bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Isaiah 14
Isaiah 14
Quechuan QXO (Biblia en Quechua del sur de Conchucos)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 15 →
1
Jacobpita miraqkuna, Tayta Diosmi kuyapämäshun. Israel runakuna, yapay akramarnintsikmi nacionnintsikman qorimäshun. Juklä nación runakunapis noqantsikwan juntum täyanqa.
2
Nacionnintsikman kutimunantsikpämi maytsay runakuna yanapamäshun. Prësu apamaqnintsik runakunatapis kikinkunatam prësu tsariskir podernintsikchö tsararäshun.
3
Babilonia nacionpa mandaqnin rey ñakatsimanqantsikpita, llakikatsimanqantsikpita y mana jamatsiypa arutsimanqantsikpitam Tayta Dios jamatsimäshun.
4
Tsay junaqmi Babilonia nacionpa mandaqnin reypa contran shärir nishun: «¡Poderyuq runata rikayay! ¡Runa tukuyninpis mayparä aywashqa!
5
Mana alli ruraq runakunapa poderyuq kaynintam Tayta Dios manakaqman churashqa. Mandaq kaynintapis qechushqam.
6
Paykunaqa mana kuyapaypam may markatapis atacar ushakätsiyaq. May naciontapis poderninchö tsarararmi mana kuyapaypa ñakatsiyaq.
7
«Paykuna ushakäyaptinmi maytsaychöpis kushishqana kawar cantayan.
8
Babiloniapa mandaqnin rey ushakanqanpitam ciprespis y Líbanuchö kaykaq cedrupis kushikur niyan: «Kananqa mutuyämänanpä manam pitapis mandamunkinatsu».
9
«Babilonia nacionpa mandaqnin rey, wanushqakunapa almankunam rikaq rikaqlla shuyaraykäyäshunki. Punuyanqanpita rikcharkurmi chaskiyäshunaykipä alistakuykäyan. Maytsaychö wanuq reykunapa almankunapis jamaraykäyanqanpitam chaskiyäshunaykipä shäriykäyan.
10
Paykunaqa llapanmi niyäshunki: «Qampäpis wanuy kashqam ¿aw? Qampis noqakunanöllam wanurquyki.
11
Pampaskiyäshuptiki poderyuq kaynikipis ushakashqanam. Fiestata ruraptiki arpayki waqanqanpis ushakashqanam. Kaychöqa qopikipis qataykipis kurullanam kanqa».
12
«Waraq lucëru, ¡imanöpatä ciëlupita shushumurquyki! Qamqa atska nacionkunatam vincirqayki. Tsaynö kaykaptikipis kananqa kikikitam patsaman jitarpayämushurquyki.
13
Runa tukurmi shonqullaykichö niq kanki: «Ciëluyaqmi chäshä. Diospa qoyllurninkunapita mas jananchömi trönü kanqa. Dioskuna qorikäyänan norti kaq lädu jirkachö jamaykurmi mandashä.
14
Pukutay jananmanmi yarkushä. Poderösu Tayta Diosnömi kashä».
15
«Tsaynö yarpaykarpis wanushqakuna kaykäyanqanmanmi charquyki. Patsa rurinpitapis mas rurimanmi charquyki.
16
Wanushqa jitaraqta rikashurnikim mantsakashqa niyanqa: «¿Kay runachi pïmaytapis tsuktsukyätsiq karqan? ¿Kay runachi llapan nacionkunatapis ushakätsiq karqan?
17
¿Kaychi maymanpis chanqan kaqta tsunyaykaqta dëjaq, markakunatapis ushakätsiq y prësukunatapis mana dëjaq karqan?»
18
«Nacionkunapa mandaqnin reykunaqa llapanpis kuyayllapä sepultürachömi pamparäyan.
19
Peru qamtam sïqa tsaymantsu pampayäshunki, sinöqa basüratanömi jitayäshunki. Guërrachö wanutsishqa y soldädukuna lanquyanqan ayatanömi wakin runakunapa ayantawan uchkullaman jitarpuyäshunki.
20
Nacionkunata ushakätsinqaykipita y marka mayikikunata wanutsinqaykipitam wakin reykunatanöqa pampayäshunkitsu. Mana alli runa kanqaykipitam tsurikikunata ni imapäpis cuentayanqatsu.
21
¡Qampa tsurikikunata llapanta wanutsiyätsun! ¡Mandaq rey ama katsuntsu! Rey karmi maytsaychö markakunata duëñu tukuyanqa».
22
Llapanta mandaq Tayta Diosmi nin: «Babilonia markapa contran kikï shärirmi chipyaq ushakätsishä. Tsaymi poderninpis kanqanatsu. Babilonia runakunapa wamrankunata y willkankunatam chipyaq ushakätsishä.
23
Tsay partitaqa erïzukuna täkunanman y siniga sinigamanmi tikraratsishä. Pitsapakuqnörämi Babiloniata ushakätsishä». Llapanta mandaq Tayta Diosmi tsaynö nin.
24
Llapanta mandaq Tayta Diosmi nin: «Ninqäqa ninqämi kanqa. Yarpanqänömi llapanpis rurakanqa.
25
Israel nacionman yaykamuq Asiria runakunatam chipyaq ushakätsishä. Jirkakunachömi jarur ushashä. Kuyanqä runakunapa matankanman yüguta churapuyanqantam jipishä. Atska qepita aparitsiyanqantapis jipishämi.
26
Maytsay nacionkunapämi tsaynö yarpaykä. Llapan nación runakunata castiganäpämi listu kaykä.
27
Poderösu kaykaptï ¿pirä michämanman? Ushakätsinäpä aywaptï ¿pirä tsapämanman?»
28
Rey Acaz wanunqan watam Isaíasta revelar Tayta Dios nirqan:
29
«Filistea nación runakuna, atacashuqniki Asiria nacionpa mandaqnin rey wanunqanpita ama kushikuyaytsu. Paypa tsurinkunapitam juk rey kanqa. Tsay reyqa pasaypa venënuyuq culebrapitapis mas peormi kanqa.
30
«Tsaynö kaptinpis pobrikunataqa alli qewachö mitsiqnömi cuidashä. Imaynaq runakunapis kushishqam kawayanqa. Peru filisteo runakunatam sïqa mallaqaywan wanutsishä. Kawaykar quëdaq kaqkunatapis llapantam ushakätsishä.
31
«Filistea markakunapa punkunkuna, ¡waqayay! Filistea markakuna, ¡mantsarir qayaräyay! Llapaykikunapis filisteo runakuna, ¡mantsariywan tsuktsukyäyay! Qoshtatarrämi norti lädupita soldädukuna shamuykäyan. Fïlanpita jukpis mana yarquypam shamuykäyan».
32
Filisteapita mandamunqan runakunatam nishun: «Sión jirkantaqa Tayta Diosmi rikaykan. Tsaymi imaypis ñakarqa kuyanqan runakuna tsayman amparakuyanqa».
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66