bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Shan
/
Shan
/
Hebrews 13
Hebrews 13
Shan
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
1
တႄႇယူႇၼႂ်းမႅတ်ႈတႃႇ တၢင်းဢၼ်ပီႈၼွင်ႉၵၼ် ႁၵ်ႉပႅင်းၵၼ်ၼၼ်ႉတႃႉ။-
2
ယႃႇပေလူင်ပေလိုမ်းတၢင်းဢၼ် ႁဵတ်းဝၢတ်ႈၶႅၵ်ႇၼၼ်ႉ။ လွင်ႈမၼ်းၸမ်ႉ ၵူၼ်းၵမ်ႈၽွင်ႈယင်းဢမ်ႇထၢင်ႇဢမ်ႇထိူမ်လႄႈ လႆႈၶၢမ်ႇၶႅၵ်ႇတမၢၼ်ႇၵၢင်ႁၢဝ် ၼႂ်းတၢင်းဢၼ် ႁဵတ်းဝၢတ်ႈၶႅၵ်ႇၼၼ်ႉယဝ်ႉ။
3
ၶုၵ်းၸႂ်လႆႈၶႆႈၸႂ်ထူပ်း ၶဝ်ၸိူဝ်းဢၼ်လႆႈၶၢမ်ႇတူၵ်းၵိၼ်းၼၼ်ႉသေလႄႈ မၢတ်ႈတူဝ်ၸဝ်ႈၵဝ်ႇ ပဵၼ်ၸိူဝ်ႉၼင်ႇဢၼ် လႆႈၶၢမ်ႇလူၺ်ႈၵၼ်တင်းၶဝ်ၼၼ်ႉတႃႉ။ သူၶုၵ်းၸႂ်လႆႈၶႆႈၸႂ်ထူပ်း ၶဝ်ၸိူဝ်းဢၼ် လႆႈၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသႄးၼၼ်ႉသေလႄႈ မၢတ်ႈတူဝ်ၸဝ်ႈၵဝ်ႇ ပဵၼ်ၵေႃႉဢၼ်ဢမ်ႇၵၢင်းဢမ်ႇလွတ်ႈ တင်းတူဝ်ၶၼ်ႇထႃႇၼၼ်ႉတႃႉ။-
4
ႁႂ်ႈလွင်ႈတၢင်းဢၼ်သွင်ႇမင်ႇၵလႃႇ ဢိၵ်ႇတင်းလွင်ႈတၢင်းဢၼ် ႁဵတ်းသမ်ႇဝႃႇသႃႉသဵတ်ႈၸႃႇၼၼ်ႉ မီးသရေႇၵႃႈၼႂ်းၵူၼ်းတင်းသဵင်ႈတင်းလူင်တႃႉ။ လွင်ႈမၼ်းၸမ်ႉ ၽြႃးပဵၼ်ၸဝ်ႈတၵ်းၸႅတ်ႈထၢမ်ၸီႇယၢင်ႇ ၶဝ်ၸိူဝ်းဢၼ်ႁဵတ်းမေႇထုင်ႇဢၼ်ဢမ်ႇတြႃး ဢိၵ်ႇတင်းၶဝ်ၸိူဝ်းဢၼ် ၽိတ်းပိူင်ႈမေးပိူၼ်ႈၼၼ်ႉဢေႃႈ။
5
