bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Deuteronomy 27
Deuteronomy 27
nyankole
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 28 →
1
Musa hamwe n'abakuru b'eihanga akaragiira abantu ati: Mukuratire ebiragiro byona ebi ndikubaragiira eri izooba.
2
Kandi aha izooba eri muryambukiraho Yorudaani kuza omu nsi ei Mukama Ruhanga waanyu arikubaha, muryabyara amabaare mahango gasiigire einoni;
3
haza mugahandiikyeho ebigambo by'eiteeka eri byona; mwayambuka muti kuza omu nsi ei Mukama Ruhanga waanyu arikubaha, ensi erikuhimintika amate n'obwoki, nk'oku Mukama Ruhanga wa baashwenkuriimwe yaabaraganiise.
4
Reero ku muriheza kwambuka Yorudaani, ago mabaare gu naabaragiira eri izooba, mugabyare aha Rushozi Ebali; mugasiigirize einooni.
5
Kandi okwo mwombekyereyo Mukama Ruhanga waanyu eitambiro ry'amabaare; kwonka mutarigabaizesa ekyoma.
6
Muryayombekyera Mukama Ruhanga waanyu eitambiro ry'amabaare gatacweregyereire; murimutambirireho ebitambo bicwekize.
7
Mutambe n'ebitambo by'okurya kumwe. Muriireyo, kandi mushemerererwe omu maisho ga Mukama Ruhanga waanyu.
8
Ahari ago mabaare muhandiikyeho ebigambo byona eby'eri iteeka, bihwezibwe gye.
9
Reero Musa n'abahongyerezi Abaleevi baagambira Isiraeli yoona bati: Iwe Isiraeli we, hunama, ohurire! Eri izooba waaba eihanga rya Mukama Ruhanga waawe.
10
Nikyo oshemerereire kuguma nooyorobera ebi arikugambira, nookuratira ebiragiro bye n'ebi yaataireho, ebi ndikukuragiira eri izooba.
11
Bwanyima Musa eryo izooba akeehanangiriza abantu ati:
12
Ku muraaheze kwambuka Yorudaani, ab'enganda ezi beemerere aha Rushozi Gerizimu kushabira abantu omugisha: Nibo b'oruganda rwa Simeoni, n'orwa Leevi, n'orwa Yuda, n'orwa Isakaari, n'ab'orwa Yosefu n'ab'orwa Benyamiini.
13
Reero kandi aba beemerere aha Rushozi Ebali kukyeena. Nibo b'oruganda rwa Reubeeni, n'ab'orwa Gaadi, n'orwa Asheri, n'orwa Zebuluuni, n'ab'orwa Daani, n'ab'orwa Nafutaali
14
Mpaho Abaleevi barangirire Abaisiraeli boona n'eiraka rihango bati:
15
Omuntu orikora ekishushani kishariirwe nari kiheesirwe, ekirikuzira ahari Nyakubaho, ekikozirwe omuntu omunyamyoga, akakyemereza bwesherekye, naakakyeenwe! Haza abantu boona baikirize nibagira bati: Eego, kibekwo!
16
Orikugaya ishe nari nyina naakakyeenwe! Abantu boona bagire bati: Eego, kibekwo!
17
Orikukuura omugorora gw'omwatano gwa mutaahi we naakakyenwe! Boona bagire bati: Eego, kibekwo!
18
Naakakyeenwe, ogwo orikuhabisa empumi, akagiiha omu muhanda! Abantu boona bagire bati: Eego, kibekwo!
19
Naakakyeenwe, ogwo oita orubanja rw'omushuuhuuki, rw'efuuzi nari rw'omufaakazi! Boona bati Eego kibekwo!
20
Naakakyeenwe, ogwo obyama na mukaishe! Ahabw'okuba ku ashuuruura ogwo mukazi, aba ajwekire ishe busha. Mpaho boona baikirize bati: Eego, kibekwo!
21
Orikubyama n'enyamaishwa naakakyeenwe! Haza abantu boona bagarukyemu bati: Eego, kibekwo!
22
Orikubyama na munyaanya wa ishe nari wa nyina, naakakyeenwe! Abantu boona bagarukyemu bati: Eego, kibekwo!
23
Oribyama na nyinazaara naakakyeenwe! Boona bati: Eego, kibekwo!
24
Naakakyeenwe orikwita mutaahi we bwesherekye! Boona bagarukyemu bati: Eego, kibekwo!
25
Naakakyeenwe orikuguriirirwa kwita omuntu ori mwere! Haza abantu boona baikirize bati: Eego kibekwo!
26
Otarikukuratira ebiri omu iteeka eri akabikora, naakakyeenwe! Mpaho abantu boona bagarukyemu bati: Eego, kibekwo!
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 28 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34