bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Ezekiel 20
Ezekiel 20
nyankole
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 21 →
1
Omu mwaka gwa mushanju, omu kwezi kwa kataano, aha kiro kya ikumi eky'okwo kwezi, bamwe omu bakuru b'Abaisiraeli bakaija kwehanuuza ahari Nyakubaho, baashutama omu maisho gangye.
2
Haza Nyakubaho yangira ati:
3
Iwe muntu 'we, gambira abakuru ba Baisiraeli, obagire oti: Mukama Ruhanga naagira ati: Mwizire kuunyehanuuzaho? Nyowe Mukama Ruhanga niinyerahira nti: Tindikwija kwikiriza ku muunyehanuuzaho!
4
Mbwenu ebyo iwe muntu 'we, noija kubacwera orubanja? Reero nu, obamanyise ebihagaro ebi baishebo baakozire.
5
Obagire oti: Mukama Ruhanga naagira ati: Obu naatoorana Isiraeli, nkarahira aha b'oruzaaro rw'omuryango gwa Yakobo, naabeemanyisiza omu nsi ya Misiri, naabarahiraho ningira nti: Niinye Mukama Ruhanga waanyu.
6
Eryo izooba nkabarahiraho ku ndibaiha omu nsi ya Misiri, nkabata omu nsi ei naabatooraniire, ensi erikuhimintika amate n'obwoki, erikukiza ezindi nsi zoona ekitiinwa.
7
Nkabagambira nti: Munagire kimwe ebintu birikunugwa, ebi mutuura muhangire amaisho. Buri omwe omuriimwe abangye, murekye kweshiisha n'ebishushani bya Misiri ebirikuramibwa. Niinye Mukama Ruhanga waanyu.
8
Kwonka bakangomera baayanga kumpurira, buri muntu tiyaanaga bintu birikunugwa ebi baabaire bahanga amaisho; kandi tibaareka bishushani bya Misiri ebirikuramibwa. Naanye naateekateeka kuboohoraho kashanga yangye, n'okubamariraho ekiniga kyangye omu nsi ya Misiri.
9
Kwonka tinaatwaza ntyo, ahabw'okutenda kujumisa eiziina ryangye omu mahanga gu batwiremu, agu naabemanyisiizemu obu naabaiha omu nsi ya Misiri.
10
Ntyo naabaiha omu nsi ya Misiri, naabatwara omu ihamba,
11
naabaha ebi naataireho, naabamanyisa ebi naaragiire, ebibaisaho omuntu yaabyorobera.
12
Ekindi, nkabateeraho zaasabato kuba akamanyiso k'endagaano yangye nabo, ngu babone kumanya ku Nyowe Nyakubaho niinye mbeeza.
13
Kwonka ab'eihanga rya Isiraeli bakangomera bari omu ihamba, tibaakuratira bi naataireho; kandi baayanga kukora ebi naaragiire ebireetera omuntu weena obyorobera amagara, baashiisha munonga zaasabato zangye; naanye naateekateeka okuboohoraho kashanga yangye omu ihamba, kubamariraho kimwe.
14
Kwonka tinaatwaza ntyo, ahabw'okutenda kujumisa eiziina ryangye omu mahanga agu naabaihiremu.
15
Ekindi, nkabarahirira omu ihamba ku ntaribahitsya omu nsi ei naabahaire, ensi erikuhita ezindi, erikuhimintika amate n'obwoki,
16
ahabw'okuba bakanga kukora ebi naaragiire, tibaakuratira ebi naataireho, baashiisha zaasabato zangye. Manya emandwa zaabo zibatwara omutima.
17
Kwonka hoona nkabagirira esaasi tinaabacwekyerereza mu ihamba kubamariraho kimwe.
18
Reero nkeehanangiririza abaana baabo omu ihamba nti: Mutakuratira ebi baashwenkuriimwe baataireho nobu kwakuba okukora ebi baaragiire, nari okwehagaza nimuramya emandwa.
19
Nyowe Nyakubaho niinye Ruhanga waanyu, mukuratire ebi naataireho, mute omutima aha kukora ebi naaragiire.
20
Kandi Sabato zangye zigume ziri ezirikwera, zibe akamanyiso k'endagaano yangye naimwe, mubone kumanya ku Nyowe Nyakubaho ndi Ruhanga waanyu.
21
Kwonka abo baana bakangomera, baayanga kukuratira ebi naataireho, kandi tibaata mutima ha kukora ebi naaragiriire, ebireetera omuntu weena obyorobera amagara; baashiisha zaasabato zangye. Naanye naateekateeka kuboohoraho kashanga yangye, n'okubamariraho ekiniga kyangye omu ihamba.
22
Kwonka tinaatwaza ntyo ahabw'okutenda kijumisa eiziina ryangye omu mahanga gu naabaihiremu.
23
Ekindi, nkabarahiririra omu ihamba ku ndibataataanisiza omu mahanga, nkabanaganaga omu nsi z'okwo;
24
ahabw'okuba tibarakozire ebi naaragiire; kureka bakanga kukora ebi naataireho baashiisha zaasabato zangye, baaguma bahangire amaisho emandwa ezi baishebo baaramize.
25
Nikyo naabateereireho amateeka gatari marungi, n'ebiragiro ebitakubaasize kubareetera amagara.
26
Kandi naabareka, baayehagaza nibatamba abaana baabo b'emijigaijo, nibabootsya; ngu nkaabatiinisa, bamanya ku Niinye Nyakubaho.
