bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Isaiah 5
Isaiah 5
Quechuan QXO (Biblia en Quechua del sur de Conchucos)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 6 →
1
Amïgüpa jutinchömi üva chakrapä cantashä: Amïgüpam jirkanchö alli wayuq üva chakran karqan.
2
Rumikunata jipiskirmi shumaq pirqarqan. Alli ñawiyuq üva plantakunatam tsayman plantarqan. Üva chakra chawpinchönam täpananpä törrita shärikatsirqan. Üvata pallaskir jarunanpämi juk pözuta läja rumikunawan rurarqan. Amïgüqa mishkiq üva wayunanpä kanqantam yarparqan. Tsaynö yarpaptinpis pochquqtam üvan wayurqan.
3
Tsaymi chakrapa duëñun nin: «Jerusalén runakuna y Judá runakuna, kanan mä niyämay. ¿Üva plantäkunaku o noqaku mana allita rurarqü?
4
Üvata plantar ¿imatatä mas ruräman karqan? ¿Imarä faltashqa tsay plantakunaman wiñanäpä? Noqaqa yarparqä mishkiqta üva wayunanpä kanqantam. Allita plantaykaptïpis pochquqtam wayushqa.
5
«Kanan willashayki üva chakräta imanö ruranäpä yarpanqäta. Däñu ushananpä manam cuidashänatsu. Jarutakuyänanpämi pirqantapis juchuratsishä.
6
Tsunyaykaqtam jaqirishä. Manam pipis podanqatsu ni uryanqatsu. Kashallanam chipyaq juntanqa. Mana tamyamunanpämi pukutaytapis nishä».
7
Llapanta mandaq Tayta Diospa üva chakranmi Israel runakuna y Judá runakuna kayan. Tayta Dios paykunata kuyar leyninkunata cumpliyänanpä nikaptinpis wanutsinakuyllachömi kayan. Yanapanakuyänanpä nikaptinpis ñakaqkuna waqayanqallanmi wiyakan.
8
¡Allaw, imanörä kayanki, maytsaychöpis wayikunata rantiqkuna! Chakrakunatapis maytsaychö rantirmi llapanpa duëñun kayanki. Entëru nacionchöpis ¿qamkunallanaku tayta munayanki?
9
Llapanta mandaq Tayta Diosmi nimashqa: «Atska wayikunam ushakanqa. Mayjina jatunkaray ni kuyayllapä kashqa kaptinpis manam pipis täyanqanatsu.
10
Kimsa hectaria üvapitam juk uyllullata vïnuta jipiyanqa. Chunka costal trïgu muruta mururpis juk costalllatam qoriyanqa».
11
¡Allaw, imanörä kayanqa tsaka tsakapita upyaqkuna! Paykunaqa vïnuta upuykällarmi tsakäpakuskiyanpis.
12
Atska vïnuta upyar fiestata rurayanqanchömi arpata, salteriuta, tamburta, flautata tukayanqan wiyakan. Tayta Dios castigananpä kanqantam sïqa ichikllatapis tantiyakuyantsu.
13
Mana tantiyakuq kayanqanpitam kuyanqä runakunata juklä nacionman prësu apayanqa. Llapan runakunawan mandaqninkunam mallaqaywan y yakunaywan wanuyanqa.
14
Mandaq autoridäkunata y jinan runakunatapis sepultüram shiminta äyarkur ultaskinqa. Fiestachö kushishqa kaykaqtam llapanta tsaynö ultaskinqa.
15
Tsayrämi runa tukuqkunapis penqakur umpuräyanqa.
16
Pïmaymi musyanqa llapanta mandaq Tayta Dios jutsaynaq santu kanqanta.
17
Juchutsishqa markakunachö pipis manana täraptinmi qewallana wiñanqa. Tsaymi tsay markakuna kanqanchö üshakunata cabrakunata mitsikuyanqa.
18
¡Allaw, imanörä kayanqa llullakuypa mana alli costumbrita apamuqkuna! Paykunaqa waskawan qarachaqnömi imayka mana allikunata apaykäyämun.
19
Paykunam niyan: «Israel runakunapa santu Diosnin castigamaynintsikta munarqa mä ras castigamäshun. Desgraciata apamuyta munarqa ras apamutsun. Imanö castigamänantsikpä kanqanta musyaytam munayä».
20
¡Allaw, imanörä kayanqa mana alli kaqta «allim» niqkuna y alli kaqta «mana allim» niqkuna! Tsaynö karmi atsikyaptinpis «tsakanmi» niyan. Tsakaptinpis «atsikyanmi» niyan. Ayaqtapis «mishkinmi» niyan y mishkiqtanam «ayanmi» niyan
21
¡Allaw, imanörä kayanqa yachaq tukuqkuna! Paykunaqa kikillankunapämi yachaq kayan.
22
¡Allaw, imanörä kayanqa qoyay qoyay upyaqkuna, machätsikuqkunata taku takurkur upuqkuna!
23
Qellaypä raykurmi jutsayuqtapis «jutsaynaqmi» niyan. Jutsaynaqtapis «jutsayuqmi» niyan.
24
Llapanta mandaq Tayta Diospa leyninkunata manam cäsuyantsu. Israel runakunapa santu Diosninpa palabrantam manakaqman churayan. Tsaymi tsaki jachapa raprankunata nina rupaqnö Tayta Dios paykunata ushakätsinqa. Tsaynöllam tsaki oqshata nina rupaqnö ushakätsinqa. Matsun ismushqa jacha ushakanqannö y waytan shushur allpaman tikranqannömi ushakäyanqa.
25
Tayta Diosmi pasaypa rabyashqa kaykan. Kuyanqan runakuna kashqapis castigamänantsikpä alistakushqanam kaykan. Tsayta musyarmi jirkakunapis pasaypa tsuktsukyäyan. Wanutsinqan runakunatapis cällikunamanmi jitaskiyanqa. Castigamashqapis Tayta Diospa rabyaynin manam päsanqatsu. Jinallam castigamänantsikpä rikaraykämantsik.
26
Tayta Diosmi karu nacionchö täraq runakunata bandërawan sëñaypa qayanqa. Mayjina karuchö täraqkunamanpis wichyakunqam. Qayakunqanta wiyarmi maytsaypitapis atacamänantsikpä ras chäyämunqa.
27
Tsay runakuna manam ajyäyanqatsu ni ishkiyanqatsu. Manam punuyanqatsu ni pununäyanqatsu. Wachukunkunapis manam paskakanqatsu ni llanqinkunapis rachinqatsu.
28
Flëchankunapis awja puntam kayanqa. Flëchakunankunapis alistashqallanam kanqa. Caballunkunapa shillunkunapis chukru ruminömi kanqa. Carrëtankunapa ruëdankunapis shukukuy vientunörämi tumanqa.
29
Tsay runakunaqa pasaypa qayararmi atacamäshun. Leonkuna qayaräyanqannörämi wiyakanqa. Ashmata leonkuna apayanqannömi prësu apamäshun.
30
Tsay runakunam atacamäshun bunyaypa bunyar lamar kuchunman chaqnö. Patsapis tsakaqnörä kaptinmi junaq kanqanpis musyakanqatsu.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66