bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Ezekiel 36
Ezekiel 36
nyankole
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 37 →
1
Mbwenu Nyakubaho akangira ati: Iwe muntu 'we, hanuurira enshozi za Isiraeli noozigira oti; Imwe nshozi za Isiraeli 'mwe, nimuhurire ekigambo kya Nyakubaho.
2
Oku nikwo Mukama Ruhanga arikugamba naagira ati: Ahabw'omuzigu kukwesiimirana ati: Otyo, nikyo kihena! Kandi ati: Enshozi zaabo tuzikubwire.
3
N'ahabw'ekyo hanuura noogira oti: Oku nikwo Mukama Ruhanga arikugamba naagira ati: Ahabw'okubasingyeera bakabahindura amatongo babaturukire embaju zoona, mukahinduka ensi ekubwirwe agandi mahanga, mukaba ekiganiiro ky'abarikubagambuura,
4
n'ahabw'ekyo imwe nshozi za Isiraeli 'mwe, nimuhurire ekigambo kya Mukama Ruhanga. Oku nikwo Mukama Ruhanga arikugambira enshozi, ebibungo, ebinonko n'empanga, amatongo, n'endembo ebyanyagirwe bikahinduka eky'okushekyeererwa amahanga agabyehinguririize, naagira ati:
5
Nikyo Mukama Ruhanga arikugirira ati: Ngambire ekiniga nikyenda kumbarura, nimpana amahanga agabeehinguririize, n'okukira munonga, Edomu. Abaanyagire ensi yangye nibeesiima, kandi nibagayana ngu bagikubwire.
6
N'ahabw'ekyo ohanuure ebiriba ahari Isiraeli noogambira enshozi, ebibungo, ebinonko n'empanga oti: Oku nikwo Mukama Ruhanga arikugamba naagira ati: Reeba ningambisa ekiniga n'eihato, ningira nti: Ahabwa Isiraeli kwemera kuhemurwa amahanga,
7
nikyo ndikurahirira ningira nti: Buzimazima ago mahanga gakwehinguririize nago garyahemurwa. Nikwo Mukama Ruhanga arikugira.
8
Kwonka nshozi za Isiraeli 'mwe, muryashebuka amataagi, mwanire Abaisiraeli, abantu bangye, ebijuma; manya bari haihi kugaruka owaabo.
9
Haza ndiho aha bwanyu, niinyija kubagarukira ngu mubone kuhingwamu n'okubibwamu.
10
Ndyakanyisa abantu ababatwiremu ab'eihanga rya Isiraeli yoona; endembo zituurwemu, n'amatongo gombekwemu.
11
Ndyabakanyisamu abantu n'amatungo, bizaare bikanye; mbareetere kutuurwamu nk'omu biro byanyu ebya ira, mbakore gye okukira oku naabagizire bwabiso. Haza obwo nibwo murimanya ku ndi Nyakubaho.
12
Ndyareka abantu bangye Abaisiraeli babatuuremu, mubeere kimwe abaabo, kandi timurigaruka kubaitira baana obundi.
13
Okwo nikwo Mukama Ruhanga arikugamba naagira ati: Ahabw'abantu kubagira ngu muri ebibungo birikwita abantu, bikamara abaana omu ihanga ryanyu,
14
nikyo mutarigarukira kwita bantu bundi; n'obu kwakuba okumara abaana omu ihanga ryanyu. Nikwo Mukama Ruhanga arikugira.
15
Tindibareka kugaruka kuhurira ebijumo byabo, n'obu kwakuba okwemera okuhemura kwabo; n'eihanga ryanyu timurigaruka kuriteeza ntsibo. Nikwo Mukama Ruhanga arikugira.
16
Nyakubaho akagaruka yangira ati:
17
Iwe muntu 'we, obu ab'eihanga rya Isiraeli baabaire batwire omu nsi yaabo bakagisiisisa emitwarize yaabo n'ebi barikukora; emitwarize yaabo ekansusira nk'omukazi ari omu kwezi.
18
Nkabagirira ekiniga kingi nimbatura abantu bu baitsire n'emandwa zi bagisiisiise.
19
Nkabacwera orubanja ahabw'emitwarize yaabo n'ebi baabaire bakora, naabataataanisiza omu mahanga.