ႁႂ်ႈတၢင်းဢၼ်သူၵျၢမ်ႇပွင်ၵမ်ၵျၢင်ႉသၢင်ႈႁဵတ်းၼၼ်ႉ ၵၢင်းလွတ်ႈတင်း တၢင်းဢၼ်ၸႂ်ၸပ်းၸႂ်ၸွႆးငိုၼ်းလႄႈ မီးတၢင်းဢၼ်ဢိမ်ႇၸႂ်လူၺ်ႈဢုၵ်ႉၸႃႇ ဢၼ်မီးတီႈတူဝ်ၸဝ်ႈၵဝ်ႇၼၼ်ႉၵူၺ်းတႃႉ။ လွင်ႈမၼ်းၸမ်ႉ မၼ်းၸဝ်ႈမီးၵတီႉၸဝ်ႈလႄႈဝႃႈ၊ ၵဝ်တၵ်းဢမ်ႇၽၢတ်ႇဢမ်ႇယၢၼ်ၵၼ်တင်းမႂ်းလႃးလႃး။ တၵ်းဢမ်ႇပႅတ်ႈမႂ်းဝႆႉလႃးလႃး၊ ဝႃႈၼင်ႇၼႆဢေႃႈ။-
6
ပိူဝ်ႈၼႆလႄႈ ႁဝ်းမီးဢၶႂၢင်ႉဢၼ်ပႃးတင်းၸႂ် ဢၼ်ႁတ်းဢၼ်ႁၢၼ်လၢတ်ႈလႄႈဝႃႈ၊ ထႃႇဝရႃႉၽြႃးၸွႆႈထႅမ်ၵဝ်ယူႇလႄႈ ၵဝ်တၵ်းဢမ်ႇၵူဝ်ဢမ်ႇႁႄ။ ၵူၼ်းတၵ်းႁဵတ်းတီႈၵဝ်ၸိူဝ်ႉၼင်ႇႁိုဝ်လႆႈ၊ ဝႃႈၼင်ႇၼႆဢေႃႈ။
7
ၶုၵ်းၸႂ်လႆႈၶႆႈၸႂ်ထူပ်း ၶဝ်ၸိူဝ်းဢၼ်ဢုပ်ႉၵႃႈၼိူဝ်သူသေလႄႈ ႁေႃးလၢတ်ႈၼုၵ်ႈၵပၢတ်ႈတြႃးၽြႃးပဵၼ်ၸဝ်ႈတီႈသူၼၼ်ႉတႃႉ။ ၶႆႈၸႂ်ဝူၼ်ႉၸႂ်လူၺ်ႈလွင်ႈဢၼ်ၶဝ်ၼၼ်ႉ ၵျၢမ်ႇပွင်ၵမ်ၵျၢင်ႉသၢင်ႈႁဵတ်း ၸိူဝ်ႉၼင်ႇႁိုဝ်သေလႄႈ လၢႆႈၸၢတ်ႈၵႂႃႇၼၼ်ႉလီလီငၢမ်းငၢမ်းလႄႈ ၸွမ်းႁႂ်ႈၶိုတ်းတၢင်းဢၼ်ယုမ်ႇမၢတ်ႈၶဝ်ၼၼ်ႉတႃႉ။
8
ယေႇသူႉၶရိၸ်ႈ ၸိုင်၊ မိူဝ်ႈဝႃး၊ မိူဝ်ႈၼႆႉ၊ ၶိင်ႇၵႃႇလႃႉၵမ်းလိုၼ်းပုၼ်ႉ ဢမ်ႇၶၢႆႉဢမ်ႇပုတ်ႈလႄႈ ယူႇသေႇသေႇဢေႃႈ။-
9
ယႃႇပေၸွမ်းဢယူႇဝႃႇတႃႉဢၼ်မႂ်ႇ ဢၼ်ပႅၵ်ႇပိူင်ႈၵၼ်ၸိူဝ်းၼၼ်ႉသေလႄႈ ၽွၵ်ႈပျၢၼ်ႇၶိုၼ်းၵႂႃႇ။ ပေႃးယင်းဢမ်ႇမီးတၢင်းဢၼ်ၸႂ်မၼ်ႈၶိူင်ႇ လူၺ်ႈတၢင်းၵိၼ်တင်းလၢႆလႄႈ မီးၸႂ်ဢၼ်မၼ်ႈၶိူင်ႇယူႇလူၺ်ႈၵျေးၸူးၸဝ်ႈၸိုင်၊ မီးဢၵျူဝ်းဢေႃႈ။ ၶဝ်ၸိူဝ်းဢၼ်ၵျူဝ်းၸႃး လူၺ်ႈတၢင်းၵိၼ်တင်းလၢႆၼၼ်ႉ လႆႈဢၵျူဝ်းယဝ်ႉဢမ်ႇၸႂ်ႈ။
