bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Deuteronomy 29
Deuteronomy 29
nyankole
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 30 →
1
Ebi nibyo bigambo by'endagaano ei Nyakubaho yaaragiire Musa kuragaana n'Abaisiraeli omu nsi ya Moabu, ebyayongyeirwe aha ndagaano ei yaaragaine nabo ahari Horebu.
2
Musa akeeta Abaisiraeli boona, yaabagira ati: Mukeereebera ebi Nyakubaho yaakozire Faraaho n'abaheereza be n'ensi ye yoona ey'omuri Misiri:
3
obugwe obwabagwereire, obu mwayereebeire, n'obumanyiso n'eby'okutangaaza ebikuru;
4
kwonka okuhitsya eri izooba, imwe Nyakubaho takabahaga mutima gurikwetegyereza, nari amaisho garikureeba, nainga amatu garikuhurira.
5
Kandi Nyakubaho naagira ati: Mmazire emyaka makumi ana nimbeebembera omu ihamba; haza emyenda yaanyu etakabakurirahoga, n'enkaito zaanyu zitakabakurirahoga zikajuuka omu bigyere.
6
Timukaryaga mugaati, kandi timukanywaga viino, nainga okunywa amakuuta, ngu mubone kumanya ku ndi Mukama Ruhanga waanyu.
7
Mbwenu ku mwahikire omu mwanya ogu, Sihooni omugabe wa Heshibooni na Oogi omugabe wa Bashani baahurura kuturwanisa; kwonka twabasingura,
8
twanyaga ensi yaabo, twagiha Abaareubeeni n'Abaagaadi, n'ekicweka ky'ab'oruganda rwa Manaase kuba eyaabo y'obuhunguzi.
9
N'ahabw'ekyo muteho omutima kukuratira ebigambo by'omuri egi ndagaano, mubone kuba gye omuri byona ebi murikukora.
10
Eri izooba mwena mwemereire omu maisho ga Mukama Ruhanga waanyu, abakuru b'enganda zaanyu, abakuru baanyu n'abategyeki baanyu, n'abantu ba Isiraeli boona,
11
abaana baanyu abato, abakazi baanyu n'abashuuhuuki abari omu nkambi zaanyu, okwiha aha barikusheenya enku okuta aha barikutaha amaizi.
12
Mbwenu mwaija aha kuragaana endagaano eyaarahiirwe Mukama Ruhanga waanyu, ei arikuragaana naimwe eri izooba,
13
ngu abone kubahamya eri izooba kuba eihanga rye, kandi nawe kuba Ruhanga waanyu, nk'oku yaabaraganiise, n'oku yaarahiire baashwenkuriimwe Aburahamu, Isaaka na Yakobo.
14
Haza tiimwe mwenka abu ndikuragaana nabo egi ndagaano n'egi ndahiro,
15
kureka n'ogwo otari aha hamwe naitwe eri izooba, kandi n'oyemereire aha hamwe naitwe omu maisho ga Mukama Ruhanga waitu.
16
Nimumanya oku twatwire omu nsi ya Misiri, n'oku twayogire omu mahanga gu mwarabiremu.
17
Haza mukareeba ebintu byago ebirikunugwa, ebishushani byago ebirikuramibwa, eby'amabaare, eby'efeeza n'eby'ezaabu, ebyabaire bigarimu.
18
Mwerinde omuriimwe hatakaabamu omushaija nari omukazi nainga eka nari oruganda, ou omutima gwe eri izooba gwakutaishuka gukaruga ahari Mukama Ruhanga waitu kuza kuheereza baaruhanga b'ago mahanga. Ekyo kikaaba nk'omuzi ogukura, gukarugamu omuti gurikwana ebijuma by'obushegu kandi ebirikushaarira;
19
akihurira ebigambo by'egi ndagaano n'egyo ndahiro, akeesingiriza aha mutima naagira ati: Tiinyine oku ndiba, nobu ndigumizamu nyine omutima gugangaire; haza ekyo kikacwekyereza abarungi n'ababi.
20
Nyakubaho tarimusaasira, kureka ekiniga kye n'eihato rye biryamubugumaho, n'emikyeeno ehandiikirwe omuri eki kitabo emwerundeho, Nyakubaho amareho eiziina rye ahansi y'eiguru,
21
amushoroore omu nganda za Isiraeli zoona, abe engwerwa kagwe nk'emikyeeno ey'endagaano ehandiikirwe omuri eki kitabo ky'Ebiragiro oku eri.
22
Reero ab'obusingye oburiija, nibo baana baanyu abaribaza omu bigyere, n'omunyaihanga oriruga omu nsi ya hare; baryaborooga ku barireeba ebibonaboneso by'egyo nsi n'endwara zi Nyakubaho agiteerize;
23
baareeba egyo nsi yoona ehindukire obuganga n'omwonyo n'eitaka rihiire nyamwenga, eritakibibwamu, eritakimeza kantu, eritakitookwamu kanyaatsi; ecwekyereziibwe nka Sodoma na Gomora, Abuda na Zeboimu, ezi Nyakubaho yaagiriire ekiniga na kashanga akazicwekyereza.
24
N'amahanga goona garyacura gati: Ai bambe! Beitu Nyakubaho egi nsi agituzire ki? Eki kiniga kirikubuguma nikimanyisa ki?
25
Reero abantu babagarukyemu bati: Manya bakatsigaho endagaano ya Mukama Ruhanga wa baishebo ei yaakozire nabo obu yaabaiha omu nsi ya Misiri;
26
baagyenda, baaheereza baaruhanga abandi baabaramya; baaruhanga abu baabaire batakamanyaga, kandi abu yaabaire abazibiire.
27
Nikyo ekiniga kya Nyakubaho kyabugumiire ahari egyo nsi, kikagireetera emikyeeno ehandiikirwe omuri eki kitabo,
28
Nyakubaho akabarandura omu nsi yaabo aine ekiniga n'ekishinjo na kashanga, akabanaga omu nsi endiijo, nk'oku kiri n'eri izooba.
29
Eby'omubonano n'ebya Mukama Ruhanga waitu. Reero ebishuurwirwe n'ebyaitu n'abaana baitu ebiro byona, ngu tubone kukuratira ebiri omuri eri iteeka.
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 30 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34