
2 Chronicles 23
2 Chronicles 23
nyankole
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
1
Omu mwaka gwa mushanju Yehoyaada akeerugamu, yaaragaana n'abakuru b'engabo igana-igana aba: Azariya mwene Yerohaamu, Ishimaeli mwene Yehohaanani, Azariya mwene Obedi, Maaseya mwene Adayiiya, na Elifati mwene Zikuri.
2
Baagyenda oku n'oku omuri Buyuda, baateeranira hamwe Abaleevi nibabaiha omu ndembo za Yuda zoona, hamwe n'abakuru b'emiryango y'Abaisiraeli, baija Yerusalemu.
3
Abaateeraniire aho boona baakora endagaano n'omugabe bari omuri Nyaruju ya Ruhanga. Yehoyaada yaabagira ati: Mutabani w'omugabe ngugu! K'abe niwe yaaza aha ngoma, nk'oku Nyakubaho yaaraganiise kukikorera beene Daudi.
4
Mbwenu eki nikyo muraakore: omuriimwe abahongyerezi n'Abaleevi abarikwija aha murimo ahari Sabato, kimwe kya kashatu babe abakumiirizi b'aha marembo,
5
kimwe kya kashatu barinde ekikaari ky'omugabe, kandi kimwe kya kashatu barinde aha Irembo ry'obuhamizo. Reero abandi boona baze omu bibuga bya Nyaruju ya Nyakubaho.
6
Hatagira owaataaha omuri Nyaruju ya Nyakubaho, kureka abahongyerezi n'Abaleevi abarikuheereza. Bo nibaikirizibwa kutaahamu, ahabw'okuba n'abarikwera. Kwonka abandi bantu boona batakora eki Nyakubaho yaazibiire.
7
Abaleevi barinde omugabe bamwehinguririize, buri omwe akwaitse eby'okurwanisa bye. Reero weena oraataahe omuri Nyaruju, aitwe. Mugume n'omugabe, yaaba naataaha nari naashohora.
8
Abaleevi n'Abaayuda boona baakora nk'oku Yehoyaada omuhongyerezi yaabaragiira. Buri omwe yaija n'abantu be abarikuruga aha murimo ahari Sabato n'abarikuguzaho; ahabw'okuba Yehoyaada omuhongyerezi taraihireho mbu zaabo.
9
Reero Yehoyaada omuhongyerezi yaakwatsa abakuru b'amahe amacumu n'engabo empango n'enkye eby'Omugabe Daudi ebirikurindirwa omuri Nyaruju ya Ruhanga.
10
Yaataho abantu boona kurinda omugabe, buri omwe akwaitse eby'okurwanisa bye, okwiha aha rubaju rwa buryo orwa Nyaruju, okuta aha rwa bumosho, beehinguririize eitambiro na Nyaruju.
11
Bwanyima yaashohoza mutabani w'omugabe, yaamujweka ekirunga, yaamukwatsa eby'obuhamya, baarangirira ku yaaba omugabe; kandi Yehoyaada n'abatabani baamusiiga amajuta. Boona baateera akaari bati: Karamaare Nyakusinga!
12
Ataliya ku yaahuriire endigito y'abantu abarikwiruka nibahaisa omugabe, yaaza omuri Nyaruju ya Nyakubaho ahu abantu bateeraniire.
13
Ku yaanagireyo ati amaisho, yaareeba omugabe ayemereire aha nyomyo y'abagabe ey'orugambiro aha muryango, abakuru b'amahe n'abakondere bamwehinguririize, n'abantu b'omuri egyo nsi boona nibeesiima, nibateera amakondere, n'abeeshongozi bakwaitse ebirikujumeeza amaraka, nibeebembera ab'omuri ogwo mukoro; Ataliya atyo ataagura ebi ajwaire, aborooga ati: Mwandeebya! Mwandeebya!
14
Reero Yehoyaada omuhongyerezi areeta abakuru b'eihe, abagira ati: Mumushohoze, nimumurabya ahagati y'emishorongo y'abarinzi; weena oraamukuratire, mumwite. Manya ogwo muhongyerezi akabeehanangiriza ati: Mutaitira Ataliya omuri Nyaruju ya Nyakubaho.
15
Nabo baamukwata, baamurabya aharikutaahirwa omu Irembo ry'embaraasi, omu Kikaari ky'omugabe, baamwitiraho.
16
Reero Yehoyaada akakora endagaano n'abantu boona, n'omugabe, kuba abantu ba Nyakubaho.
17
Bwanyima abantu boona baaza aha ndaaro ya Baali, baagisheenya, baashenyagura n'amatambiro ge n'ebishushani bye. Kandi baitira Mataani omuhongyerezi wa Baali omu maisho g'amatambiro.
18
Yehoyaada yaataho ab'okurinda Nyaruju ya Nyakubaho, nibareebererwa abahongyerezi n'Abaleevi abu Daudi yaatebeekaniise kuguma nibareeberera Nyaruju ya Nyakubaho, kutambira Mukama ebitambo bicwekize, nk'oku kihandiikirwe omu biragiro bya Musa, nibeesiima kandi nibeeshongora, nk'oku Daudi yaaragiire.
19
Akata abakumiirizi aha marembo ga Nyaruju ya Nyakubaho kuzibira omuntu weena otashemeire omu muringo gwona kutaahamu.
20
Bwanyima akeeta abakuru b'amahe n'abakungu n'abategyeki bakuru, n'abantu boona ab'omuri egyo nsi, baiha omugabe omuri Nyaruju ya Nyakubaho, baamurabya omu Irembo rya ruguru, baamuta omu kikaari ky'omugabe, baamusingamya aha kitebe ky'obugabe.
21
Abantu b'omu nsi egyo boona baashemererwa; orurembo rwagira eihoreere, Ataliya baharize kumwita.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36