bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Proverbs 17
Proverbs 17
Quechuan QXO (Biblia en Quechua del sur de Conchucos)
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 18 →
1
Alli allillata mikurnin chikinakur kawananpa rantinqa mas allim kanman chukru tantata mikullarpis kuyanakur kawaptin.
2
Tantiyakuq sirviqnintam patronnin churan mana cäsukuq tsurinta cuidananpä. Tsay sirviqninmi patronninpa tsurinkunawan herenciata rakipänakuyanqa.
3
Rasunpa qori kanqanta y qellay kanqanta musyananpämi ninawanrä tsullutsin. Tsaynöllam runapa yarpaynin alli kanqanta o mana alli kanqantapis musyananpä Tayta Dios pruëbaman churan.
4
Mana alli ruraq runaqa mana alli mayin yachatsinqantam cäsun. Llulla runapis llulla mayin ninqantam wiyan.
5
Pobrikunata manakaqman churarmi kamakuq Tayta Diosta manakaqman churan. Runa mayinta desgracia päsaptin kushiparqa castigashqam kanqa.
6
Willkankunaqa imayka corönanömi awilunkunapä kaykan. Maman y papänin kawaptinmi wamrankunapis kushishqa kawayan.
7
Mana tantiyakuq runa yachaq tukur parlaptin penqakuypä kanqannömi autoridä llullakunqan penqakuypä kaykan.
8
Qarayta apaqkunaqa pïmaytapis awnitsiyanmi. Tsaymi llapan yarpäyanqantapis tariyan.
9
Perdonakuq karqa amïgutapis tarinmi. Mana perdonakuq karmi sïqa amïgunpitapis rakikan.
10
Tantiyakuq karqa yachatsiptin wiyakunmi. Peru mana tantiyakuq runam sïqa atska kuti asutaptinpis cäsukuntsu.
11
Mana alli runaqa piwanpis pelyayllatam munan. Peru kallpasapa runa yuriskirmi sïqa kikintapis qokachaskin.
12
Mana tantiyakuq rabyashqa runaqa wawan oqrashqa ösupitapis mas mantsaypämi kaykan.
13
Yanapaykaptin mana alliwan kutitsiptinqa castankunachöpis desgraciallam kanqa.
14
Rimanakatsiq runaqa imayka lloqlla aywaqpitapis peormi. Rimanakunanpa rantinqa mas allim kanman witikuptin.
15
Jutsa ruraqta castigananpa rantin jutsaynaqta castigaptinmi Tayta Dios rabyan.
16
¿Imapärä välin mana tantiyakuq runa qellayyuq kanqanpis? Atska qellayyuq karpis yachaytaqa manam rantiyta puëdintsu.
17
Alli amïguqa manam imaypis amïgunta jaqintsu. Ima ñakaychö kaptinpis wawqintanömi yanapan.
18
Mana tantiyaq runaqa pipapis garantianmi yaykun. Garantizanqan runa mana pägakuptinqa kikinmi pägakunqa.
19
Runa mayinta wajupaq runaqa pelyatam ashin. Shimisapa runaqa shiminpitam maqaytukun.
20
Mana allita rurananpä yarpachakuq runaqa manam imaypis alli kawayta tarintsu. Llullakuq runataqa imaypis desgraciam päsan.
21
Tsurin mana tantiyakuq kaptinmi papänin llakikun. Mana alli ruraq kaptinqa rabyanmi.
22
Kushishqa kawaq runaqa sänum kawan. Peru llakishqa kawaq runam sïqa qeshyapäkullar kawan.
23
Mana alli ruraq runaqa pakayllapam imatapis chaskipakun. Chaskipakuskirmi jutsa ruraqpa janan shärin.
24
Tantiyakuq runaqa yachaq kananpämi yarpachakun. Mana tantiyakuq runam sïqa yachakunanpäpis yarpachakuntsu.
25
Mana tantiyakuq wamraqa papänintam rabyanätsin y mamantanam llakikatsin.
26
Manam allitsu jutsaynaq runata castiganqan. Tsaynölla manam allitsu respitashqa runata asutanqan.
27
Tantiyakuq runaqa manam alläpa parlakuntsu. Yachaq runaqa ima kaptinpis pacienciakunmi.
28
Mana yachaq runapis upälla kakur pacienciakuptinmi yachaq kanqanta yarpäyan.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31