bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Deuteronomy 31
Deuteronomy 31
nyankole
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 32 →
1
Musa akagumizamu yaagambira eihanga ry'Abaisiraeli ryona ebigambo ebi.
2
Yaabagira ati: Eri izooba naahitsya emyaka igana na makumi abiri. Tinkiine geeshohoza na geetaasya. Nyakubaho angizire ati: Torikwija kwambuka Yorudaani egi.
3
Mukama Ruhanga waanyu niwe araayambukye abeebembeire, akahwerekyereza ago mahanga, gakabahigiza, mukaganyaga. Kandi Yoshwa niwe araayambukye abeebembeire, nk'oku Mukama yaagambire.
4
Nyakubaho naija kugagira nk'oku yagizire Sihooni na Oogi, abagabe b'Abaamori, n'ensi yaabo, obu yaabicwekyereza.
5
Mbwenu naija kugabarekurira, mugagire nk'oku naabaragiire;
6
mube ab'amaani, mugume. Mutagira obwoba, kandi mutabatiina; ahabw'okuba Mukama Ruhanga waanyu orikugyenda naimwe tarikwija kubahemukaho, nobu kwakuba okubatsigaho.
7
Bwanyima Musa yaayeta Yoshwa, yaamugambirira omu maisho g'Abaisiraeli boona ati: Ba ow'amaani kandi ogume, ahabw'okuba niiwe oraagyende n'aba bantu, okabahitsya omu nsi ei Nyakubaho yaarahiire kuha baishebo. Niiwe oraagibakubuuze ekaba eyaabo.
8
Nyakubaho orikugyenda akwebembeire, naija kuguma naiwe, tarikwija kukuhemukaho, nobu kwakuba okukutsigaho. Otatiina, kandi otagira obwoba.
9
Reero Musa yaahandiika iteeka yaariha abahongyerezi beene Leevi, abaheeka eshanduukye y'endagaano ya Mukama, n'abakuru b'Abaisiraeli boona.
10
Kandi yaabaragiira ati: Aha muheru gwa buri myaka mushanju, omu bunaku obwateereirweho omwaka gw'okusaasirana, aha bugyenyi bw'ensiisira,
11
Isiraeli yoona ku eriba eizire kureebeka omu maisho ga Mukama Ruhanga waawe, omu mwanya gu aritoorana, oryaguma oshomere eiteeka eri omu maisho g'Abaisiraeli boona, bategire okutu.
12
Ogume oteerane abantu, abashaija n'abakazi, abaana bato, n'abashuuhuuki abatwire omu birorero byawe, babone kurihurira, beegye okutiina Mukama Ruhanga waanyu, kandi bateho omutima kukuratira ebigambo byona eby'omuri eri iteeka.
13
N'abaana baabo abatakarimanyaga, beegye okutiina Mukama Ruhanga waanyu ebiro byona ebi murimara omu nsi ei mwaza kwambuka Yorudaani kukubuura.
14
Nyakubaho akagambira Musa ati: Reeba, obunaku bwawe bw'okufa buri haihi. Yeta Yoshwa, mwije omu ihema ry'okubugabuganiramu, mbone kumukwatsa omurimo. Mpaho Musa na Yoshwa bagyenda, baza omu ihema ry'okubugabuganiramu,
15
na Nyakubaho abonekyera omuri eryo ihema, omu nyomyo y'ekicu. Egyo nyomyo eyemerera ahaiguru y'omuryango gw'eihema.
16
Bwanyima Nyakubaho agira Musa ati: Ori haihi kufa, oshangye baashwenkuru. Reero eri ihanga riryaimuka, rihampukye nirikuratira baaruhanga b'abanyamahanga ab'omu nsi ei barikuza kutuuramu; bantsigyeho, baite endagaano yangye ei naaragaine nabo:
17
haza eryo izooba ekiniga kyangye kibaakyeho, mbatsigyeho mbaime amaisho, bamarweho; ebihikiirizi bingi n'eminyangararo bibahikyeho, omuri obwo bunaku beefuuze bati: Ebi bihikiirizi tibituhikireho ahabwa Ruhanga waitu okutaba naitwe?
18
Kandi buzimazima ago magingo ndyabaima amaisho ahabw'ebibi bi bakozire, bakeehongyera baaruhanga abandi.
19
N'ahabw'ekyo muhandiikye ekyeshongoro eki, haza okyeegyese Abaisiraeli, kandi okibeeshongoze, kimbeere omujurizi w'okubashinja.
20
Manya ku ndiba naabahikize omuri egyo nsi erikuhimintika amate n'obwoki, ei naarahiire kuha baishebo, ku bariheza kurya baiguta, baagomoka, baryayehongyera baaruhanga abandi, babaheereze, bangaye, baite endagaano yangye.
21
Haza ebihikiirizi bingi n'eminyangararo ku biriheza kubahikaho, eki kyeshongoro kiryabeemeza, kibashinje. Manya tikiryeba, ahabw'okuba kiryaguma nikyeshongorwa baijukuru baabo. Na hati, nobu ntakabahikize mu nsi ei naarahiire kubaha, nimmanya ei ebiteekateeko byabo birikugwera.
22
Musa atyo eryo izooba ahandiika ekyo kyeshongoro, kandi akyeegyesa Abaisiraeli.
23
Reero Nyakubaho akwatsa Yoshwa mwene Nuuni omurimo, kandi amugira ati: Ba ow'amaani, ogume, ahabw'okuba niiwe oraahitsye Abaisiraeli omu nsi ei naarahiire kubaha; haza ndyaguma naiwe.
24
Musa ku yaaherize kuhandiika omu kitabo ebigambo by'eiteeka, yaabihezayo,
25
yaaragiira Abaleevi abaheeka eshanduukye y'endagaano ya Nyakubaho ati:
26
Nimutware eki kitabo ky'eiteeka, mukite aha rubaju rw'eshanduukye y'endagaano ya Mukama Ruhanga waanyu, kigume kiri omujurizi w'okubashinja.
27
Ahabw'okuba nimmanya ku muri abagomi kandi empiga. Eri izooba ku muraabe mwagomera Mukama nkibaine, mbwenu ku ndiba naafiire, muryashura ki?
28
Nimunteeranire abakuru b'enganda zaanyu zoona n'abategyeki baanyu, mbone kugira ebi naabagambira babihuriire, haza nyete eiguru n'ensi kubashinja.
29
Ahabw'okuba nimmanya ku ndiba naafiire, buzimazima muryakora ebitahikire, mutaishukye omuhanda gu naabaragiire, haza omu biro birikurataho akabi kabagwere ahabw'okukora ebibi omu maisho ga Nyakubaho, mukamugwisa kubi ahabw'ebi murikukoresa engaro zaanyu.
30
Bwanyima Musa atyo agamba ebigambo by'ekyeshongoro eki okuhitsya obu byahwaireyo, Abaisiraeli boona bateeraniire aho babihuriire.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34