bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Ezekiel 47
Ezekiel 47
nyankole
← Chapter 46
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 48 →
1
Bwanyima yangarura aha muryango gwa Nyaruju, naareeba amaizi nigaruga aha nsi y'ekisasi kyayo, nigatoora oburugwa-izooba (ahabw'okuba Nyaruju niyo yaabaire neereeba); kandi ago maizi gakaba nigaruga okuzimu, nigashuumira aha rubaju rwa buryo rwa Nyaruju, nigaraba aha bukiizi-bwa-buryo bw'eitambiro.
2
Atyo yanshohoreza aha irembo ry'aha bukiizi-bwa-bumosho, yanziguurutsya yampitsya aha irembo ry'aheeru eririkureeba burugwa-izooba, naashanga ago maizi nigashohorera aha rubaju rwaryo rwa buryo.
3
Ogwo muntu yaatoora aha rubaju rwa burugwa-izooba, aine omu ngaro omugoye gw'okugyeresa. Yaagyera ago maizi gaaba mikono rukumi, yaagaanyambutsya, naashanga nigahika aha bugombamburi.
4
Yaagaruka yaagagyera, gaaba mikono rukumi, yaanyambutsya, naashanga nigahika omu maju. Kandi yaagyera mikono rukumi, aho naashanga nigakwata omunda.
5
Yaagaruka yaagyera mikono rukumi, aho gwaba omugyera ogu ntarikubaasa kwambuka; ahabw'okuba amaizi gakaba gaijwire gahikire hare okuzimu gari ag'okuziha, gatarikubaasa kwambukwa n'amaguru.
6
Kandi yangira ati: Iwe muntu 'we, ekyo waakireeba? Bwanyima yangarurayo, yandabya aha nkungu y'omugyera.
7
Ku naabaire ningarukayo, naareeba emiti mingi aha mbaju zombi z'ogwo mugyera.
8
Yangira ati: Amaizi aga nigahimintika nigatoora burugwa-izooba, gashuuma omuri Araba; ku garaahikye omu g'enyanja agasyaraire, ago maizi g'enyanja nigaija kuba marungi.
9
Ei ogwo mugyera gurihika yoona, ebihuriire byona biryagira amagara; kandi haryabamu ebyenyanja bingi munonga, ahabw'okuba ago maizi nigaza omu nyanja ngu amaizi g'enyanja gabe marungi. N'ahabw'ekyo ei ogwo mugyera gurihika yoona, buri kintu kiryagira amagara.
10
Okuruga Engedi okuhika Enegulaimu aha rubaju rw'enyanja, abajubi baryatega obutimba. Okwo haryaba hariyo ebyenyanja by'emiringo yoona, nk'eby'omu nyanja empango.
11
Kwonka amaizi g'omu bisharara byayo n'ag'omu myanya yaayo y'orutenga tigariba marungi, kureka garyaba ag'okwihwamu omwonyo.
12
Kandi aha mbaju zombi z'ogwo mugyera haryameraho emiti y'ebijuma birikuriibwa ey'emiringo yoona. Amababi gaayo tigarihotoka, n'ebijuma byayo tibirihunduura, kureka egyo miti eryaguma neeyana buri kwezi; ahabw'okuba amaizi gaayo nigaruga omu Mwanya Ogurikwera. Ebijuma byayo biryaba ebyokurya, n'amababi gaayo gabe omubazi gw'okutamba endwara.
13
Oku nikwo Mukama Ruhanga arikugamba naagira ati: Egi niyo eriba emyatano nk'oku enganda ikumi na ibiri za Isiraeli ziribaganisizibwa ensi kuba obutaka bwabo. Yosefu aryagira emigabo ebiri.
14
Muryagibagana omu bwinganisa, ahabw'okuba nkarahira kugiha baashoimwe; kandi eryaba obutaka bwanyu.
15
Ogu nigwo guriba omwatano gw'ensi: Aha rubaju rw'obukiizi-bwa-bumosho guryaiha aha Nyanja empango, gurabe Heselooni, guhikye ahu orikutaahira nooza Hamasi na Zedadi;
16
kandi guhikye aha ndembo Berota, na Siburaimu eziri ahagati ya Damasiko na Hamasi, n'orurembo Hazarihatikooni oruri aha mwatano gwa Hauraani.
17
Ogwo mwatano guryaruga aha nyanja, guhikye Hazarenooni erikwatana na Damasiko aha bukiizi-bwa-bumosho, n'ogwa Hamasi aha bukiizi nibwo bumwe. Ogwo nigwo guriba omwatano gw'aha bukiizi-bwa-bumosho.
18
Aha rubaju rwa burugwa-izooba omwatano guryaruga Hazarenooni eri ahagati ya Hauraani na Damasiko, gugyende aha rubaju rwa Yorudaani ahagati ya Gileadi n'ensi ya Isiraeli, guhikye aha nyanja y'oburugwa-izooba, gugumizemu guhikye Tamari. Ogwo nigwo guriba omwatano gwa burugwa-izooba.
19
Aha bukiizi-bwa-buryo guryaruga Tamari, guhikye aha maizi ga Meribati-kadeshi, gurugyeyo gurabe aha rubaju rw'akagyera ka Misiri, guhikye aha Nyanja empango. Ogwo nigwo mwatano gw'aha bukiizi-bwa-buryo.
20
Aha rubaju rwa burengyerwa-izooba Enyanja empango niyo eriba omwatano, okuhika ahashungaine n'ahu orikutaahira nooza Hamasi. Orwo nirwo ruriba orubaju rwa burengyerwa-izooba.
21
Okwo nikwo muribagana egyo nsi, nk'oku enganda zaanyu ziri, ekaba obutaka bwanyu.
22
Abanyamahanga abatwire naimwe, bakabazaariramu abaana, nabo baryatunga omugabo gwabo omuriimwe mwagibagana. Baryatwazibwa nk'enzaarwa, bagume babagane obutaka hamwe naimwe ab'enganda za Isiraeli.
23
Buri munyaihanga weena aryaheebwa obutaka omu bantu b'oruganda ru ariba atwiremu; nikwo Mukama Ruhanga arikugira.
← Chapter 46
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 48 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48