bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Proverbs 1
Proverbs 1
Quechuan QXO (Biblia en Quechua del sur de Conchucos)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 2 →
1
Kaychömi qellqashqa kaykan Israel nacionpa mandaqnin rey Salomón parlanqan proverbiukuna. Payqa rey Davidpa tsurinmi karqan.
2
Kay proverbiukunata parlarqan runakuna alli kawayänanpä, llutankunata mana rurayänanpä, yachatsikuykunata tantiyakuyänanpä,
3
yätsinqankunata chaskikuyänanpä, respitösu kayänanpä, allillata rurayänanpä y formal runa kayänanpä.
4
Tsaynöllam kay proverbiukunata parlarqan mana tantiyakuq runakuna tantiyakuyänanpä, jövinkuna y jipashkuna alli yarpayyuq kayänanpä.
5
Yachaq runaqa kay proverbiukunatam chaskikun. Tsaynöpam mas tantiyar yachakun.
6
Tsaynöllam yachaq runakuna niyanqanta, iwalatsiypa yätsiyanqanta y aja tantiyaypä niyanqantapis tantiyan.
7
Yachaq kaytaqa qallaykuntsik Tayta Diosta mantsapakurmi. Mana yachaq runaqa alli kawayta ni alli yachatsikuyta manam chaskintsu.
8
Hïju, papäniki yätsishunqaykita cäsukuy. Mamayki yachatsishunqaykita ama qonqaytsu.
9
Paykuna yätsiyäshunqaykiqa kuyayllapä corönanö y wallqanömi kaykan.
10
Hïju, mana alli amïgukuna jutsa rurayman inkitayäshuptiki ama cäsuytsu.
11
Paykunaqa capazchi niyäshunki: «Aku noqakunawan aywashun. Tranquïlu puriqkunata shuyaykur wanutsishun.
12
Alli kawakuq runakunatapis mana kuyapaypa ushakätsishun. Pitapis supayninta apatsishun.
13
Imaykankunatapis aparmi rïcuyäshun. Wayintsikkunachöpis manam imapis faltämäshuntsu.
14
Noqakunaman shamuy rïcuyänaykipä. Llapan suwakunqantsiktam rakipänakushun».
15
¡Hïju, tsaynö niyäshuptikipis ama chaskipaytsu! ¡Llutanta yätsiyäshuptikipis paykunapita witikuy!
16
Paykunaqa mana allita rurayänanpämi ras cörriyan. Runakunata mana kuyapaypam wanutsiyan.
17
Trampata churanqantsikta rikarqa pishqukunapis manam yaykuyantsu.
18
Peru tsay runakunam sïqa mana tantiyakuypa kikinkunapä trampata churaykäyan.
19
Tsaynöllam ambiciösukuna rïcu kayänanpä yarpachakuykäyanqallanchö ushakäyanqa.
20
Alli yachayqa willakuq runanömi cällikunachö y pläzakunachöpis willakuykan.
21
Tsaynöllam markaman yaykuna punkukunachö y runakuna mas puriyanqan cällikunachöpis willakur nin:
22
«Mana tantiyakuq jövinkuna, allita rurayänaykipä ¿imanirtä yarpachakuyankitsu? Burlakuqkuna, ¿imanirtä runakunata asipar kaykäyanki? Juiciuynaq runakuna, ¿imayyaqtä tantiyakuyankitsu?
23
Llutanta mana rurayänaykipä yätsinqäta shumaq wiyayämay. Wiyayämaptikiqa yachaq kayänaykipämi tantiyatsiyäshayki.
24
«Tantiyatsinäpä qayaykaptïpis qamkunaqa manam cäsuyämarquykitsu.
25
Llutankunata mana rurayänaykipä yätsinqätapis manam chaskiyämarquykitsu. Tantiyatsiyaptïpis manam cäsuyämarquykitsu.
26
Tsaymi desgracia päsayäshuptiki kuyapäyäshaykitsu. Asikushärämi pasaypa mantsakashqa puriyaptiki,
27
ñakaykuna shamuptin pasaypa mantsakäyaptiki y ima ruraytapis mana puëdir llakikuyaptiki. Tsay desgraciakunam päsayäshunki shukukuy vientu imatapis apar ushanqannö.
28
«Tsaynö päsayäshunqayki höram yanapanäpä mañakayämaptikipis cäsuyäshaykitsu. Mayjina ashimarpis manam tariyämankitsu.
29
Desgraciam päsayäshunki yachaq kayta mana munayanqaykipita y Tayta Diosta mana mantsapakuyanqaykipita.
30
Qamkunaqa yätsinqätapis manam chaskikuyarquykitsu. Llutanta mana rurayänaykipä yätsinqätapis manam cäsukayämarquykitsu.
31
Llutan ruraq kayanqaykipitam ñakayanki. Jutsata rurayanqaykipitam pasaypa llakikur puriyanki.
32
«Mana tantiyakuqkunaqa mana cäsukuq kayanqanpitam wanuyanqa. Juiciuynaq kaqkunaqa mana chaskikuq kayanqanpitam ñakayanqa.
33
Peru yätsinqäkunata chaskikuqkunam sïqa alli kawayanqa. Paykunataqa manam ima desgraciapis päsanqatsu».
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31