bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Ezekiel 1
Ezekiel 1
nyankole
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 2 →
1
Omu mwaka gwa ikumi n'eshatu, omu kwezi kwa kana, aha kiro kya kataano eby'okwo kwezi, ku naabaire ndi omu baazaahiire aha mugyera Kebari, eiguru ryakinguuka, Ruhanga yaambonekyera.
2
Aha kiro kya kataano eky'okwo kwezi (obwo guri omwaka gwa kataano, omugabe Yehoyakini azaahiibwe),
3
nyowe Ezekieli omuhongyerezi mwene Buuzi, Nyakubaho aine eki yangambiire ndi omu nsi y'Abakaludaaya, aha mugyera Kebari. Okwo niyo amaani ga Mukama gaanyiziireho.
4
Ku naagiire kugira nti, naareeba omuyaga gw'eihunga, gwaruga omu bukiizi-bwa-bumosho; kandi gwehinguririziibwe ekicu kihango kirikumurinkana, n'omuriro ogwabaire nigurugwamu omurabyo gutarikuremuura; n'ahagati y'ogwo muriro harimu ekiri nk'omuringa gurikwengyengyeta.
5
Reero omuri ekyo kintu haarugamu ebirikushushana n'enyamaishwa ina, kandi ezirikushusha abantu;
6
kwonka buri emwe eine obuso buna n'amapapa ana.
7
Amaguru gaazo gakaba gagororokire, n'ebigyere byazo nibishusha eby'enyana; kandi nibimurinkana nk'omuringa guzigwire.
8
Omunda y'amapapa gaazo, aha mbaju zaazo ina, zikaba ziine engaro nk'ez'abantu. Kandi ezo nyamaishwa ina zikaba ziine obuso n'amapapa ebyemi biti.
9
Amapapa gaazo gakaba nigakoranaho. Buri emwe ekagumizamu neegyenda etarikuhinduka.
10
Emisusire yaazo; buri emwe ekaba eine aha maisho hana, hatarikushushana; ahamwe haine obuso nk'obw'omuntu omumaisho, ahandi nk'obw'entare aha rubaju rwa buryo, n'ahandi nk'obw'enimi aha rwa bumosho, kandi nk'obw'eishamba enyima.
11
Okwo nikwo zaabaire nizishusha ahamaisho. Reero amapapa gaazo gakaba gashashaanwire ahaiguru; buri nyamaishwa eine amapapa abiri, buri rimwe nirikora aha rya ngyenzi yaayo, kandi abiri zigagwisiize aha mibiri yaazo.
12
Buri emwe ekagumizamu neetoora ei omuyaga gurikugarura; zaaguma nizigyenda zitarikuhinduka.
13
Ahagati y'ebyo bihangwa biine amagara, hakaba hariho ekintu ekirikushushana n'amakara g'omuriro agarikwaka; gari nk'emuri ezirikukora oku n'oku ahagati yaabyo. Kandi ogwo muriro gukaba nigwaka nigurugwamu omurabyo.
14
Haza ebyo bihangwa biine amagara byaguma nibikora oku n'oku n'engoga nk'omurabyo gurikutyankana.
15
Mbwenu ku naabaire nkihangire amaisho ebyo bihangwa biine amagara, naareeba aha rubaju rwabyo enyamuziga ina ezirikukora ahansi; buri kihangwa ahari ezo nyamuziga ina kiineho eyaakyo.
16
Emisusire y'ezo nziga n'oku zaabaire zikozirwe, zikaba nizengyengyeta nk'eibaare ry'omwengyengye. Kandi ezo nziga ina zikaba nizishushana, zikozirwe nka nyamuziga erabainemu n'endiijo.
17
Ku zaabaire ziba nizigyenda, zitoora oku n'oku omu mbaju zaazo ina, zigumiizemu zitarikuhinduka.
18
Ezo nziga ina zikaba ziine empanka n'enyomyo; empanka zaazo ziijwire amaisho okuzeehinguririza.
19
Ebyo bihangwa biine amagara ku byabaire bigyenda, zaanyamuziga zibigyendera aha rubaju; kandi ku byabaire biimuka ahansi, nazo ziimuka.
20
Ei omuyaga gwabaire gugarura nabyo bizayo, n'enyamuziga ziimuka nabyo; ahabw'okuba omutima gw'ebyo bihangwa biine amagara gukaba guri omuri zaanyamuziga.
21
Ei byabaire biza nazo zizayo; bikyemerera, nazo zeemerera, kandi bikiimuka ahansi n'ezo nziga ziimuka nabyo; ahabw'okuba omutima gw'ebyo bihangwa ebiine amagara, gukaba guri omuri ezo nyamuziga.
22
Aha mitwe y'ebyo bihangwa biine amagara hakaba hariho ekirikushusha eiguru, nikimurinkana nk'eibaare ry'omwengyengye, kibambarami eruguru y'emitwe yaabyo.
23
Ahansi y'ekyo kintu kirikushusha eiguru, amapapa gaabyo gakaba gashashaanwire, buri rimwe nirireebana na rigyenzi ryaryo, kandi buri kihangwa kiine amapapa abiri agashwekire omubiri gwakyo.
24
Ku byagyenzire, naahurira endigito y'amapapa gaabyo eri nk'ey'amaizi garikuborogota, nk'okuhinda kw'Ow'obushoboorozi bwona; obwaku bw'egyo ndigito buri nk'orwari rw'eihe ry'engabo. Reero ku byayemereire, byagwisa amapapa gaabyo,
25
haareetana eiraka niriruga eruguru y'ekirikushusha eiguru, ahaiguru y'emitwe yaabyo.
26
Kandi eruguru y'ekirikushusha eiguru, ahaiguru y'emitwe yaabyo, hakaba hariho ekirikushushana n'ekitebe ky'obugabe, kyemi nk'eibaare rirungi rya bururu. Ekyabaire kishutami eruguru y'ekirikushusha ekitebe ky'obugabe kikaba nikishusha omuntu.
27
Okwiha aha kirikushusha amanyaanya ge okugarura eruguru nkareeba ekirikushusha omuringa gurikumurinkana, oguri nk'omuriro gw'ehinguririizeho embaju zoona. Okwiha aha kirikushusha amanyaanya ge, okugarura eifo, naareeba ekiri nk'omuriro, kandi ogwo muntu ayehinguririziibwe ekimurinkano.
28
Ekyo kimurinkano ekyabaire kyehinguririizeho, kikaba kyemi nk'omuhanganzima ogureebeka omu bicu enjura neeza kugwa. Okwo nikwo ekirikushusha ekitiinwa kya Nyakubaho kyareebekire. Ku naakireebire, naagwa ahansi njuumaire, kandi naahurira eiraka ry'orikugamba.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48