Hosea 3

nyankole

← Chapter 2 Jump to: Chapter 4 →

1Nyakubaho akangira ati: Irooko ogarukye okunde ogwo mukazi enshambani orikukundwa ondiijo mushaija; nk'oku nyowe Nyakubaho nkunda Abaisiraeli nobu baraabe baayehongyeire baaruhanga abandi, bakakunda ebiihuro by'emizaabibu eyomire.

2Naanye nikwo kumucunguza empiiha ikumi na itaano z'efeeza, n'encuro emwe n'ekicweka bya baale.

3Mmugira nti: Ori ow'okuguma ori owangye okumara ebiro bingi, okareka kuraaya nari okuba ow'ondiijo mushaija. Naanye nikwo ndaabe naiwe.

4Manya Abaisiraeli n'ab'okumara ebiro bingi bataine mugabe nobu yaakuba omutegyeki; bataine bitambo, nobu yaakuba enyomyo, bataine ekijwarirwa aha kifuba ekirikwetwa efodi nari ebishushani.

5Bwanyima Abaisiraeli baryagarukira Mukama Ruhanga waabo n'omugabe waabo Daudi; baije ahari Nyakubaho nibatetema, nibenda ngu abakorere eby'embabazi omu biro ebiriija.

← Chapter 2 Jump to: Chapter 4 →