Ezekiel 25

Romani Baltic Latin (Biblija - Pe Baltitko Romani čib (Romanes) 2019)

← Chapter 24 Jump to: Chapter 26 →

1I sys ke me Ráskire-Devléskiro lav dasavo:

2“Manušéskiro čhava! Risjov tyré mósa pe Amonoskire čhavénde, rákir pe lénde angilphenybén.

3Phen Amonoskire čhavénge: ‘Šunén Ráskire-Devléskiro lav: adiáke rakiréla Raj Devél: ‘Kóli tu rakirésa pal Miro svénto: “A!”, paldová so jov isyn magirdó, rakirésa pal Izrailjoskiri phuv, pal dová, so joj isyn čhučí, rakirésa pal Judáskiro kher, pal dová so len tradyne dre navolia,

4paldavá, ake, Me otdáva tut čhavénge, savé javéna vastokóstyr syr mištypén; jone javéna te kerén túte péskire bakréngire gražy (zagony), jone čhuvéna túte péskire šátry, – i javéna te xan Tyró xabén, javéna te p'jen tyró thud.

5Me keráva adiáke, so dre Rava javéla štála vaš vierbliudenge, a Amonoskire čhavé javéna te čaraven bakrén. I tén'či tumé galjona, so Me som Raj Devél, Devél.’

6Adiáke rakiréla Raj Devél, Devél: pal dová, so tu maresas dre vastá, štavesas ĥerénca, radynesaspe ilésa, so na kamesas te dykhés pe Izrailjoskiri phuv,

7paldavá, ake, Me protyrdava ke tu Miro vast, Me keráva adiáke, sob (kaj) te občoren tut Najudýtka nácyi, Me čhurdava krig tut saré manušéndyr, vyčhinava tut phuv'jengiro ginybnastyr, rosphagirava tut i tu ĥaljosa, so Me som Raj Devél, Devél.”

8Adiáke rakiréla Raj Devél, Devél: “Pal-dová so Moávo i Sieiro (Edómo) rakiréna: ake, Judáskiro kher jaciá dasavo, syr saré narody (manušýtka nácyi),

9to pal davá Me láva te keráv for'jéndyr, saré léskire for'jéndyr, savé isyn pašýl miéža (granica), phuvjákiro šukaribnastyr, Bien-Ješymofostyr, Vaal-Mieonostyr i Kiriafaimostyr, i Me otkerava Moavoskiri rig,

10vaš manušénge, savé javné vastokóstyr, Me otdáva les lénge khetané Amonoskire manušénca, sob (kaj) te na ripirén butedýr Amonoskire manušén maškír narody.

11I Me javáva te sendiakirav Moávo, i jone ĥaljona, so Me som Raj Devél, Devél.’”

12Adiáke rakiréla Raj Devél, Devél: ‘Pal-dová so Edómo xoliása ĥazdyjápe pe Judáskiro kher, i kerdiá baró grého, kiéli othalas xolý pe léste.

13Paldavá adiáke rakiréla Raj Devél, Devél: “Me protyrdava Miro vast ke Edómo, Me xasiakiráva léste manušén i murdalén; Me keráva léstyr čhučí phuv; dro Fiemano, dro Diedano, saré peréna kurtalátyr.

14Me othava xolý pe Edómo Miré narodoskire, Izrailjoskire vastésa; jone javéna te kerén dre Idumeja pir Mirí xolý i Miro xoliamipen, i jone ĥaljona, syr Me vyrodava léndyr,” – rakiréla Raj Devél, Devél.

15Adiáke rakiréla Raj Devél, Devél: “Paldová, so Filistimliáni ĥazdenaspe pe lénde xoliása, na ginenas len dre péskiro iló pal manušénde, te xasiakirén len pir ĥaratuno nakamiben te dykhén pe lénde,

16paldavá, adiáke rakiréla Raj Devél, Devél: Áke, Me protyrdava Miro vast ke Filistimliáni, Me xasiakiráva Kritianen, xasiakiráva pe morjoskiro (derjavéskiro) brégo léngiro jačaibén (ostatko).

17Me othava bari xolý pe lénde i baré xoliása vyrodava léndyr, – i jone ĥaljona, so Me som Raj Devél, Devél, kiéli Me vyrodava léndyr.’”

← Chapter 24 Jump to: Chapter 26 →