bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Proverbs 22
Proverbs 22
Quechuan QXO (Biblia en Quechua del sur de Conchucos)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 23 →
1
Qellayyuq y qoriyuq kaypitapis mas allim pïmaypitapis alli rikashqa kanqantsik.
2
Rïcuta pobritapis Tayta Diosmi kamashqa.
3
Alli yarpachakuq runaqa ima peligrupitapis cuidakunmi. Peru mana yarpachakuq runam sïqa desgraciaman ishkin.
4
Tayta Diosta mantsapakuq humildi runaqa rïcuyanqam, pïmaypitapis alli rikashqam kanqa y alli kawaytam tarinqa.
5
Mana alli ruraq runataqa ima desgraciapis päsanmi. Alli ruraq runaqa tsaykunapita cuidakunmi.
6
Wamrataqa wamra kanqanyaqlla alli kawananpä shumaq yachatsiy. Jatunyarpis yachakunqantaqa manam qonqanqatsu.
7
Pobrikunataqa rïcu runam poderninchö tsararan. Jaqa tukuqkunataqa prestaqninmi poderninchö tsararan.
8
Mana alli ruraq runaqa jutsata ruranqanpitam ñakanqa. Tsay runataqa Tayta Diosmi rabyarnin ushakätsinqa.
9
Pobrikunata kuyapar imallatapis qaraqkunaqa bendiciontam chaskiyanqa.
10
Abusïvu runata qarquskiptikiqa manam chikinakuy, rimanakuy ni ashllinakuypis kanqanatsu.
11
Rasun kaqllata parlaq runataqa reypis kuyanmi. Alli shimillanpa parlaq runaqa reypa amïgunmi.
12
Yachaq runataqa Tayta Diosmi imapitapis tsapan. Peru llullakuq runatam sïqa pasaypa penqakuyman churan.
13
Qela runaqa aruyta mana munarmi nin: «Leonmi nänichö mikumanqa».
14
Runanta engañaq warmipa kuyakuyninqa imayka marpunömi trampa kaykan. Tsay warmiwan kakuq runaqa Tayta Diostam rabyanätsin.
15
Mana cäsukuq karmi wamraqa llutankunata ruran. Tsaynö kaqkunaqa castigaptinrämi llutan ruraykunata dëjan.
16
Rïcuyänan raykur pobrita engañar o rïcuman qaraykunata aparqa hambrünamanmi chanqa.
17
Yachaq runakuna yätsiyäshunqaykita yachakuy. Paykuna yachatsiyäshunqaykinölla imatapis ruray.
18
Yachatsiyäshunqaykita imaypis yarparanki. Tsaymi pitapis willanaykipä imay hörapis listu kaykanki.
19
Tayta Diosman imaypis yärakunaykipä yätsishayki.
20
Qampämi qellqaykä kimsa chunka (30) yachatsikuykunata. Tsaychömi kaykan tantiyatsikuykunawan yätsikuykuna.
21
Tsaykunata yachakuskirmi yachaqna kanki. Tsaymi pipis tapushuptiki rasun kaqllata ninki.
22
Pobrita rikaykar pitapis ama suwapankitsu. Pïninpis mana kaqkunata juezpa puntanchö ama tumpaytsu.
23
Tayta Diosmi pobrikunapa janan shärinqa. Pobrikunata qechuqkunataqa kikintam pobriyätsinqa.
24
Mana alli ruraq runawan y rabyaq runawanqa ama juntakankitsu ni amïgutapis rurankitsu.
25
Paykunawan juntakarqa mana alli costumbrinkunatam yachakunki. Paykunanö kawarqa kunkaykiman waskata churaqnömi kaykanki.
26
Pipapis garantian ama yaykunkitsu.
27
Tsay jaqata päganaykipä mana kaptinqa cämaykitapis qechuyäshunkim.
28
Unay castaykikuna mujun churanqanta ama wititsinkitsu.
29
Alli aruq runaqa mandaqkunapa yanapaqninmi kanqa. Manam común runakunapa poderninchötsu kanqa.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31