bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Proverbs 7
Proverbs 7
Quechuan QXO (Biblia en Quechua del sur de Conchucos)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 8 →
1
Hïju, ninqäkunata cäsukuy. Yätsinqäkunata mana qonqaypa yarparay.
2
Yätsinqäkunata cäsukurqa alli kawaytam tarinki. Ñawi ñïñuykita cuidanqaykinö ninqäkunata cumpliy.
3
Imaypis yarparänaykipä makikiman watay. Mana qonqanaykipä shonquykiman qellqay.
4
Yachayta niy: «Panïmi kanki». Tantiyaytapis niy: «Kuyanqä amïgämi kanki».
5
Tsaynö paniki y amïgayki karmi runanta engañaq warmipita tsapäshunki. Alli shimillanpa parlapäkuq mañösa warmipitapis cuidashunkim.
6
Juk kutim wayïpa ventänanpita rikachakuykarqä.
7
Tsaymi rikarqä mana tantiyakuq jövinkunata. Paykunawanmi aywarqan wakinpitapis mas mana tantiyakuq jövin.
8
Paymi esquïnaman chaykur cällipa päsarqan. Tsaypitam mañösa warmipa wayinpa aywarqan.
9
Tsayöra rupay ullushqana kaptinmi tsakaykarqanna.
10
Illaqpitam mañösa warmi prostitütanö röpan jatishqa millukacharnin qemtsipar yarqamurqan.
11
Tsay warmiqa uman achachashqa karmi wayinchöpis pärantsu.
12
Tsaymi cällikunachö pläzakunachö y esquïnakunachöpis ichiran pitapis tinkunqan kaqta inkitananpä.
13
Tsay mana tantiyakuq jövintam makallarkur mutsarqan. Mana penqakurmi nirqan:
14
«Alli päsakuy sacrificiuta rupatsinäpämi Tayta Diosta awnirqä. Awninqäta kanan junaq cumplir kusinanqä aytsapis listum mikunantsikpä kaykan.
15
Tsaymi qamwan tinkuq yarqamurqü. Tinkuyta munanqänöllam kanan tinkurquntsik.
16
Cämämanpis qopirqü lïnupita rurashqa kuyayllapä colchatam. Tsay colchaqa Egiptupita apayämunqan fïnu lïnupitam kaykan.
17
Cämä mushkünanpämi mïrrata, áloeta y canëlata wiñarqü.
18
Kanan ras yaykushun warat kuyanakur jimanqantsikyaq kakunantsikpä.
19
Runäpis manam kaychötsu. Payqa karupam aywashqa.
20
Atska qellayta apakurkurmi aywashqa. Llena killachörämi kutimunqa».
21
Tsaynö parlaparmi tsay jövinta awniskatsirqan.
22
Tsaymi jinan höra tsay jövinqa warmipa qepanta yaykurqan. Pishtayänanpä camalman töru aywaqnö, trampaman lluytsu yaykuqnö
23
y wanunanpä kanqanta mana tantiyaypa trampaman pishqu yaykuqnömi aywarqan. Lluytsupa shonqunta flëcha illaqpita tuksinqannömi paytapis wanutsiyanqa.
24
Hïju, yätsinqäkunata shumaq tantiyakuy. Ninqäkunata wiyakuy.
25
Tsay niraq warmiwanqa ama mëtikuytsu.
26
Payta qatirarqa wanuytam tarinki. Atskaqnam tsaynö engañaptin wanuyashqa.
27
Paypa wayinman aywaqkunaqa ushakäyanqam.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31