Hosea 8

nyankole

← Chapter 7 Jump to: Chapter 9 →

1Teera enzamba! Ahabw'okuba abazigu nibazeereera ahari Nyaruju ya Nyakubaho nk'eishamba; manya Abaisiraeli baitsire endagaano yangye, baagomera eiteeka ryangye.

2Bantakira nibagira bati: Ruhanga waitu, itwe Abaisiraeli nitukumanya.

3Abaisiraeli bangire ebirungi, nikyo omuzigu waabo arikwizira kubahiiga.

4Bakeemeka abagabe ntabaikiriize, baayeteeraho abategyeki, ntakimanyire. Baaheesha omu feeza zaabo n'ezaabu ebishushani birikuramibwa kwecwekyereza.

5Iwe Samariya 'we, nyangire enyana ei abantu baawe barikuramya. Mbainiire ekiniga kingi. Mbwenu baryaherera hi batakeihireho ekyo kintu omuri Isiraeli.

6Manya egyo nyana ti Ruhanga, ekaheeshwa omuntu. Enyena ya Samariya eryacwegacwagurwa, ebe obusasingo.

7Nibabiba omuyaga, baryagyesha akasooroora. Engano zaabo ezimezire tiziine bushiisha, kandi tiziryera byokurya. Nangwa nobu zaakwera, abanyamahanga bakaazirya.

8Abaisiraeli bamizirwekwo. Na mbwenu baahikire omu mahanga. Bari nk'ekintu kitaine mugasho;

9ahabw'okuba bainamukire, baaza Asiriya, baaba nk'enturegye erikuzengyerera yonka. Mbwenu Efuraimu eguririire nkunzi zaayo,

10nobu baraabe baguririire abanyamahanga b'okubaha emikono, kwonka Nyowe ndyabateerana juba, bamare akaanya batarikwemeka mugabe.

11Manya Abaefuraimu ei bagarukiire kukanyisa amatambiro g'okwekiza ebibi, niyo bagarukiire kugira emyanya y'okukoreramu ebibi.

12Kuri naabahandiikiire ebiragiro kakumi eby'omu iteeka ryangye, nabwo bakaabyetsire ekintu ky'enduga mahanga.

13Nibakunda kutamba ebitambo. Nibatamba enyama, kandi bagirya. Kwonka Nyakubaho tarikubasiima. Hati naija kwijuka ebicumuro byabo, abafubire naabatura ebibi byabo; bagarukye Misiri.

14Kandi, ahabw'okuba Abaisiraeli bakeebwa omuhangi waabo, baayombeka ebikaari, n'Abaayuda baakanyisa endembo ziriho ebigo bigumire. Kwonka niinyija kutweka endembo zaabo omuriro, gumareho ebyo bigo byabo ebigumire.

← Chapter 7 Jump to: Chapter 9 →