bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Ezekiel 16
Ezekiel 16
nyankole
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 17 →
1
Nyakubaho akagaruka yangira ati:
2
Iwe muntu 'we, manyisa Yerusalemu ebihagaro byayo.
3
Ogigire oti: Oku nikwo Mukama Ruhanga arikukugambira iwe Yerusalemu. Okakomooka kandi waazaarwa omu nsi y'Abanyakanaani. Shoimwe akaba ari Omuamori, na nyoko ari Omuhiitikazi.
4
Ku waazairwe; aha izooba ri waazaariirweho tibarakushazire rurera, n'obu kwakuba okukwozya n'amaizi ngu oshemere; nari okukusiiga omwonyo, nainga shi okukuhumbika otwenda.
5
Aha izooba ri waazaariirweho, tihariho owaakugiriire embabazi kubikukorera; kureka bakakunaga omu ishwa, ahabw'okuba bakaba nibakunuga.
6
Nyowe ku naakurabireho, naareeba nooyekuringa omu shagama yaawe, naakugambira okigirimu nti: Kagire amagara,
7
okakura nk'ekimera omu ishwa! Naiwe waakura, waanyeeta, waaba empangare, waagira amabeere marungi, n'eishokye ryawe ryakura; kwonka waaguma ojwaire busha, ori entangaare.
8
Ku naakurabireho obundi, naakureeba, naashanga waabaire ow'okurigirwa, naakushashaanuriraho omunagiro gwangye, naakujweka ojwaire busha. Nkakurahira amazima, naaragaana naiwe endagaano y'okukushwera, naiwe waaba owangye. Nikwo Mukama Ruhanga arikugamba.
9
Ntyo naihayo amaizi naakwozyaho eshagama, naakusiiga amajuta g'emioliva.
10
Naakujweka emyenda ebaziirwemu amabara g'ebicwererane n'enkaito z'oruhu rurungi munonga, naakuzirika emyenda ya kitaani enungi, naakuhumbika eya riiri,
11
naakujweka amahunde, naakuta engoro aha mikono, n'enkwanzi omu maraka.
12
Reero naakuta empeta aha nyindo, n'ezindi aha matu, n'ekirunga kirungi aha mutwe.
13
Nikwo waahunzirwe ezaabu, efeeza, n'ebijwaro byawe bikaba ebya kitaani enungi, n'eriiri n'emyenda y'amabara g'ebicwererane, okarya oburo bugoyirwe omu saano y'obunono, n'obwoki n'amajuta g'emioliva. Waakura ori murungi okutakareebwaga, waarugaho waaba omwigarire;
14
waarangaanwa omu mahanga ahabw'oburungi bwawe obwareetsirwe eby'amahunde ebi naakujwekire. Mukama Ruhanga nikwo arikugamba.
15
Kwonka ahabw'okwo kurangaanwa kwawe, okeemanya eirungi, waaraaya; waayehayo, waaba owa ibara muhinguzi.
16
Ebijwaro byawe waagira ebi waihamu, waabihundisa endaaro, waaziraayiramu; ekintu ekitakabahoga, kandi ekitaribaho.
17
Ekindi, okatwara amahunde gangye ag'ezaabu n'ag'efeeza waageeheesheramu ebishushani by'abashaija, haza waaraaya nabyo;
18
waihayo ebijwaro byawe by'ebicwererane waabibijweka; kandi waabitoijera amajuta gangye g'emioliva n'obubaani bwangye.
19
Ebyokurya ebi naakuhaire, eby'esaano y'obunono n'amajuta g'emioliva n'obwoki, ebi naabaire nkugaburira, waabibitoijera, kubibeera ekisooroora kirungi; Mukama Ruhanga nikwo arikugamba.
20
Reero waakwata batabani baawe na bahara baawe abu wanzaariire, waabatoijera ebyo bishushani ngu bibarye. Mbwenu noogira ngu okuraaya kwawe kukaba kuri ekintu kikye ahariinye?
21
Haza otaho n'okwita abaana bangye noobatambira ebyo bishushani kuba ekitambo kicwekize?
22
Kandi omu kukora ebyo bihagaro byawe byona, n'obwamaraaya bwawe, toraijukire buri obu waabaire nookinyeeta ojwaire busha, ori entangaare, nooyekuringa omu shagama yaawe.