20
Kandi ku baahikire omuri ago mahanga, ei baabaire baza yoona, bakaba bajumisa eiziina ryangye eririkwera; ahabw'okuba abantu bakaba babagambaho bati: Aba n'abantu ba Nyakubaho abaazaahiibwe, bakaruga omu nsi ye.
21
Kwonka naasaasibwa eiziina ryangye eririkwera eri ab'eihanga rya Isiraeli baajumiise omu mahanga agu baagiiremu.
22
Mbwenu gambira ab'eihanga rya Isiraeli oti: Oku nikwo Mukama Ruhanga arikugamba naagira ati: Imwe b'eihanga rya Isiraeli 'mwe, niinyija kugira eki naakora, kwonka ti habwanyu, kureka ninkikora ahabw'okumpemurira omu mahanga agu mwagiiremu.
23
Ndyahaisa eiziina ryangye erikuru ekitiinwa, erimwahemwire omu mahanga, haza gaikirize ku riri eririkwera. Reero ku ndibeeyorekyeramu ku ndi Orikwera, amahanga garyamanya ku ndi Nyakubaho; nikwo Mukama Ruhanga arikugira.
24
Ndyabaiha omu mahanga, mbataaruure omu nsi zoona, mbagarure omu nsi yaanyu ey'obuzaarwa.
25
Ndyabashukaho amaizi marungi, mboozyeho oburofa bwona, mbamaremu emandwa mushemere.
26
Kandi ndyabaha omutima musya; mbatemu ebiteekateeko bisya, mbaihemu omutima ogugumire nk'eibaare mbatemu ogworobi.
27
Ndyabatamu Mutima wangye, mbareetere kworobera ebiragiro byangye, mubone kurinda ebi naataireho n'okubikora.
28
Muryatuura omu nsi ei naahaire baashoimwe mube abantu bangye, naanye mbe Ruhanga waanyu.
29
Ndyabaihaho ebihagaro, mbeereze engano nyingi kandi timurigaruka kuteerwa njara.
30
Ndyabeereza ebijuma, ndeetere n'emisiri yaanyu kwera, murekye kugarukwaho ekihemu ky'enjara omu mahanga obundi.
31
Haza obwo nibwo muriijuka emitwarize yaanyu mibi, n'ebibi bi mwabaire mukora, mukeetamwa ahabw'ebibi byanyu n'ebicumuro byanyu.
32
Ekyo mukimanye ku ntarikikora habwanyu, nikwo Mukama Ruhanga arikugira. Imwe b'eihanga rya Isiraeli 'mwe, mugire enshoni, mubwerabwere ahabw'emitwarize yaanyu mibi.
33
Oku nikwo Mukama Ruhanga arikugamba naagira ati: Aha izooba eri ndiboogyezaho ebibi byanyu byona, ndyabaikiriza mugarukye mutuure omu ndembo zaanyu, mwombekye ebyasheenyukire.
34
Ensi eyaabaire eri eihamba eryahingwa, erekye kuba amatongo aha bahinguzi.
35
Bwanyima baryagira bati: Ensi eyaabaire eri amatongo mbwenu ebaire nk'Ekibanja kya Edeni; n'endembo ezaabaire zisheenyirwe zitsigirweho, zihindukire amatongo, mbwenu reeba zitwirwemu abantu, kandi zeehinguririziibwe engo z'amabaare.
36
Haza amahanga agariba gabeehinguririize garyamanya ku nyowe Nyakubaho niinye nyombekire emyanya eyaabaire esheenyirwe, nkahinga ahaabaire hari endaara. Nyowe Nyakubaho niinye naakigamba, kandi ndyakikora.
37
Oku nikwo Mukama Ruhanga arikugamba naagira ati: Kandi eki nakyo ndyaikiriza ab'eihanga rya Isiraeli kukinshaba ngu nkibakorere, nikwo kubakanyisa nk'obusyo bw'entaama.
38
Endembo ezaabaire zisheenyirwe ziryaijuramu abantu, zibe nk'obusyo bw'entaama obureetsirwe omuri Yerusalemu kutambirwa aha magyenyi gaayo agaatairweho. Haza obwo nibwo barimanya ku ndi Nyakubaho.
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 37 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48