bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Deuteronomy 23
Deuteronomy 23
nyankole
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 24 →
1
Omuntu oyatikire amagosi, nari ocwirweho obushaija, atariza omu kiteerane kya Nyakubaho.
2
Ekizaarwa kitariza omu kiteerane kya Nyakubaho; nangwa n'okuhitsya aha b'oruzaaro rwa ikumi, hatarigira mwijukuru waakyo owaaza omu kiteerane kya Nyakubaho.
3
Hatarigira ebiro byona Omuamoni nari Omumoabu owaaza omu kiteerane kya Nyakubaho.
4
Manya obu mwabaire muri omu rugyendo nimuruga Misiri, tibarababuganiise migaati na maizi. Kandi bakaguriirira Balaamu mwene Beori owa Petori ey'omuri Mesopotamiya kukukyena.
5
Kwonka shi Mukama Ruhanga waawe tarategire kutu Balaamu, kureka ogwo mukyeeno akagukuhindurra omugisha, ahabw'okuba akukunda.
6
Otaryenda kugira nabo obusingye nari obugogyeere ebiro byawe byona.
7
Otarinuga Omunyaedomu, ahabw'okuba ni mwenesho; kandi otarinuga Omunyamisiri, ahabw'okuba okaba oshuuhuukiire omu nsi ye.
8
Abaana baabo abu barizaara omu ruzaaro rwa kashatu baryaikirizibwa kuza omu kiteerane kya Nyakubaho.
9
Ku orihurura kurwanisa abazigu baawe, waaba ori omu rusiisira, oyetantare ekintu kyona ekibi.
10
Omuriimwe ku haakuba harimu omuntu otashemeire ahabw'ekimubaireho nyekiro, ashohore arugye omu rusiisira kandi atarugarukamu.
11
Kwonka ku buraabe omu mwabazyo, ayogye. Reero eizooba ku riraarengye, abe nibwo yaataaha omu rusiisira.
12
Kandi ogire omwanya aheeru y'orusiisira ahu origuma nooshohorera.
13
Eby'okurwanisa byawe otwarireho ekihosho; reero ku oraaze aha ishaazi, okitimbise ekiina. Haza ku oraaze kurugaho oshwekye ahi waayeeshemereza;
14
ahabw'okuba Mukama Ruhanga waawe agyenda naaraba omu rusiisira rwawe kukurinda, n'okukurekurira abazigu baawe okababinga. N'ahabw'ekyo enkambi yaawe eshemereire kuba erikwera, atakaakureebamu ekitashemeire kyona, akakurugaho.
15
Omuhuuku oriba atorokire ahari mukama we akakuhungiraho otarimurekurira mukama we ogwo.
16
Agume naiwe owaawe, omu mwanya gu aritoorana omuri kimwe aha birorero byanyu eki arikukira kusiima. Kandi otarimwita kubi.
17
Hatarigira owaaba maraaya w'emirwa y'ediini omuri bahara ba Isiraeli nari omuri beene Isiraeli.
18
Otarireeta omu nju ya Mukama Ruhanga waawe ekintu ekiguririire maraaya omukazi nari ekihembo ki bahaire maraaya omushaija, ngu abone kuhikiiriza ebi waahigire, ahabw'okuba ebyo byombi ahari Mukama Ruhanga waawe nibizira.
19
Otariguza mwene waanyu ngu akutemu ekiteebwamu, yaaba ha mpiiha, nari aha byokurya, nainga aha kintu kyona eki baguza kwihamu ekiteebwamu.
20
Omunyaihanga we noikirizibwa kumuguza, okamwihaho ekiteebwamu. Kwonka mwene waanyu otarimuguza kumwihaho ekiteebwamu, Mukama Ruhanga waawe abone kukuha emigisha omuri byona ebi orikorera omu nsi ei orikuza kukubuura.
21
Ku origira eki waasiga nooraganisa Mukama Ruhanga waawe, otaryeganda kukisiguura, ahabw'okuba Mukama Ruhanga waawe taribura kukikubuuza, haza kikakurugiramu ekibi.
22
Kwonka ku oriba otaraganiise kintu, tikirikurugiramu kibi.
23
Oyerinde kuhikiiriza ekyakuruga omu kanwa. Manya eki oba oraganiise n'akanwa kaawe, oba okiraganiise Mukama Ruhanga waawe oyekundiire.
24
Ku oriza omu musiri gwa mutaahi waawe gw'emizaabibu, noikirizibwa kurya ebijuma byamwo okaiguta, nk'oku orikwenda. Kwonka otarigira ebi waashoromera omu kiibo kyawe.
25
Ku oriza omu musiri gwa mutaahi waawe gw'engano, noikirizibwa kucwisa obushiisha engaro, kwonka engano za mutaahi waawe otarizisharisa oruyuuya.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34