10
ႁဝ်းမီးယိတ်ႈပလၢင်ႇဢၼ် ၶဝ်ၸိူဝ်းဢၼ်ႁဵတ်းဝၢတ်ႈၵႃႈၼႂ်းသုမ်ႉထဵင်ၸဝ်ႈယူႇလႄႈ ဢမ်ႇမီးဢၶႂၢင်ႉဢၼ်တၵ်းလႆႈၵိၼ်ၼၼ်ႉဢေႃႈ။-
11
လွင်ႈမၼ်းၸမ်ႉ တူဝ်တၢႆယိတ်ႈဢၼ် ၶုၼ်ယိတ်ႈပရေႃးႁဵၵ်ႈဢဝ်လိူတ်ႈ သႂၢင်းသႂ်ႇၵႃႈၼႂ်းထႃႇၼႃႉတီႈမူတ်းၸၢင်ႇ ပုၼ်ႈဢၼ်တၵ်းၽေႇဢပႅတ်ႈတင်းလၢႆၼၼ်ႉၸိုင် လႆႈဢဝ်ဢွၵ်ႇလႄႈတုတ်ႇၽႆးၵႃႈၼွၵ်ႈတပ်ႉဢေႃႈ။-
12
ၸွမ်းၵႃႈၼင်ႇဢၼ်ပဵၼ်ၼၼ်ႉ၊ ယေႇသူႉ ၵေႃႈၼင်ႇႁိုဝ်တၵ်းႁႂ်ႈ ၵူၼ်းတင်းလၢႆမူတ်းၸၢင်ႇ လူၺ်ႈလိူတ်ႈမၼ်းၸဝ်ႈၸိုင် ၶၢမ်ႇတၢင်းတၢႆ ၵႃႈၼွၵ်ႈၽၵ်းတူဝဵင်းဢေႃႈ။-
13
ပိူဝ်ႈၼႆလႄႈ ႁဝ်းၶၢမ်ႇတၢင်းဢၼ်သႄႉသွမ်း လူၺ်ႈၵၼ်တင်းၸဝ်ႈၼၼ်ႉသေလႄႈ ဢွၼ်ၵၼ်ဢွၵ်ႇၵႂႃႇၵႃႈတီႈမၼ်းၸဝ်ႈၵႃႈၼွၵ်ႈတပ်ႉပုၼ်ႉတႃႉႁဝ်း။-
14
လွင်ႈမၼ်းၸမ်ႉ ၼႂ်းၽဝႃႉမိူဝ်ႈလဵဝ်ၼႆႉ ႁဝ်းဢမ်ႇမီးဝဵင်းဢၼ်တႄႇယူႇသေႇသေႇ။ ႁဝ်းႁႃဢဝ်ဝဵင်းဢၼ်တၵ်းပဵၼ် ၵမ်းလိုၼ်းၼၼ်ႉဢေႃႈ။
15
ပိူဝ်ႈၼႆၸင်ႇ၊ ႁဝ်းဢိင်ၸဝ်ႈ ယေႇသူႉၶရိၸ်ႈ ၼၼ်ႉသေလႄႈ ဢွၼ်ၵၼ်ပုၵ်ႈၸေႃႇယိတ်ႈတၢင်းဢၼ်ယွင်ႈယေႃးဢၼ်ဝႃႈ မၢၵ်ႇသီႇသူပ်းဢၼ်ယွင်ႈယေႃးၼႃႇမႃႉၸိုဝ်ႈသဵင်ၸဝ်ႈၼၼ်ႉ ၵႃႈတီႈၽၢႆႇၼႃႈၽြႃးပဵၼ်ၸဝ်ႈယူႇသေႇသေႇတႃႉႁဝ်း။-
