bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Ezekiel 7
Ezekiel 7
nyankole
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 8 →
1
Nyakubaho akangira ati:
2
Iwe muntu 'we, oku nikwo Nyowe Mukama Ruhanga ndikugambira ab'omu nsi ya Isiraeli nti: Muheru ehikire aha mbaju ina z'ensi.
3
Mbwenu naimwe yaabahikaho. Niinyija kuboohoraho ekiniga kyangye, mbacwere orubanja nk'oku emitwarize yaanyu eri; kandi mbafubire ahabw'ebihagaro byanyu byona.
4
Tindikwija kubasaasira, kureka niinyija kubafubira ahabw'emitwarize yaanyu, n'ah'abw'ebihagaro bi murikukora. Nibwo muraamanye ku ndi Nyakubaho.
5
Mukama Ruhanga naagira ati: Akagwe kaaza kukuratana n'akandi! Reeba kaija.
6
Muheru yaahika kandi niiwe yaizira! Mbwenu yaija!
7
Iwe mutuuzi w'omu nsi 'we, egi niyo buhitsya yaawe! Obunaku bwahika, ekiro kiri haihi, eizooba ry'akajagararo, ritari ry'okuteerera aha nshozi akaari k'okushemererwa.
8
Mbwenu niinyija kukwohoraho juba ekishinjo kyangye, nkumarireho ekiniga kyangye, nkucwere orubanja nk'emitwarize yaawe oku eri; kandi nkufubire ahabw'ebihagaro byawe byona.
9
Tindikwija kukusaasira; kureka niinyija kukufubira, nkuture emitwarize yaawe n'ebihagaro bi orikukora. Nibwo oraamanye ku ndi Nyakubaho oyasha.
10
Reeba, eizooba ryahika! Egi niyo buhitsya yaawe! Okutagira bwinganisa kukanyire, n'amaryo gaawe garengyesereize.
11
Orubwa rukuzire rwarugwamu okukora ebibi. Omuribo tihaine oritsigaraho; n'obu kwakuba ebintu byabo ebingi, nari obutungi bwabo, nangwa n'omuribo tiharitsigaramu omurungi nari ow'ekitiinwa!
12
Obunaku bwahika, ekiro kiri haihi. Omuguzi atashemererwa, n'omutunzi ataganya, ahabw'okuba Ruhanga ainiire abantu baayo boona ekiniga.
13
Manya omutunzi tarigarukana eki agurize omuguzi bombi bakiriho, ahabw'okuba Ruhanga ainiire abantu baayo boona ekiniga. Tikiriikaikana. Manya ahabw'ebicumuro byabo, tihariho oritsigaza amagara.
14
Bateire enzamba, boona baayeteekateeka, kwonka haabura owaahurura; ahabw'okuba nyiniire abantu baabo boona ekiniga.
15
Aheeru hariho okurwana, orufu n'enjara biri omunda. Abari omu ishwa nibaitirwayo rurara, abari omu rurembo, enjara n'orufu bibamaraho.
16
Ku harikugira abaahonokaho bakahunga, baza omu nshozi, baba nk'enkombe z'omu mpanga; boona baganya, buri omwe naayefuuza ahabw'ebibi bye.
17
Emikono yaabo etentebukire, entegye zaabo zaatengyeza.
18
Beezirikire ebiguniya, baitwa obwoba, baabwerabwera, emitwe yaabo yoona yaaba enkomborora.
19
Baryanaga efeeza zaabo omu nguuto, n'ezaabu zaabo zibe ekihagaro; ahabw'okuba tiziribaasa kubajuna aha izooba eri Nyakubaho aribagiriraho ekiniga. Tiziribatambira njara kandi tiziribaigutsa, ahabw'okuba nizo zaabareeteire kukora ebibi.
20
Amahunde gaabo bakaba bagakoresa kwetungira ekitiinwa kitaine mugasho, beekorera ebishushani birikuzira, n'ebintu byabyo ebirikunugwa, naanye nikyo ndibihindurira ebihagaro aharibo.
21
Ndyabirekurira abanyamahanaga babishahure, n'abantu b'omu nsi enkozi z'ebibi babinyagye kandi babihagaze.
22
Ndyabareka bahagaze omwanya gwangye ogubiikwamu eby'obutungi, abanyagi bagutaahemu, bagushiishe,
23
baguhindure eitongo. Manya egi ensi eijwire emanja z'okwita abantu, n'orurembo rwijwire obubisha.
24
Ndyareeta amahanga mabi munonga gakubuure amaka gaabo; amamanzi gaabo agarikubeehimbisisa ngacwe eishaija, n'emyanya yaabo erikwera ngihagaze.
25
Ku barireeba enaku, baryayetenga okugira obusingye, kwonka tibaribubona.
26
Akagwe karyakuratana n'akandi, n'orukuru rukuratwe orundi. Baryayeshengyereza omurangi kubagambira eki Ruhanga amumanyiise, kwonka obwo omuhongyerezi aryaba atakiine mateeka g'okuha abantu, n'abakuru omu ihanga batakiine by'okubahabura.
27
Omugabe aryacura, omunyiginya ayehwe amatsiko, emikono y'ab'omuri egyo nsi esharazibwe obwoba. Ndyabagira nk'oku emitwarize yaabo eri, mbacwere emanja nk'oku baazicwereire abandi, babone kumanya ku ndi Nyakubaho.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48