bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Proverbs 25
Proverbs 25
Quechuan QXO (Biblia en Quechua del sur de Conchucos)
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 26 →
1
Kay qellqanqankunapis rey Salomón ninqan proverbiukunam. Kay proverbiukunata qoriskirmi Judá nacionchö rey Ezequíaspa yanapaqninkuna qellqayarqan.
2
Runa mana tantiyanqankunataqa Tayta Diosmi musyan. Wakin runakuna mana tantiyaptinpis reyqa yarpachakurmi tantiyan.
3
Ciëlupa altun mayyaq kanqanta, patsapa rurin mayyaq kanqanta y rey imata yarpanqantapis manam pipis musyantsu.
4
Yuraq qellayta tsulluskatsir qanranta jipiskirmi tsay qellaypita kuyayllapä cöpata rurayan.
5
Tsaynöllam mana alli ruraq runata qarquskirqa tranquïluna rey mandanqa.
6
Reypa puntanchö ama yachaq tukuytsu. Mayor runakuna jamakuyänanmanqa ama jamakuytsu.
7
Tsaypa rantinqa jamaräyanqanman paykuna qayayäshuptikirä jamakunki. Mayor runakuna rikaykaptin jipishuptikiqa pasaypa penqakurmi yarqunki.
8
Imatapis manarä shumaq musyarqa ama autoridäkunaman willaq aywaytsu. Jinan höra willaptikiqa qepaykita shamuq runa juknö niptin manam ima niytapis puëdinkitsu.
9
Contraykiwan rimanakuskir cuidädutä pipis confiakur willashunqaykita parlankiman.
10
Willaptikiqa penqakuymanmi churashunki. Tsaynöpam mana allichö quëdanki.
11
Alli musyaykur hörallanchö parlanqaykiqa imayka yuraq qellaywan adornashqa qori manzänanömi.
12
Yachaq runapäqa yachaq runa yätsinqanmi qoripita rurashqa sortïjanö y qoripita rurashqa wallqanö.
13
Alläpa achaptin alaq yakuta upur yakunashqa runa kushikunqannömi willakuqnin runa yärakuypä kaptin mandaqninpis kushikun.
14
Usya pukutayta vientu puritsinqannömi imatapis qarananpä awnirkur mana cumpliq runaqa.
15
Pacienciakuq runaqa rabyashqa kaykaqtapis rabyayninta päsatsinmi. Alli shimillanpa parlaparmi contrantapis yarpachakatsin.
16
Abëjapa mishkinta tarirqa alläpa ama mikunkitsu. Alläpa mikuptikiqa lanzatsishunkim.
17
Amïguyki kaptinpis alläpaqa ama wayinman aywankitsu. Alläpa aywapaptikiqa ajayäshunkim.
18
Mäzunö, cutsillunö y flëchanömi amïgunpa contran parlaqkunaqa.
19
Llakikuychö kanqayki höra traicionëru runaman ama yärakuytsu. Payman yärakurqa chakiki pakishqanö y kiru nanaywan kaykaqnömi kanki.
20
Llakishqa kaykaqta ama cantapaytsu. Payta cantaparqa qeriman kachita wiñaqnö y alaychö röpanta lloqtitsiqnömi kanki.
21
Chikishuqniki mallaqaptinqa mikuyta qaray. Yakunaptinqa yakuta makyay.
22
Tsaynö ruranqaykipitam Tayta Dios pägashunki. Peru chikishuqniki runam sïqa pasaypa penqakunqa.
23
Norti lädupita vientumuptinmi imaypis tamyan. Tsaynöllam runa mayinpa contran parlaptin pïmaypis rabyanan.
24
Mas allim kanman rabyanaykaq warmiwan kuyayllapä wayichö tänanpa rantin tsukllallachöpis kushishqa täkunqan.
25
Pasaypa yakunaykaq runapä yaku kushikuypä kanqannömi karu markapita alli willakuyta apayämunqanpis kushikuypä kaykan.
26
Tsuya yakuman putka yaku tallukanqannömi jutsaynaq runa jutsa ruraq runakunawan juntakanqan kaykan.
27
Alläpa mishkita mikuptiki däñashunqaykinömi runakuna alläpa alabayäshunqaykipis mana alli kaykan.
28
Murallanni marka peligruchö kanqannömi geniunta controlakuyta mana puëdiq runapis peligruchö kaykan.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31