bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Ezekiel 17
Ezekiel 17
nyankole
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 18 →
1
Nyakubaho akangira ati:
2
Iwe muntu 'we, gambira ab'eihanga rya Isiraeli ekishaakuzo noobacwera enfumu,
3
noobagira oti: Oku nikwo Mukama Ruhanga arikugamba. Eishamba ry'amapapa mahango n'ebyoya biraingwa by'amabara maingi rikaija Lebanooni, ryatwara akati akashebukire aha mutwe gw'omuryohe,
4
ryacwaho akataagi akarikuguhereeruka aha mutwe, ryakatwara omu nsi enshuubuzi, ryakata omu rurembo rw'abashuubuzi.
5
Bwanyima ryatwara akati k'omutookwa gw'omuzaabibu gw'omu nsi eri, ryakabyara omu itaka rirungi, aha rubaju rw'omugyera muhango, ryakataho nk'akataagi k'omukinga.
6
Kaagina kaarugwamu omuzaabibu mugufu ogujanjamwire, amataagi gaagwo gaakura nigagarura ei eryo ishamba riri; kwonka emizi yaagwo yaaguma ahi gumezire. Gutyo gwaba omuzaabibu, gwajanjamura amataagi, gwashebukwaho amababi.
7
Mbwenu hakaba hariho erindi ishamba ry'amapapa mahango n'ebyoya bingi. Ogwo muzaabibu gwagondeka emizi yaagwo gwagitooza ei riri, kandi gwajanjamura amataagi gaagwo nigagarura ei riri, ngu ribone kuguma nirigwitirira. Eryo ishamba ryagwiha ahi gwabaire gubyairwe,
8
ryagutwara ryagubyara omu itaka rirungi, aha rubaju rw'omugyera muhango; ngu gubone kugina amataagi, n'okwana n'okuba omuzaabibu murungi.
9
Obagambire oti: Mukama Ruhanga naagira ati: Ebyo ogwo muzaabibu nigwija kuba gye? Riri ishamba tiririkwija kukuura emizi yaagwo, rikashara amataagi gaagwo; amababi gaagwo goona agarikubengyeya gakahotoka? Nangwa n'okuguhigura tikirikwetengyesa maani, nari abantu baingi.
10
Mbwenu shi ku guraatwarwe gwabyarwa ahandi, nigwija kuba gye? Omuyaga gw'oburugwa-izooba ku guraaguteere, tigurikwija kuhotokyera kimwe, gukoomera ahi gumezire?
11
Bwanyima Nyakubaho akangira ati:
12
Hati gambira abo bantu bangye abagomi oti: Timurikumanya eki ebyo birikumanyisa? Obagambire oti: Reeba, omugabe wa Babulooni akaija Yerusalemu, yaakwata omugabe waayo, n'abategyeki baayo, yaabatwara owe Babulooni.
13
Kandi akatwara omwe aha banyiginya baayo, yaakora nawe endagaano naamurahiza. Yaatwara n'abantu bakuru b'omuri egyo nsi, abu yaakwatsire,
14
ngu obwo bugabe bubone kubundikwa, burekye kutunguuka, kureka ngu ku baraarinde endagaano ye, nibwo buraagumeho.
15
Kwonka ogwo mugabe akamugomera, yaayohereza abajwekyerwa Misiri, ngu bamuhe embaraasi n'eihe rihango. Mbwenu ebyo aryaba gye? Omuntu orikukora ebintu nk'ebyo naabaasa kukira? Naabaasa kwita endagaano, haza akire?
16
Mukama Ruhanga naagira ati: Niinyerahira nti: Buzimazima omuri ogwo mwanya gw'omuri Babulooni ogu omugabe owaamwemekire atwiremu, ou agayire endahiro ye, akaita endagaano ye, nimwo arigwa.
17
Abanyababulooni ku barirunda eby'okutemberaho, baayombeka ebigo by'okugoteraho kucwekyereza abantu baingi, Faraaho n'eihe rye ery'amaani n'engabo ze nyingi taribaasa kumuha emikono omuri orwo rugamba.
18
Tarikira, ahabw'okuba akagaya endahiro, yaita endagaano, kunu yaikiriize kutegyekwa, haza yaakora ebyo bintu byona.
19
Nikyo Mukama Ruhanga arikugirira ati: Niinyerahira nti: Nk'oku agayire endahiro yangye, akaita endagaano yangye, naanye ndyabimutura, bimutukurire.
20
Ndyamurengyezaho ekigoye kyangye, akwatwe omutego gwangye mmureete Babulooni, mmucwerereyo orubanja rw'okundeebya.
21
Engabo ze zoona entoore ziitirwe aha rugamba, emponoka zitaataanisizibwe ei emiyaga egarura. Reero nibwo murimanya ku Nyowe Nyakubaho niinye naakigamba.
22
Mukama Ruhanga naagira ati: Nyowe nyenka ndyaiha akati kashebukire eruguru, aha mutwe gw'omuryohe, nkabyare. Ndyacwa akataagi koorobi ak'aha mutwe gw'obutaagi bwagwo obuto, nkeebyarire aha rushozi ruraingwa orutunguukire.
23
Ndyakabyara aha rushozi ruraingwa orwa Isiraeli, kagine amataagi, kaane, kandi karugwemu omuryohe murungi; enyamaishwa z'emiringo yoona zitaahe ahansi yaagwo, n'enyonyi za ibara muringo zaarikye omu mataagi gaagwo.
24
Emiti yoona ey'omu ishwa nibwo erimanya ku Nyowe Nyakubaho mbandika emiti miraingwa, nkareisya emigufu; nkoomya emiti emibisi, nkareetera eyomire kubengyeya. Nyowe Nyakubaho niinye naakigamba, kandi ndyakikora.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48