bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Proverbs 6
Proverbs 6
Quechuan QXO (Biblia en Quechua del sur de Conchucos)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 7 →
1
Hïju, reqinqaykita o jäpa runata garantizashqa karqa
2
kikillayki trampaman jeqaqnömi kaykanki.
3
Garantizashqa karqa salvakunaykipä penqakuyta jitaskir amïguykita ninki manana garantian kanaykipä.
4
Tiempu päsananta ama shuyaraytsu, sinöqa ras pägakunanpä ninki.
5
Runapita lluytsu qeshpinqannö y trampapita pishqu salvakunqannö garantizanqaykipita salvakunki.
6
Qela runa, allpa kurukuna mana qelanaypa aruyanqanta rikay. Imanö aruyanqantapis rikar yachakuy.
7
Allpa kurupaqa manam mandaqnin ni patronnin ni capatazninpis kantsu.
8
Tsaynö kaykarmi usya killachö cosëcha kanqanyaq mikuyninkuna qorikuyan.
9
Qela runa, ¿imay hörayaqrä punukunki? ¿Imay hörayaqrä jitaräkunki?
10
Junaqyaq punukur jamayllata munarqa y makiki oqllashqa kakuyta munarqa
11
chipyaqmi pobriyanki. Armanwan suwa suwapäshuptiki jinaylla quëdaqnömi kanki.
12
Mana alli runa y llutan ruraq runaqa pïmaytapis llullaparmi purin.
13
Tsay runaqa ñawinwan, chakinwan y dëdunwanpis sëñapaytam yachan.
14
Llutankunata yarpachakurmi pïmaytapis rimanakatsir y maqanakatsir purin.
15
Tsaynö kanqanpitam paytaqa ima desgraciapis illaqpita päsanqa. Mana yarpashqatam chipyaq ushakanqa.
16
Qanchis mana alli ruraykunapitam Tayta Dios pasaypa rabyakun:
17
runa mayinta manakaqman churayanqan, llullakuyanqan, jutsaynaq runakunata wanutsiyanqan,
18
llutankunata rurayänanpä yarpachakuyanqan, jutsa rurayllaman yarparanqan,
19
testïgu kar manakaqkunata tumpayanqan y wawqintawan chikinakatsiyanqan.
20
Hïju, papäniki yätsishunqaykita imaypis yarparay. Mamayki yachatsishunqaykitapis ama qonqaytsu.
21
Nishunqaykita shonquykichö imaypis yarparay. Kunkaykiman tsaykunata wallqakuy.
22
Maypa aywaptikipis allita ruranaykipämi yätsiyäshunki. Punuptikipis cuidashunkim. Rikchaskiptikipis allitam yarpätsishunki.
23
Yätsikuykunaqa imayka chiwchinö y yachatsikuykunaqa imayka aktsinömi kaykan. Tantiyatsikuykuna y yachatsikuykunaqa alli kawaymanmi apakun.
24
Yätsikuykunata cäsurqa runanta engañaq warmipita witikunki. Tsay niraq warmi inkitashuptikipis ama cäsunkitsu.
25
Kuyayllapä kaptinpis ama rikapankitsu. Qemtsipäshuptikipis ama cäsunkitsu.
26
Prostitütaqa qellaypä raykullam runawan kakun. Peru runanta engañaq warmim sïqa runata wanuyman churan.
27
Pipis shansha carbonta oqllakurqa ¿manatsurä röpanta rupakunman?
28
Shansha carbonta jarurqa ¿manatsurä chakinta rupakunman?
29
Tsaynöllam juk runapa warminwan kakuq runapis mana alli kawayman chanqa.
30
Juk suwa pasaypa mallaqar suwakuptinqa imanir suwakuyanqantapis runakuna tantiyayanmi.
31
Peru suwakuykaqta tariykurqa qanchis kuti mastam pägakatsiyanqa. Tsaymi llapan imaykantapis rantikuskir päganqa.
32
Mallaqaypita suwakuqta mana kuyaparqa jukpa warminwan kakuq runataqa mas peormi kuyapäyanqatsu. Tsaynö runaqa mana tantiyakuq karmi wanuymanpis chan.
33
Tsay runataqa ashllirmi maqayanqa. Wanunqanyaqmi pïmaypis rikayta munayanqatsu.
34
Warmipa runan musyaykurqa pasaypa rabyarmi perdonanqatsu. Mana kuyapaypam imay hörapis maqanqa.
35
Aykata pägaptinpis ni imata qaraptinpis manam rabyanaynin päsanqatsu.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31