bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Ezekiel 39
Ezekiel 39
nyankole
← Chapter 38
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 40 →
1
Kandi muntu 'we, hanuurira Googi ebirimubaho noogira oti: Oku nikwo Mukama Ruhanga arikugamba naagira ati: Iwe Googi omugabe wa Rooshi, Mesheki na Tubali, reeba, naaba omuzigu waawe.
2
Ndyakuhindura, nkwebembeze nkwihe hare omu bukiizi-bwa-bumosho, nkwinamure, nkuhitsye omu nshozi za Isiraeli.
3
Ndyakunagisa obuta oburi omu ngaro yaawe ya bumosho, n'emyambi eri omu ngaro yaawe ya buryo.
4
Iwe Googi n'amahe gaawe, n'amahanga agakuha emikono, muryagwa aha nshozi za Isiraeli; mbashunikire amahungu g'emiringo yoona n'enyamaishwa mbi.
5
Muryagwa omu bwerere; ahabw'okuba niinye naakigamba; nikwo Mukama Ruhanga arikugira.
6
Kandi ndyayohereza omuriro gwotsye Magoogi, n'abatwire omu birwa bagaramisiriize, haza bamanye ku ndi Nyakubaho.
7
Ndyamanyisa abantu bangye Isiraeli ku ndi Orikwera; tibarigaruka kumpemura, kandi amahanga garyamanya ku ndi Nyakubaho Orikwera wa Isiraeli.
8
Reeba eizooba eri naagambireho niriija kubaho; kandi buzimazima riryabaho; nikwo Mukama Ruhanga arikugira.
9
Abariba batwire omu ndembo za Isiraeli baryashohora, bahindure eby'okurwanisa enku, engabo enkye n'empango, amata n'emyambi, ebikoni n'amacumu, babihembe, bamare emyaka mushanju nibabihemba.
10
Tibaryetenga kusheenya mu ishwa n'obu kwakuba okukonda ebiti omu kibira; ahabw'okuba baryahemba eby'okurwanisa byabo. Baryatwara ebintu by'abaatwaire ebyabo, banyagye abaabanyagire. Nikwo Mukama Ruhanga arikugira.
11
Eryo izooba ndyaha Googi omwanya gw'okuziikwamu omuri Isiraeli, omu ruhanga rw'abahinguzi, aha bukiizi bw'enyanja bwa burugwa-izooba. Okwo Googi n'eihe rye ry'abantu niyo bariziikwa, bakaita omuhanda gw'abagyenzi, kandi ogwo mwanya guryayetwa Hamoni-googi.
12
Ab'eihanga rya Isiraeli baryamara ameezi mushanju nibabaziika, ngu babone kushemeza ensi.
13
Abantu boona baryabaziika, baheebwe ekitiinwa, aha izooba eri ndihimbisizibwaho; nikwo Mukama Ruhanga arikugira.
14
Bwanyima baryatoorana abantu b'okuguma nibaraba omu nsi, nibaziika emitumbi eriba etsigairemu, ngu ensi ebone kushemera; kandi ameezi mushanju ku garihwaho bongyere kusherura.
15
Abo bantu ku bariba nibaraba omuri egyo nsi, haagira owaagwa aha igufa ry'omuntu, aryarita akamanyiso aha rubaju, okuhitsya obu abaziiki baririziika omu ruhanga rwa Hamoni-googi.
16
(Kandi aho niho hariba orurembo orurikwetwa Hamona). Okwo nikwo barishemeza batyo egyo nsi.
17
Mbwenu iwe muntu 'we, oku nikwo Mukama Ruhanga arikugamba naagira ati: Gambira amahungu g'emiringo yoona n'enyamaishwa zoona noogira oti: Muteerane, murugye embaju zoona, mwije aha bugyenyi bw'ebitambo obu mbatebeekanisiize. Obwo bugyenyi bw'aha nshozi za Isiraeli ni bukuru, nimwija kurya enyama, munywe n'eshagama.
18
Nimwija kurya enyama z'amamanzi, munywe eshagama y'abategyeki b'omu nsi; murye enyama z'empaya z'entaama, ez'abaana b'entaama, ez'embuzi, n'ez'enimi zoona eza Bashani ez'ebishaju.
19
Aha bugyenyi obu mbatebeekanisiize muryarya ez'ebishaju, okuhitsya obu muraigute, munywe eshagama okuhitsya obu muraasinde.
20
Nimwija kuriira aha meeza yangye embaraasi n'abarikuzigyenderaho, n'amamanzi muteho n'abarwani b'emiringo yoona; nikwo Mukama Ruhanga arikugira.
21
Ndyayoreka amahanga ekitiinisa kyangye, gareebe ku nyine obushoboorozi bw'okucwa emanja zihikire.
22
Okwiha obwo n'okuhitsya ebiro byona, Abaisiraeli baryamanya ku ndi Mukama Ruhanga waabo.
23
Amahanga garyamanya ku ab'eihanga rya Isiraeli baatwairwe omu bukwatwa ahabw'ebibi ebi baakozire, bakancumuraho; nkabeehuzya, abazigu baabo bakabasingura, bakabaitira aha rugamba.
24
Nkabatwaza nk'okutahikiirira kwabo n'ebicumuro byabo oku byabaire biri, naabeehuzya.
25
Nikyo Mukama Ruhanga arikugirira ati: Mbwenu niinyija kugarura abaatwairwe bari enkwatwa, ngirire embabazi ab'eihanga rya Isiraeli, ahabw'okusaasibwa eiziina ryangye eririkwera.
26
Ku bariba baagaramisiriize, batakiine orikubatiinisa, baryayebwa ekihemu kyabo, n'oku bandeebize.
27
Ku ndiheza kubaiha omu mahanga, naabagarura nimbataaruura omu nsi z'abazigu baabo, naabeeyorekyeramu ku ndi Orikwera, amahanga gaakireeba;
28
obwo nibwo barimanya ku ndi Mukama Ruhanga waabo owaabazaire, bwanyima nkabataaruura nk'abagarura omu nsi yaabo y'obuzaarwa. Tindigira n'omwe ou naatsiga omu mahanga obundi.
29
Kandi ku ndishuka Mutima wangye aha b'eihanga rya Isiraeli, tindigaruka kubeehuzya bundi; nikwo Mukama Ruhanga arikugira.
← Chapter 38
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 40 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48