23
Mukama Ruhanga naagira ati: Ahabw'ebibi byawe ebyo byona, oryakareeba!
24
Okeeyombekyera enju etunguukire, waayekorera emyanya mikuru omu buri nteeraniro z'emihanda.
25
Ahari buri iteeraniro ry'emihanda okombekaho omwanya mukuru gw'okuramizamu ebishushani. Otyo waaraayisa oburungi bwawe, nooyeheereza buri muhinguzi, waakanyisa obwamaraaya bwawe.
26
Ekindi, okaraaya n'Abanyamisiri, bataahi baawe enduruuhi, waakanyisa obwamaraaya bwawe, haza wangwisa kubi.
27
Naanye nikyo ndikufubirira, nkatuubya egabo yaawe, nkakurekurira abazigu baawe abarikukururuuhira, bahara b'Abafilisiti baitsirwe enshoni ahabw'emitwarize yaawe mibi.
28
Ekindi, ahabw'okutahaaga kwawe, okaraaya n'Abaasiriya. Buzimazima okaraaya nabo, nabwo tiwaamarwa.
29
Kandi okakanyisa obwamaraaya bwawe n'abashuubuzi ba Bukaludaaya, hoona nabwo tiwaamarwa.
30
Mukama Ruhanga naakugira ati: Ebishi orahuka kuhampuka! Reeba okakora ebyo byona ebikorwa maraaya rwariire-enshoni;
31
waayeyombekyera enju etunguukire ahari buri nteeraniro z'emihanda; waayekorera emyanya y'okuramizamu ebishushani hoona ahu abantu bateeranira, kwonka tiwaaba nka baamaraaya abandi abenda kuguriirirwa.
32
Ebishi ori nk'omukazi enshambani, otaasya abu atarikumanya, omu mwanya gw'okutaasya iba!
33
Abashaija nibo baha baamaraaya ebiconco, kwonka iwe niiwe obiha nkuzi zaawe; noobagurira ngu bakwijeho nibaruga buri hantu ahabw'obwamaraaya bwawe.
34
Nikyo omu kuraaya kwawe obeereire ow'omutaano aha bandi bakazi; ahabw'okuba tihariho owaakwohize kuba maraaya; kureka niiwe ogurira abantu; haza bo batarikukugurira. Nikyo obeereire ow'omutaano.
35
Iwe maraaya 'we, hurira eki Nyakubaho arikugamba.
36
Mukama Ruhanga naagira ati: Ahabw'okuba obu waabaire nooraaya na nkunzi zaawe, okeejuura, eby'enshoni byawe byayanama, baakureeba ojwaire busha, kandi ahabw'ebishushani byawe ebirikuramibwa, n'ahabw'abaana baawe abu waitsire kubibatambira,
37
naanye nikyo nditeeranira hamwe nkunzi zaawe ezi waabaire oshemererwa nazo, boona abu waakunzire n'abu waatamirwe, nkabahuruza bakaruga oku n'oku, bakakurwanisa; nkakujweka busha omu maisho gaabo, bakakureeba ori entangaare.
38
Ndyakucwera orubanja nk'orw'abakazi abasiisire obushwere, bakaita abantu, nkuhe ekifubiro ky'okwitwa, nkwiniire ekiniga.
39
Ndyakurekurira nkunzi zaawe, bakumbagaze egyo nju yaawe etunguukire, basheenye emyanya yaawe mikuru, bakujuure ebi ojwaire, banyangye amahunde gaawe, bakutsigye ojwaire busha, ori entangaare.
40
Baryakuhururiza eihe ry'okukurwanisa, bakuteere amabaare, bakutemagure na zaarurara zaabo.
41
Baryayotsya amaju gaawe, bakufubirire omu maisho g'abakazi baingi; ntyo nkuzibire kugaruka kuraaya, obe otakiguriirira bantu bundi.
42
Okwo nikwo ndikumariraho ekiniga, nkarekyera aho kukugirira eihato, ndyatuuza, ndekye kukugirira ekiniga obundi.
43
Ahabw'okutaijuka biro byawe, obu waabaire nookinyeeta, kureka okaanyitsa ekiniga ahabw'ebi orikukora, nikyo ndikuzimuuririra ebi waakozire bikakutukurira; Mukama Ruhanga nikwo arikugamba. Mbwenu ebihagaro ebyo byona torabikozire okataho n'obwamaraaya?
