bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Proverbs 8
Proverbs 8
Quechuan QXO (Biblia en Quechua del sur de Conchucos)
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 9 →
1
Tantiyakuymi qayaykäshunki. Yachaymi wiyanaykita munaykan.
2
Jirkankunachö y tinkuq nänikunachömi shuyaraykäshunki.
3
Markaman yaykuna jatun punku lädunchömi shuyaraykäshunki. Tsaypita qayakurmi nikämun:
4
«Runakuna, llapayki wiyayämänaykipämi qayakaykämü.
5
Mana tantiyakuq jövinkuna y jipashkuna, tantiyaq kayänaykipä noqapita yachakuyay.
6
Shumaq wiyayämay. Mas väliq kaqkunatam tantiyatsiyäshayki. Yätsinqäkunaqa llapanpis allim kaykan.
7
Rasun kaqllatam yachatsiyäshayki. Llullakuyqa manam imaypis gustamantsu.
8
Llapan yachatsinqäkunapis Tayta Dios munanqannömi. Pitapis manam engañätsu.
9
«Yachaq runaqa parlanqäkunata rasmi tantiyan. Paykunaqa tantiyayanmi yätsinqäkuna alli kanqanta.
10
Qellaypä y qoripä yarpachakuyänaykipa rantin tantiyakuq y yachaq kayänaykipä yarpachakuyay.
11
Yachaq kayqa kuyayllapä perlaskunapitapis masmi välin. Yachatsinqämanqa manam imapis iwalantsu.
12
«Noqaqa yachaywan juntum kaykä. Yätsinqäkunaqa llapanpitapis mas allim kaykan.
13
Tayta Diosta mantsapakuqkunaqa jutsa rurayta dëjayanmi. Runa tukuqkunata y alabakuqkunataqa rabyapämi. Jutsa ruraqkunata y llullakuqkunataqa manam rikaytapis munätsu.
14
«Yätsinqäkunata chaskiq runaqa imatapis shumaqmi ruran. Noqapitarämi yachaqpis y munayyuqpis kayan.
15
Noqa yanapaptïrämi reypis alli mandan y autoridäkunapis alli arreglayan.
16
Tsaynöllam noqa yanapaptïrä mayor runakuna y yanapaqninkunapis shumaq mandayan.
17
«Kuyamaq kaqkunataqa noqapis kuyämi. Ashimaq kaqkunaqa tariyämanmi.
18
Noqa yanapaptïmi rïcuyäyan y respitashqapis kayan.
19
Tantiyatsinqäqa allin kaq qoripitapis masmi välin. Yätsinqäqa yuraq qellaypitapis mas allim kaykan.
20
Imatapis alli kaqkunallatam rurä. Manam imatapis mana alli kaqkunataqa rurätsu.
21
Kuyamaq kaqkunataqa rïcuyäyänanpämi ayudä. Wayinkunachö manam ni imapis faltanqatsu.
22
«Imatapis manarä kamarmi Tayta Dios noqata kamamarqan.
23
Kay patsapis manarä kaptinmi noqaqa kaykarqäna.
24
Lamarkunatapis manarä kamarmi noqata kamamarqan. Mayukunapis y pukyukunapis manarämi karqanrätsu.
25
Jirkakunata manarä kamarmi mas puntata kamamarqan.
26
Patsata, chakrata y allpata manarä kamarmi puntata kamamarqan.
27
Lamar jananman ciëluta kamaptinpis tsaychömi kaykarqä.
28
Ciëluchö pukutayta kamaptinpis y lamarman yakuta juntatsiptinpis tsaychömi kaykarqä.
29
Kuchunpita lamar mana päsananpä mandaptinpis y patsapa cimientunta churaptinpis
30
payta yanaparmi tsaychö kaykarqä. Noqata rikamarmi kushikurqan. Paypa puntanchömi qoyay qoyay kushikurqä.
31
Kamanqan patsachömi pasaypa kushikurqä. Runakunata rikarmi kushikurqä.
32
«Kuyay wamräkuna, llapaykikuna wiyayämay. Noqata cäsumarqa kushishqam kawayanki.
33
Yätsinqäta shumaq chaskikuyay. Manakaqman ama churayaytsu.
34
Yätsinqäta wiyakuqkunaqa kushishqam kawayanqa. Paykunam yätsinqäta wiyayänanpä qoyay qoyay wayi punküchö shuyäyäman.
35
Noqata chaskimaqkunaqa alli kawaytam tariyanqa. Paykunataqa Tayta Diosmi yanapanqa.
36
Peru noqapita witikuqkunatam sïqa imapis päsanqa. Noqata mana cäsumaqkunaqa wanuymanmi chäyanqa».
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31