bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Deuteronomy 1
Deuteronomy 1
nyankole
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 2 →
1
Ebi nibyo Musa yaagambiire Abaisiraeli boona seenu ya Yorudaani, omu ihamba ry'omuri Araba, ahashungaine na Suufu, ahagati ya Parani na Tafeli, Labaani, Hazerooti na Dinahabu.
2
Okuruga Horebu otoire ogw'aha Rushozi Seiri okuhika Kadeshibarinea n'orugyendo rw'ebiro ikumi na kimwe.
3
Reero omu mwaka gwa makumi ana, aha kiro ky'okubanza eky'okwezi kwa ikumi na kumwe, Musa akagambira Abaisiraeli ebi Nyakubaho yaabaire amuragiire kubagambira,
4
obwo yaaherize kusingura Sihooni omugabe w'Abaamori, owaabaire atwire Heshibooni, na Oogi omugabe wa Bashani, owaabaire atwire Ashitarooti ey'omuri Edurei.
5
Musa yaatandika kushoboorora eby'eiteeka, ari seenu ya Yorudaani omu nsi ya Moabu; naagira ati:
6
Mukama Ruhanga waitu akatugambirira Horebu ati: Mutwire munonga ahari oru rushozi.
7
Mbwenu nimwimutsye, mugumizemu orugyendo rwanyu, muze omu nsi y'ebibungo ey'Abaamori, n'ahandi hoona ahahereraine nabo omuri Araba, omu nsi y'ebibungo, n'omu mpita, n'omuri Negebu, n'aha mwegyeego gw'enyanja empango, omu nsi y'Abanyakanaani na Lebanooni okuhikira kimwe aha mugyera omuhango Eufuraati.
8
Reero ensi ngigyo mugizemu, mugikubuure. Niyo nsi ei Nyakubaho yaaraganiise baashwenkuriimwe, Aburahamu na Isaaka na Yakobo, kugibaha na baijukuru baabo abaribaza omu bigyere.
9
Naanye obwo nkabagira nti: Tindikubaasa kubeebembera nyenka,
10
ahabw'okuba Nyakubaho abakanyiise. Mbwenu reeba hati muri baingi nk'enyonyoozi z'omu iguru.
11
Mukama Ruhanga wa baashwenkuriimwe naakabakanyise emirundi rukumi, akabaha emigisha, nk'oku yaabaraganiise.
12
Mbwenu nyowe nyenka nimbaasa nta kwekorera oburemeezi bwanyu, n'okwemera entongane zaanyu?
13
Nimutoorane abashaija b'obwengye, abarikwetegyereza kandi abamanyiriire omurimo, nk'enganda zaanyu oku ziri; haza naanye mbahindure abategyeki baanyu.
14
Naimwe mukangarukamu muti: Eki waagamba ni kirungi itwe kukikora.
15
Naanye nikwo kutoorana abakuru b'enganda zaanyu, abashaija abanyabwengye kandi abamanyiriire omurimo, nkabahindura abeebembezi baanyu, abamwe kutegyeka abantu rukumi, abandi igana, abandi makumi ataano, abandi ikumi, n'abandi kuba abatware b'enganda zaanyu zoona.
16
Kandi obwo bunaku nkeehanangiriza abaramuzi baanyu nti: Mugume muhurire emanja za beene waanyu, mucwere omuntu na mwene ishe emanja z'oburyo, nari omunyaihanga otwire nawe.
17
Omu kucwa emanja mutarigwera orubaju; muhurire abakuru n'abato nimubainganisa; mutaritiina amaisho g'omuntu. Manya okucwa orubanja kuba okwa Ruhanga. Reero orubanja oruribarema murundeetere, nduhurire.
18
Kandi omu bunaku obwo nkabaragiira byona ebi mushemereire kukora.
19
Bwanyima tukaruga Horebu twaraba omuri eryo ihamba rihango kandi eririkutiinisa, eri mwareebire nituza omu nsi y'ebibungo ey'Abaamori, nk'oku Mukama Ruhanga waitu yaaturagiire; tutyo twahika Kadeshibarinea.
20
Naanye naabagira nti: Hati mwahika omu nsi y'ebibungo ey'Abaamori ei Mukama Ruhanga waitu arikutuha.
21
Mbwenu, ngigyo Mukama Ruhanga waanyu yaagibata omu maisho. Nimwirooko mugikubuure, nk'oku Mukama Ruhanga wa baashwenkuriimwe yaabaraganiise. Mutatiina, kandi mutahahaara.
