bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Proverbs 15
Proverbs 15
Quechuan QXO (Biblia en Quechua del sur de Conchucos)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 16 →
1
Pasaypa rabyashqa kaptinpis alli shimillanpa parlaparmi rabyayninta päsatsin. Peru ashllinakur qayapänakurmi sïqa pasaypa ajätsinakuyan.
2
Yachaq runa parlaptinqa wiyaqkuna shumaqmi yachakuyan. Mana yachaq runam sïqa shimin tarinqanta imatapis llutalla parlan.
3
Tayta Dios maytsaychöpis karmi alli ruraqta y mana alli ruraqtapis rikan.
4
Alli shimillanpa parlaq runaqa runa mayintam kushikatsin. Peru llutan parlaq runam sïqa pïmaytapis qallayätsin.
5
Mana tantiyakuq jövinqa papänin yätsinqanta manam wiyantsu. Peru tantiyakuq jövinmi sïqa yätsinqanta chaskikun.
6
Alli ruraq runapa wayinchöqa imaykanpis sobray sobraymi. Peru mana alli ruraq runapam sïqa ima tarinqanpis ras ushakaskin.
7
Yachaq runaqa pïmaytapis alli kaqkunallatam yachatsin. Mana yachaq runam sïqa alli kaqkunata yachatsinanpä yarpayllapis yarpantsu.
8
Mana alli ruraq runapa ofrendantaqa Tayta Dios manam chaskintsu. Peru alli ruraq runa mañakunqantam sïqa kushishqa chaskin.
9
Mana alli ruraq runapitam Tayta Dios pasaypa rabyakun. Peru pay munanqannö kawaq runatam sïqa kuyan.
10
Llutan ruraq runataqa castiganqam. Corrigiptinpis mana cäsukurqa chipyaqmi ushakanqa.
11
Tayta Diosqa musyanmi wanuqpa alman maychö kanqantapis. Tsaytsurä musyanmantsu runakunapa shonqun imata yarpanqantapis.
12
Respëtuynaq runaqa pï corrigiptinpis rabyanmi. Yachaq runawan juntakaytapis manam munantsu.
13
Shonqun kushishqa kaptinqa cäranpis atsikyaskinmi. Peru llakishqa kaptinmi sïqa cäranpis jukläyashqa kaykan.
14
Tantiyakuq runaqa imaykanöpapis yachaq kaytam munan. Peru mana tantiyakuq runam sïqa manakaqkunata parlar kushikun.
15
Qallayashqa runapäqa llapan junaqpis manam allitsu. Kushishqa kawaq runapämi sïqa llapan junaqpis allilla.
16
Mas allim kanman rïcu kananpä yarpachakunanpa rantin pobrilla karpis Tayta Diosta mantsapakur kawanqan.
17
Mas allim kanman wera töruta mikurpis chikinakur kawananpa rantin imallatapis mikur kuyanakur kawanqan.
18
Ras rabyaq runaqa piwanpis rimanakurmi purin. Peru mana rabyaq runam sïqa piwanpis tranquïlu kawan.
19
Qela runapäqa ima ruraypis kasha näninömi kaykan. Peru arukuq runapämi sïqa ima ruraypis pitsashqa näninö kaykan.
20
Wamran yachaq kaptinqa maman y papäninpis kushikuyanmi. Peru mana yachaq kaptinmi sïqa penqakuyan.
21
Mana tantiyaq runaqa llutanta rurarpis kushikunmi. Peru tantiyakuq runam sïqa llutanta rurarpis yarpachakuskir corrigikun.
22
Yätsikuqkunata mana tapukur imatapis ruraptinqa imapis manam allitsu kanqa. Yätsikuqkunata tapukuskir ruraptinmi sïqa llapanpis alli kanqa.
23
Tapukunqanta shumaq tantiyatsirqa kushikunmi. Tiempullanchö yätsinqanqa mas allim.
24
Yachaq runaqa alli kawaytam tarin. Tsaynöpam wanuypitapis salvakun.
25
Runa tukuqkunapa wayintaqa Tayta Diosmi ushakätsin. Peru viüdakunapatam sïqa chakrankunatapis cuidan.
26
Mana alli ruraq runapa yarpayninpitam Tayta Dios rabyakun. Peru alli ruraq runa parlanqanpitam sïqa kushikun.
27
Kikillanpä imatapis munaq runaqa castankunawan chikinakurmi kawan. Peru mana chaskipakuq runam sïqa tranquïlu kawan.
28
Alli ruraq runaqa imata ninanpäpis shumaqrämi yarpachakun. Peru mana alli ruraq runam sïqa imatapis shiminman chanqanta parlan.
29
Mana alli ruraq runa mañakunqantaqa Tayta Dios manam cäsuntsu. Peru alli ruraq runa mañakunqantam sïqa wiyan.
30
Kushishqa kaykaqta rikarqa pipis kushikunmi. Alli noticiata wiyaptinmi shonqunpis atsikyaskin.
31
Yätsiqnin yachatsinqanta cäsuq runaqa yachaqmi kanqa.
32
Corriginqanta mana chaskiq runaqa mana alli kawaymanmi chanqa. Peru corriginqanta cäsuq runam sïqa mas yachaq kanqa.
33
Tayta Diosta mantsapakuq runaqa tantiyakuqmi. Respitashqa kayta munarqa humildi katsun.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31