Zechariah 2

Shilluk DC Bible © Bible Society in South Sudan, 2011

← Chapter 1 Jump to: Chapter 3 →

1Kɑ wïjɑ tïngɑ, ɑlïdhɑ ki jɑl me cinge di thøl mɑ rumi.

2Apyëjɑ en kinni, “Yï kedh-ɑ keny?” Alögge kinni, “Yɑ kedh-ɑ be rømi Yerusɑlem, o bɑ̈re geki lɑ̈je yodɑ.”

3Akedh wëywön-ɑ ɑ́kööb wøn, kɑ ge órwömø ki wëywödø megø,

4ɑköbbii yi wëywön-ɑ ɑ́rwööm gen kinni, “Rengí köbbí jɑl-ɑ cinge di rumi thøl kinni, Yerusɑlem yije dɑ ji kí dhög mø gïïr cɑrø, dwøng pɑ cuggi gëddø ki dörø.

5Jwøng-ɑ Ácwɑ̈ɑ̈j ɑ́köngi cem e óbëëdø ɑ́ döri mɑc kì tøggi kɑɑlɑni e kor-ɑ gøn, o óbëëdø kì yije ki dhwɑ̈nge bëne.”

6Jwøng-ɑ Ácwɑ̈ɑ̈j jie ɑ́köbbe kinni, “Wu ɑ́kedhhɑ kì wɑ̈thi tùngi piny bënn. De ɑnɑn wu tyëng-ɑ ying yïnø, pɑ̈r wun kì Bɑbïlöniyɑ̀, kɑ wu døøg wun Yerusɑlem.

8Ngɑn-ɑ ónywɑl wun, ɑ́cwög-ɑ wɑngɑ.” Bene ɑ bɑnge ör yɑn yi Wïlɑ̈bø Jwøng-ɑ Ácwɑ̈ɑ̈j; yɑ öre’ yï pödhh-ɑ mød jie, o ge köbbɑ kinni,

9“Jwøng-ɑ Ácwɑ̈ɑ̈j kiree ónyïɑ̈ggi ki wun, kɑ wu lony ki mødø yi tyëng-ɑ ɑ́bëëd gɑ bɑ̈nggi wun.” Óyod yi ji bënn keny-ɑ ócwöb møgɑni, kinni yɑ ɑ́ör-ɑ yi Wïlɑ̈bø Jwøng-ɑ Ácwɑ̈ɑ̈j.

10Jwøng-ɑ Ácwɑ̈ɑ̈j ɑ́kööb kinni, “Wör wun ki medi pëthi wun, wun ɑ tyëng Yerusɑlem! Mɑ́ yɑ bï-ɑ be bëëdø kì kelli wun!”

11Kì bøli kenyɑni, pödhh mø gïïr óbï yï Jwøng-ɑ Ácwɑ̈ɑ̈j, kɑ ge ogöögø gɑ jie. Óbëëdø kì kelli gïn, o óyod yi wun kinni en ɑ ɑ́ör yɑn yï wun.

12Yeudiyɑ̀ ógöögø ɑ́ mi Jwøng-ɑ Ácwɑ̈ɑ̈j, kì piny-ɑ bɑ ɑkwër. Kɑ Yerusɑlem ogöögø ki kɑɑl-ɑ mɑɑr yi en ki mendwøng.

13Kud wun bënn kì bøli Jwøng-ɑ Ácwɑ̈ɑ̈j, mɑ́ e kɑ̈ɑ̈l-ɑ kej kwëre.

← Chapter 1 Jump to: Chapter 3 →