27
N'ahabw'ekyo, iwe muntu 'we, gambira ab'eihanga rya Isiraeli, noobagira oti: Mukama Ruhanga naagira ati: Omuri eki, nabwo baashoimwe bakandogotaho, bandeebya.
28
Manya ku naabahikize omu nsi ei naarahiire kubaha, mbwenu ahi baabaire bareeba ekibungo kiraingwa nari omuti guyumbize, batambiraho ebitambo, batoijeraho emitoijo erikungwisa kubi. Kandi okwo niyo baabaire booterera emigaju yaabo, bakashukirayo emitoijo yaabo y'ebyokunywa.
29
Nkababuuza nti: Ogwo mwanya gw'okuramizaho emandwa ogu murikuzaho ni ki? Nikyo bagwetera Baama okuhitsya n'eri izooba.
30
Mbwenu gambira ab'eihanga rya Isiraeli oti: Mukama Ruhanga naagira ati: Ebyo naimwe nimwenda kweshiisha kutooreza emicwe ya baashoimwe nimuhaba muhampwirwe ebihagaro byabo?
31
Manya ku mutoija emitoijo yaanyu, mwatamba batabani baanyu nimubootsya, muba nimwehagazisa emandwa zi muramya okuhitsya n'eri izooba. Mbwenu imwe b'eihanga rya Isiraeli 'mwe, obwo niinyija kubaikiriza kuunyebuuzaho? Mukama Ruhanga naagira ati: Niinyerahira, tindikwija kwikiriza ku muunyebuuzaho!
32
Eki murikuteekateeka nimugira muti: Ka tube nk'agandi mahanga, tube nk'enganda z'omu zindi nsi, turamye ebiti n'amabaare, tikiriba kwo.
33
Mukama Ruhanga naagira ati: Buzimazima niinyerahira, n'omukono gw'amaani ogubangire kandi nyine ekiniga kingi, ndyaba mukama waanyu, mbategyekye.
34
Ndyabaiha omu mahanga, mbataaruure omu nsi ezi mwataataaniiremu, n'omukono gw'amaani ogubangire, nyine ekiniga kingi,
35
mbate omu ihamba ry'okwo omu mahanga, mbe niyo naabatonganisiza nitureebana.
36
Nk'oku naatonganisiize baashwenkuriimwe omu ihamba ry'omuri Misiri, nikwo naimwe ndibatonganisa. Mukama Ruhanga nikwo arikugamba.
37
Ndyabashorooresa enkoni yangye, mutaahemu mbareetere kuhitsya endagaano yangye.
38
Ndyaiha omuriimwe abagomi n'abancumuraho, mbaihe omu nsi ei bashuuhuukiiremu. Kwonka tibaritaaha mu nsi ya Isiraeli. Nibwo murimanya ku ndi Nyakubaho.
39
Mukama Ruhanga naagira ati: Imwe ab'eihanga rya Isiraeli, nimwirooko, buri omwe omuriimwe aramye emandwa ze, haza ndeebe nyentsya ku mutarimpurira, mukarekyera aho kuhemura eiziina ryangye eririkwera n'emitoijo yaanyu n'emandwa zaanyu.
40
Mukama Ruhanga naagira ati: Manya aha rushozi rwangye orurikwera, oruraingwa omuri Isiraeli, Abaisiraeli boona oku baingana niho barindamiza omuri egyo nsi. Okwo niyo ndibaikiririza, nkaakiira ebi mureetsire, n'ebiconco byanyu ebirungi, hamwe n'emitoijo yaanyu erikwera.
41
Ku ndibaiha omu mahanga, naabataaruura omu nsi ezi mwataataaniiremu, nibwo ndiikiriza emitoijo n'ebitambo byanyu ebicwekize eby'ekisooroora kirungi, nkabeeyorekyera omuri ago mahanga ku ndi Orikwera.
42
Reero ku ndibahitsya omu nsi ya Isiraeli, ei naarahiire kuha baashoimwe, nibwo murimanya ku ndi Nyakubaho.
43
Kandi okwo niyo muriijukira emitwarize yaanyu, n'ebi mwakozire byona mukeeshiisha; reero muryayetamwa ahabw'ebibi bi mwakozire.
44
Kandi ku ndibatwaza ntyo ahabw'okutenda kuhemura eiziina ryangye, kitari habw'emitwarize yaanyu emibi nari aha bw'ebihagaro bi murikukora, imwe b'eihanga rya Isiraeli 'mwe, nibwo murimanya ku ndi Nyakubaho. Mukama Ruhanga nikwo arikugamba.
45
Kandi Nyakubaho akangambira ati:
46
Iwe muntu 'we, reeba aha bukiizi-bwa-buryo, oharangirire ebirihagwera; kandi orangye ebiriba aha nsi y'ekibira ky'omuri Negebu.
47
Ogambire ekibira kya Negebu oti: Hurira eki Nyakubaho arikugamba. Mukama Ruhanga naagira ati: Reeba ndyakutweka, omuriro gwokyeze kimwe buri kiti kyawe kyona ekibisi n'ekyomire. Endimi zaagwo ezirikubuguma tiziriraazibwa, kureka guryababura buri muntu, okwiha aha bukiizi-bwa-buryo okuta aha bwa bumosho.
48
Abantu boona baryareeba ku Nyowe Nyakubaho niinye ngutwekire; kandi tihariho oribaasa kuguraaza.
49
Naanye naamugira nti: Ai bambe, Mukama Ruhanga! Abantu ka nibangambaho ngu ndi omucooboozi!
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48