bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Proverbs 20
Proverbs 20
Quechuan QXO (Biblia en Quechua del sur de Conchucos)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 21 →
1
Vïnuwan machaskirmi pitapis achäquita ashipan. Machashqa runaqa pelyatam ashin. Tsay runaqa mana yachaq karmi llutanta ruran.
2
Rey rabyanqanmi imayka león qayaranqannö mantsaypä. Tsaynö kaykaqtaqa pipis wanuyta ashirmi achäquita ashipan.
3
Piwanpis mana rimanakuq runataqa respitayanmi. Mana tantiyakuq runam sïqa piwanpis llutalla rimanakun.
4
Qela runaqa murukuy witsan manam arukuntsu. Tsaymi cosëcha witsan mayjina ashirpis tarintsu.
5
Jondu yakuchö imapis mana rikakanqannömi runa imata yarpanqanpis musyakantsu. Peru yachaq runam sïqa runa imata yarpanqantapis tantiyan.
6
Atskaq runakunam alli runa kayanqanta yarpäyan. Rasunpa yärakuypä runata ¿pirä tarinman?
7
Papänin alli runa kaptinqa tsurinkunapis kushishqam kawayan.
8
Reyqa juzgananpä trönunman jamaykurmi mayqan jutsayuq kanqantapis ras tantiyaskin.
9
Manam pipis ninmantsu: «Noqaqa jutsaynaqmi kä. Shonqüpis manam llutankunata yarpantsu».
10
Pësuwan y tupuwan engañayaptinmi Tayta Dios pasaypa rabyanan.
11
Alli jövintaqa yanapakuq y respitösu kanqanpitam reqintsik.
12
Ñawi rikananpä y rinri wiyananpämi Tayta Dios kamashqa.
13
Paqaspa junaqpa punukuptikiqa manam imaykipis kanqatsu. Arukuptikiqa mikuynikipis manam faltanqatsu.
14
Rantinanpä kaykar barätullachö munarmi nin: «Kayqa manam allitsu». Peru barätullachö rantiskirnam kushikun.
15
Yachaq runa parlanqanqa atska qoripita y atska alhäjakunapitapis mas allim.
16
Jäpa runata garantizaqtaqa jaqanta pägakunqanyaq röpantapis qechuy.
17
Llullapaypa engañaq runaqa tsay höra kushikurpis warayninkunaqa problëmachömi kanqa.
18
Yätsikuqkuna tantiyatsiptinmi chaskikuqkuna imatapis shumaq ruran. Guërrachöpis shumaq yarpachakuskir pelyarrämi vinciyan.
19
Tullu shimiqa rasmi pitapis willaskin. Tsaynö kaqkunawanqa ama juntakäyaytsu.
20
Papäninta y mamanta maldicionaq runaqa pasaypa ñakarmi wanunqa.
21
Mana ñakarlla rïcuyanqanmi ras ushakanqa. Ushakäpakuskirqa llakishqam purinqa.
22
Venganzata ruranaykipä ama yarpaytsu. Tsaypa rantinqa Tayta Diosman yärakuy. Paymi imaykapitapis tsapäshunki.
23
Pësunwan y tupuwan engañayaptinmi Tayta Dios pasaypa rabyan.
24
Runa imanö kawananpäpis Tayta Diosmi permitin. Pipis manam musyantsu waray warantin imanö kawananpä kanqanta.
25
Tayta Diosta awnirkur cuidädutä cumplinkimantsu. Mana cumpliptikiqa juzgashunkim.
26
Yachaq reyqa mana alli ruraq runakunatam qarqun. Paykunataqa chipyaqmi ushakätsin.
27
Tayta Diosmi runapa shonqun allita o mana allita yarpanqantapis musyan.
28
Rey kuyapäkuq y rasun kaqllata parlaptinmi pipis trocatsiyta munantsu.
29
Jövinkunaqa kallpasapa kayanqanpitam kushikuyan. Rukukunaqa yachaq kayanqanpitam kushikuyan.
30
Jutsa ruraq runaqa castigaptinrämi jutsa rurayta dëjan. Castigaptinrämi llutanta ruranqanta tantiyan.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31