bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Ezekiel 44
Ezekiel 44
nyankole
← Chapter 43
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 45 →
1
Bwanyima akangarura aha irembo ry'Omwanya Ogurikwera ery'aheeru, kandi rikaba rikingire.
2
Yangira ati: Eirembo eri riryaguma rikingire; tiririigurwa, kandi tihaine oririrabamu, ahabw'okuba Mukama Ruhanga wa Isiraeli arirabiremu; nikyo ririgumira rikingire.
3
Omutegyeki wenka niwe arikwikirizibwa kurishitamamu, kuriiramu ebyokurya omu maisho ga Nyakubaho; aryaguma ataahire omu kisasi ky'eryo irembo; kandi nimwo ariguma naashohorera.
4
Bwanyima yandabya omu irembo ry'aha bukiizi bwa bumosho, yampitsya omu maisho ga Nyaruju. Ku naagiire kugira nti, naareeba ekitiinisa kya Nyakubaho kiijwire Nyaruju ye, naagwa aha nsi njuumaire.
5
Nyakubaho yangira ati: Iwe muntu 'we, yetegyereze gye, oreebe n'amaisho gaawe ebi naaza kukugambira byona eby'emigyenzo ya Nyaruju ya Nyakubaho, n'ebiragiro byayo byona. Kandi oyetegyereze gye abarikwikiribwa kutaaha omuri Nyaruju, n'abatarikwikirizibwa kutaaha omu Mwanya Ogurikwera.
6
Ogambire ab'eihanga rya Isiraeli abagomi oti: Oku nikwo Mukama Ruhanga arikugamba naagira ati: Imwe b'eihanga rya Isiraeli 'mwe, nyaabura 'mwe, nyaabura 'mwe nimurekyere kimwe ebihagaro bi murikukora;
7
okwikiriza abanyamahanga abatashazirwe abatarikumpurira kuguma nibahagaza Omwanya gwangye Ogurikwera, mwaba muntoijeire ebyokurya n'enyama z'ebishaju n'eshagama. Timukozire bihagaro ebyo byonka, kureka mutaireho n'okwita endagaano yangye naimwe.
8
Timurinzire bintu byangye ebirikwera; kureka mubirindiise abanyamahanga.
9
Nikyo Mukama Ruhanga arikugirira ati: Tihariho munyaihanga otashazirwe kandi otarikumpurira ow'omu banyamahanga boona ab'omu ihanga rya Isiraeli oriikirizibwa kutaaha omu Mwanya gwangye Ogurikwera.
10
Kwonka Abaleevi abaanyimwire bakaramya emandwa obu Abaisiraeli baanyimuura, baryaheebwa ekifubiro ky'ebibi bi baakozire.
11
Kandi baryaba abaheereza omu Mwanya gwangye Ogurikwera bari abakumiirizi aha marembo ga Nyaruju. Baryaguma nibakoramu omurimo gw'okwita enyamaishwa z'ebitambo by'okucwetsya, n'ebindi bitambo by'abantu b'obutoosha n'okuguma nibeemerera omu maisho g'abantu nibabaheereza.
12
Abo Baleevi, ahabw'okwebembera abantu bangye bakaramya emandwa bakabateeza entsibo, bakacumura, nikyo ndikurahirira nti: Baryaheebwa ekifubiro; nikwo Mukama Ruhanga arikugira.
13
Tibarimpika haihi kunkorera omurimo gw'obuhongyerezi nari okwirira haihi ekintu kyona ekirikwera, n'ebindi ebirikwera munonga; kureka baryaitwa enshoni ahabw'ebihagaro byabo bi baakozire.
14
Kwonka n'obu biraabe biri bityo, ndyabahindura abarinzi ba Nyaruju, kukora ebyamwo byona.
15
Abahongyerezi n'Abaleevi beene Zadoki, abaabaire bakora emirimo omu Mwanya gwangye Ogurikwera, nibo barimpika bakaguma nibampongyera enyama z'ebishaju n'eshagama; nikwo Mukama Ruhanga arikugira.
16
Baryaguma bataahe omu Mwanya gwangye Ogurikwera, bairire haihi emeeza yangye kumpeereza, kandi bakore ebi ndikubaragiira.
17
Ku bariguma bataaha omu marembo g'ekibuga ky'omunda, bataahemu bajwaire ebijwaro bya kitaani. Batarijwara ekintu kyona ekirimu ebyoya by'entaama baaba nibaheereza omu marembo g'ekyo kibuga n'omunda yaakyo.
18
Baryaguma bajware ebikwemba bya kitaani omu mutwe, bajware n'empare za kitaani omunda; kandi bataryezirika ekintu kyona ekirikubareetera kutuutuka.
19
Kandi ku bariba batakashohoire kushanga abantu omu kibuga ky'aheeru, bajuure ebijwaro ebi baaba nibaheererezamu, babite omu bishengye ebirikwera, bajware ebindi, batakaareetera abantu kweteekateekaho ngu n'abarikwera.
20
Batarimwa ishokye n'obu kwakuba okurikuza, kureka baryaguma barituubye.
21
Omuhongyerezi weena atarikunywa viino, yaaba naataaha omu kibuga ky'omunda.
22
Batarishwera omufaakazi nari oshenzirwe, kureka bashwere omwishiki oshugaine w'ab'eihanga rya Isiraeli, nari omufaakazi owaabaire ari muka omuhongyerezi.
23
Baryaguma beegyese abantu bangye omutaano gw'ebirikwera n'ebitari birikwera kandi babahabure kutaanisa ebishemeire n'ebitashemeire.
24
Ku haribaho empaka, bakore nk'abaramuzi, baramure abantu nk'oku ebiragiro byangye biri. Baryayorobera ebiragiro byangye, n'ebi naataireho omu magyenyi gangye agu naaragiire, beeze na zaasabato zangye.
25
Batarihika haihi omutumbi bakeeshiisha, kwonka omuhongyerezi naikirizibwa kweshiisha, yaahika omutumbi gwa ishe, ogwa nyina, ogw'omutabani, ogw'omuhara, ogwa mwene ishe nari ogwa munyaanya otakashweirwe.
26
Kandi ku ariheza kusiisikara amare ebiro mushanju, bwanyima abone kwezibwa abe oshemeire.
27
Kwonka aha izooba eri aritaahiraho omu Mwanya Ogurikwera omu kibuga ky'omunda kuheereza, ahongye empongano y'okweshiisha. Nikwo Mukama Ruhanga arikugira.
28
Tibarigira buhunguzi; niinye buhunguzi bwabo; mutaribaha omugabo omuri Isiraeli; niinye mugabo gwabo.
29
Baryaguma barye aha mutoijo gw'esaano n'aha mpongano, n'aha karabo; kandi ekintu kyona ekyabiikiirwe Ruhanga omuri Isiraeli kiryaguma kiri ekyabo.
30
Emiganuro y'ebiribanza kwera byona eby'emiringo yoona, na buri mutoijo gwona ogw'omumitoijo yaanyu ey'emiringo yoona, eryaguma ebe ey'abahongyerezi. Kandi muryaguma muhe abahongyerezi ebiihuro byanyu, amaka gaanyu gabone kugumwamu emigisha.
31
Kandi abahongyerezi batarirya enyonyi erikuguruka nari enyamaishwa eyefeereire, nainga eitsirwe endiijo nyamaishwa.
← Chapter 43
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 45 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48