Hosea 6

Quechuan QXO (Biblia en Quechua del sur de Conchucos)

← Chapter 5 Jump to: Chapter 7 →

1Tayta Diosman yapay yärakushun. Castigamarnintsikpis allïtsimäshunmi. Yawarllana kanqantsikyaq asutaskamarnintsikpis jampimäshunmi.

2Wanushqanö kaykashqapis illaqpitam kawatsimäshun. Puntanchö kawanantsikpämi yanapamäshun.

3¡ Tayta Diosman imanöpapis kutishun! Patsa waraptin rupay yarqamunanpä kanqanta musyanqantsiknömi kuyapämänantsikpä kanqanta musyantsik. Usya tiempu päsaptin tamya qallaykunanpä kanqanta musyanqantsiknömi yanapamänantsikpä kanqantapis musyantsik.

4Tayta Diosmi nin: «Efraín runakuna, ¡imatarä qamkunata rurayküman! Judá runakuna, ¡imatarä qamkunata rurayküman! Patsa waraptin pukutay raslla illakanqannömi qamkuna kuyayämanqaykipis kaykan. Rupay yarqamuptin shullya illakaqnömi kaykan.

5Tsaymi profëtäkunawan willakatsimunqänö qamkunata ushakätsiyarqü. Willakatsimunqänömi qamkunata wanutsiyarqü. Willakuynï aktsinö karmi tantiyatsiyäshurquyki jutsayuq kayanqaykita.

6Ofrendakunata apayämunqaykipitapis mas munä kuyapäkuq kayänaykitam. Sacrificiuta rupatsiyanqaykipitapis masmi noqata reqiyämänaykita munä.

7«Peru qamkunaqa Adán mana cäsumanqannömi pactu ruranqantsikta cäsuyankitsu. Cäsuyämänaykipä awniyämanqaykitapis manam cumpliyankitsu.

8Galaad markachöqa lïsu runakunallam kaykäyan. Tsaychöqa wanutsinakuyllam kaykan.

9Sacerdötikunapis Siquemman aywaq nänichömi asaltaykäyan. Paykunam runakunata wanutsiyan y imaykaläya jutsatapis rurayan.

10«Israel nacionchömi mantsariypä jutsata ruraykaqta rikarqü. Efraín runakunaqa runanta engañaq warminömi juk dioskunata adoraykäyan. Israel runakuna tsaynö rurar pasaypa melanaypämi kaykäyan.

11Judá runakuna, qamkunatapis castïgum shuyaraykäshunki. «Kuyanqä runakunata kuyapayta munarpis

← Chapter 5 Jump to: Chapter 7 →