44
Reeba, omuntu weena ocwa enfumu aryakucwaho n'egi ati: Naasinga, n'owa nyina!
45
Ori owa nyoko, owaatamirwe iba n'abaana be; kandi ori owa mukuru waawe na murumuna waawe, abaatamirwe baibabo n'abaana baabo! Nyoko akaba ari Omuhiitikazi, na shoimwe ari Omuamori!
46
Mukuru waawe ni Samariya eyaabaire eri n'ebyanga byayo aha bukiizi bwawe bwa-bumosho; kandi murumuna waawe owaabaire atuura aha bukiizi bwawe bwa-buryo, ni Sodoma n'ebyanga byayo.
47
Kwonka toramazirwe kukuratira emitwarize yaabo; n'obu kwakuba okukora ebihagaro nk'ebyabo; kureka omu kaanya kakye kati, omu bi waabaire nookora, okasiisikara okubakira.
48
Mukama Ruhanga naagira ati: Niinyerahira! Murumuna waawe Sodoma n'ebyanga byayo tibarakozire nk'oku iwe n'ebyanga byawe mwakozire.
49
Reeba, eki nikyo murumuna waawe Sodoma yaacumwire: Uwe n'ab'omu byanga bye bakeetunguura, ahabw'okuba ku baagizire ebyokurya bingi, baagogyera, tibaahwera booro n'abakyene.
50
Baagira emyekuniko bankorera ebihagaro omu maisho; naanye ku naakireebire, naabacwekyereza.
51
Aba Samariya tibarakozire nangwa na kimwe kya kabiri ky'ebicumuro byawe. Iwe okozire ebihagaro bingi okubakira. Kandi ahabw'ebihagaro byona ebi okozire, waareetera ab'omu byanga byawe kureebeka nk'abahikiriire.
52
Yemera ekihemu kyawe! Manya niiwe waihiise orubanja aha b'omu byanga byawe ahabw'okuba iwe akakora ebibi bingi okubakira; nikyo barikukukirira kuba abahikiriire. N'ahabw'ekyo itwa enshoni, oyemere ekihemu kyawe, ahabw'okuba niiwe oreeteire ab'omu byanga byawe kureebeka bari abahikiriire.
53
Ndyabagarura aha buteeka. Ndyagarura aha buteeka aba Sodoma n'ab'omu byanga byayo, ngarure aha buteeka aba Samariya n'ab'omu byanga byayo; kandi naiwe Yerusalemu abawe mbagarure aha buteeka hamwe nabo;
54
obone kwemera ekihemu kyawe n'okwitwa enshoni ahabw'ebi waakozire byona; haza ekyo kibahuumurize.
55
Nk'oku aba mukuru waawe, n'aba murumuna waawe: aba Sodoma n'ab'omu byanga byayo n'aba Samariya n'ab'omu byanga byayo barigaruka aha buteeka bwabo bwa ira; naiwe n'ab'omu byanga byawe nikwo murigaruka aha buteeka bwanyu bwa ira.
56
Mbwenu shi murumuna waawe Sodoma okaba otamucwa enfumu, obu waabaire nooyetunguura,
57
ebibi byawe bitakeerukire? Reeba, hati naiwe noojumwa nkawe ab'omu byanga bya Edomu na bataahi baabo, n'ab'omu byanga by'Abafilisiti abakwehinguririize nibakugaya.
58
Oshemereire nu kwemera ekifubiro ky'obuhwa-nshoni bwawe n'ebihagaro byawe. Nyakubaho nikwo arikugamba.
59
Mukama Ruhanga naagira ati: Buzimazima, iwe owaagayire endahiro, okaita endagaano, niinyija kukutwaza nk'oku waakozire!
60
Kwonka shi ndyaijuka endagaano ei naaragaine naiwe nookinyeeta; mpamye naiwe endagaano etarihwaho.
61
Nibwo oriijuka emitwarize yaawe, okaitwa enshoni waareeba nindeeta mukuru waawe na murumuna waawe, nimbakuha kuba bahara baawe; kitari habw'endagaano ei naaragaine naiwe.
62
Ndyahamya endagaano yangye naiwe, omanye ku ndi Nyakubaho.
63
Reero ku ndikusaasira ebicumuro ebi waakozire, nibwo oriijuka, okashoberwa, okabura eky'okugamba ahabw'okwitwa enshoni. Mukama Ruhanga nikwo arikugamba.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48