16
ယႃႇပေလူင်ပေလိုမ်း တၢင်းဢၼ်ႁဵတ်းၵျေးၸူး၊ တၢင်းဢၼ်ၽႄမႅင်ႇဢုၵ်ႉၸႃႇၼၼ်ႉ။ လွင်ႈမၼ်းၸမ်ႉ ယိတ်ႈၸိူဝ်ႉၼင်ႇၼၼ်ၼၼ်ႉ ထုၵ်ႇၸႂ်ၽြႃးပဵၼ်ၸဝ်ႈဢေႃႈ။-
17
ထွမ်ႇဢဝ်ၵႂၢမ်းၶဝ်ၸိူဝ်းဢၼ်ဢုပ်ႉၵႃႈၼိူဝ်သူၼၼ်ႉသေလႄႈၶျႃးတႅမ်ႇယူႇတႃႉ။ ၶဝ်ၼၼ်ႉပႂ်ႉပုၼ်ႈဢၵျူဝ်း ၸႂ်ဝီႉၺိၺ်ႇသူယူႇ မိူၼ်ၸိူဝ်ႉၼင်ႇၶဝ်ၸိူဝ်းဢၼ် တူဝ်ၸဝ်ႈၵဝ်ႇတၵ်းလႆႈၶၢမ်ႇ တၢင်းဢၼ်ၸႅတ်ႈထၢမ်ၼၼ်ႉဢေႃႈ။ လွင်ႈၼင်ႇႁိုဝ်ၶဝ်တၵ်းဢမ်ႇမီးတၢင်းဢၼ်ၸႂ်လဵၵ်ႉ ဢၼ်ဢမ်ႇၸၢင်ႈႁႂ်ႈဢၵျူဝ်းသူပဵၼ်ၼၼ်ႉလႄႈ တၵ်းမီးတၢင်းဢၼ်သိူဝ်းပျေႃႇသေလႄႈ ၶၢမ်ႇတၢင်းဢၼ်ၸႅတ်ႈထၢမ်ၸိုင်၊ ႁဵတ်းသတီႉလႄႈယူႇတႃႉ။-
18
သူးတွင်းပုၼ်ႈႁဝ်းတႃႉ။ ႁဝ်းမီးၸႂ်ဢၼ်ၸွႆးဢၼ်ၸပ်း လွင်ႈဢၼ်ႁဝ်းပဵၼ်ၵေႃႉဢၼ် ၸႂ်ဢၼ်ႁူႉတူဝ်ၸဝ်ႈၵဝ်ႇ သႂ်လႅင်းယူႇလႄႈ မီးဢလူဝ်ႇၶႂ်ႈၵမ်ၵျၢင်ႉလီလီငၢမ်းငၢမ်း ၼႂ်းလွင်ႈတၢင်းၵူႈၸိူဝ်ႉၵူႈပိူင်ၼၼ်ႉယူႇဢေႃႈ။-
19
လွင်ႈၼင်ႇႁိုဝ်သူတၵ်းသူးတွင်းၸိူဝ်ႉၼင်ႇၼၼ် ႁႂ်ႈၵဝ်လႆႈမီးဢၶႂၢင်ႉဢၼ်လႆႈၶိုၼ်းၵႂႃႇၵႃႈတီႈဢၼ်သူမီးၼၼ်ႉ ၶၼ်ၶၼ်ၽႂ်းၽႂ်းၸိုင်၊ ၵဝ်ယဵင်ႈၶႅၼ်းၸူဝ်းဢဝ်တွင်းပၢၼ်ႇသူဢေႃႈ။
20
ႁႂ်ႈၽြႃးပဵၼ်ၸဝ်ႈ၊ ၸဝ်ႈတၢင်းၼိမ်ဢၼ်ၼုၵ်ႈဢဝ်ၸဝ်ႈႁဝ်း ယေႇသူႉ ဢၼ်ပဵၼ်ၵူၼ်းလဵင်ႉထိင်းသူဝ်းလူင် ဢၼ်လဵင်ႉထိင်းသူဝ်းတင်းလၢႆၼၼ်ႉ ