bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Proverbs 30
Proverbs 30
Quechuan QXO (Biblia en Quechua del sur de Conchucos)
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 31 →
1
Jaquépa tsurin Agurmi Itielta y Ucalta willar nirqan:
2
Llapanpitapis mana tantiyakuq upanömi kä. Imatapis mana tantiyaq runanömi kä.
3
Yachaq kanäpäpis manam llapantaqa yachakurqütsu. Santu Tayta Diospa yachatsikuynintapis llapantaqa manam shumaq musyätsu.
4
Manam pï runapis ciëluman aywaykur kutimushqatsu. Tsaynöllam pï runapis vientuta aptarantsu, ni lamarta jakunwan qepintsu ni kay patsapa lindërunkunata churashqatsu. Pillapis ruranqanta musyarqa mä jutinta willamay. Yachaq karqa mä tsurinpa jutintapis willamay.
5
Tayta Diosqa tsapanmi payman yärakuqkunata. Llapan awninqantam payqa imaypis cumplin.
6
Paypa palabranman kikikipa yarpaynikita ama yapaytsu. Yapaptikiqa ollqutupäshurnikim castigashunki. Tsaynöpam musyakanqa llullakuq kanqayki.
7
Tayta Dios, ishkay cösallatam kawanqäyaq mañakamü.
8
Pitapis mana llullapänäpä tantiyaykatsillämay. Ama rïcuyätsimaytsu ni pobriyätsimaytsu. Sinöqa qoyay qoyay munanqäkunata alistapaykallämay.
9
Rïcuyarqa quizasmi qonqarpis qonqayküman. Imäpis mana kaptin suwakurqa penqakuymanpis churämanmi.
10
Sirviq llutanta ruraptin patronninta imatapis ama willapaytsu. Willapaptikiqa tsay sirviq maldicionarpis maldicionaykushunkimanmi.
11
Wakin runakunam mamanta y papäninta maldicionayan.
12
Wakin runakunaqa jutsayuq kaykarpis jutsaynaq tukuyanmi.
13
Wakin runakunaqa llapanpita mas alli kayanqanta yarparmi runa mayinta manakaqman churayan.
14
Wakin runakunaqa mallaqashqa karmi pobrikunapa imaykankunatapis qechur qarapachäyan. Mana kuyapäkuq kayaptinmi paykunapaqa kirunpis espädanörä y curmïllunpis puñalnörä kaykan.
15
Ambiciösu runaqa imayka yawar shoquq kurunömi kaykan. Tsay runaqa aykata chaskirpis manam contentakuntsu. Tsaynöllam kimsa cösa y juk mas mana contentakuqkuna.
16
Tsaykunam kaykäyan sepultüra, qolluq warmi, tsaki chakra y nina.
17
Papäninta penqakuyman churaqkunata y maman yätsinqanta mana cäsuqkunataqa ñawintapis wiskurkuna jipiyätsun. Condorkunapis kawaykaqta mikuyätsun.
18
Kimsa cösa y juk masmi mana tantiyaypä kaqkuna kaykan.
19
Tsaykunam kaykan anka imanö pärinqan, rumi jananpa culebra imanö purinqan, lamar jananpa büqui imanö aywanqan y ollquwan warmi churakaskiyaptin wamrankuna imanö kanqan.
20
Runan engañaq warmiqa juk runawan punurpis manam penqakuntsu. Tsaymi nin: «Noqaqa manam imatapis llutantaqa rurarqütsu».
21
Kay patsachö kimsa cösa y juk masmi kaykan runakunata mana gustanqan.
22
Tsaykunam kaykan sirviq runa rey kayman yaykunqan, mana tantiyakuq runa rïcuyanqan,
23
manakaqman churashqa warmi runayuq kanqan y patrönanpa trokin sirviq warmi patröna kanqan.
24
Kay patsachö chusku akapalla kaqkunam yachaqpitapis mas tantiyakuq kaykan.
25
Tsaykunam kaykan allpa kurukuna (paykunaqa kallpaynaq karpis usya witsanmi mikuyninta churakuyan),
26
wishkashkuna (paykunaqa kallpaynaq karpis ranrakunachömi wayinta rurayan),
27
chukllushkuna (paykunaqa mandaqnin rey mana kaptinpis qatinayllamanmi puriyan)
28
y arashkuna (paykunaqa fácil tsariy karpis reypa palaciunmanmi yaykuyan).
29
Kimsa cösa y juk masmi kaykan runa tukuq puriqkuna.
30
Tsaykuna kaykan león (leonqa llapan ashmapitapis mas mantsaypä y imapitapis manam qeshpintsu),
31
pelya gällu, yayan chïvu y soldädukunapa puntanta aywaq rey.
32
Lëchi ritishqapitam mantequïllata ruran. Fuerti sinakuptinmi yawar yarqun. Tsaynöllam piwanpis abusanakurqa pelyayan. Mana tantiyakuypa runa tukur pitapis wajurqa tsaykunata tantiyakuy.
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 31 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31