22
Bwanyima mwena mukaija ahi ndi mwagira muti: Ka tutume abantu batubandizeyo, batutatire egyo nsi. Haza ku baraagarukye, batugambire omuhanda gu turaatoore, n'endembo zi turaazemu.
23
Ekyo kikambeera kirungi, naanye naabaihamu abashaija ikumi na babiri, buri ruganda omushaija omwe.
24
Baimutsya orugyendo, bainamuka omu nsi y'ebibungo, baahika omu ruhanga rwa Esikooli, baarutata.
25
Baahumba ebijuma byamwo baija nabyo omu ngaro baabitureetera; kandi baatureetera enkuru nibagira bati: Egyo nsi ei Mukama Ruhanga waitu arikutuha ni nungi.
26
Kwonka imwe mukanga kuzayo mwagomera ekiragiro kya Mukama Ruhanga waanyu;
27
mwayetomboitera omu mahema gaanyu nimugira muti: Nyakubaho ahabw'okutwanga atwihire omu nsi ya Misiri yaatureeta kuturekurira Abaamori kutucwekyereza.
28
Mbwenu okwo nituza hi? Beene waitu batumazire omutima omunda nibagira bati: Abo bantu ni bahango, kandi ni baraingwa nibatukira. N'endembo zaabo ni mpango kandi zeehinguririzibwe ebigo birikuhika okwo ahaiguru. Kandi ekindi tureebireyo beene Anaki.
29
Naanye nkabagira nti: Mutaitwa obwoba kandi mutabatiina.
30
Mukama Ruhanga waanyu orikubeebembera niwe araabarwanirire nk'oku yaabarwaniriire muri Misiri nimwereebera.
31
Kandi n'omu ihamba ei mwareebeire oku Mukama Ruhanga waanyu yaabaheekire, nk'oku omuntu aheeka omwana we, omu muhanda gwona ogu mwarabiremu okuhitsya obu mwahikire omuri ogu mwanya.
32
Kwonka nobu ndaabe naagambire ntyo, timureesigire Mukama Ruhanga waanyu
33
owaabeebembeire omuri ogwo muhanda kubasherurira omwanya gw'okuteeramu amahema gaanyu, nyekiro ari omu nyomyo y'omuriro, na nyomushana ari omu y'ekicu.
34
Reero Nyakubaho akahurira ebi mwagambire, yaagira ekiniga yaarahira ati:
35
Tihariho n'omwe omuri aba bantu b'oruzaaro oru orubi orireeba egyo nsi nungi, ei naarahiire kuha baashwenkuriimwe,
36
kureka Kalebu mwene Yefuune niwe arigireeba. Kandi egyo nsi ei yaaribatsiremu ndyagimuha we n'abaana be, ahabw'okuba ankuratiriire kimwe Nyowe Nyakubaho.
37
Kandi naanye Nyakubaho akangirira ekiniga ahabwanyu, yaagira ati: Naiwe torigizamu.
38
Yoshwa mwene Nuuni omugaragwa waawe, niwe arigihikamu. Omuteere omuhimbo, ahabw'okuba niwe arigihunguza Abaisiraeli.
39
Kandi abaana baanyu abato, abu mwagizire ngu baryaba omunyago, n'abaana baanyu abatakamanyire kirungi nari ekibi okuhitsya eri izooba, nibo barigizamu nkagibaha bakagikubuura.
40
Kwonka imwe mukube, mutoore ogw'eihamba ogurikugarura aha Nyanja Erikutukura.
41
Bwanyima mukangarukamu muti: Tucumwire ahari Nyakubaho. Mbwenu ka tugyende turwane, nk'oku Mukama Ruhanga waitu yaaturagiire. Buri omwe omuriimwe yaahagatira eby'okurwanisa bye kuza aha rugamba nimuteekateeka ngu nikirahuka kwinamuka omu nsi y'ebibungo.
42
Kwonka Nyakubaho yaagira ati: Obagambire oti: Mutazayo, nobu kwakuba okurwana, ahabw'okuba tindi muriimwe, mutakaasingurwa abazigu baanyu.
43
Ntyo mbagambira, kwonka timumpurira, kureka mugomera eki Nyakubaho yaaragiira, mugira eigundu, muza omu nsi y'ebibungo.
44
Reero Abaamori abaabaire batwire omuri egyo nsi y'ebibungo baija nk'omuzinga gw'enjoki, babarwanisa, bababinga, babaitira omuri Seiri, bababinga, babahitsya Horuma.
45
Mutyo mukubuuka muririra omu maisho ga Nyakubaho, haza we tayeta ha kuborooga kwanyu, nobu kwakuba okubatega okutu.
46
Mpaho mumara Kadeshi ebiro bingi ebi mwatwireyo.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34