Hosea 14

nyankole

← Chapter 13 Jump to:

1Iwe Isiraeli 'we, garukira Mukama Ruhanga waawe, manya ebicumuro byawe nibyo byakugwisize.

2Mugyende n'ebi bigambo, mugarukye ahari Nyakubaho, mumugire muti: Otusaasire ebibi byaitu, oikirize ebirungi bi turikukushaba. Naitwe nitwija kuhikiiriza ebi twakuragaanisa.

3Asiriya teritujuna; titurigyendera ha mbaraasi, kandi ebi tukoreise emikono yaitu tituribyeta bundi Ruhanga waitu. Manya omuriiwe nimwo efuuzi zishanga embabazi.

4Ndyabakiza okutaba beesigwa, mbeekundire nyihire aha mutima; ahabw'okuba tinkibainiire kiniga.

5Isiraeli ndyagibeera nk'orume, erabye nk'omwangangye, etsimbe emizi nk'emirama ya Lebanooni.

6Amataagi gaayo garyajanjamura, oburungi bwayo bube nk'obw'emioliva, n'omugaju gwayo gutaamirane nk'ogwa kaarwenda ya Lebanooni.

7Ndyaguma mbarinzire; bahingye ebyokurya bingi by'enjuma, barabye nk'omuzaabibu, bataamirane omugaju nka viino ya Lebanooni.

8Efuraimu eryaba etakiine kakwate n'ebishushani birikuramibwa. Manya niinye mpurira okushaba kwayo, nkagirinda. Ndi nka kaarwenda eyumbize. Niinye nkomookwaho emigisha yaayo yoona.

9Oine obwengye weena ebyo abyetegyereze; n'orikwetegyereza weena ebyo abimanye. Manya emitwarize ya Mukama ehikire, kandi abahikiriire bagikuratira. Kwonka abasiisi bagigwamu.

← Chapter 13 Jump to: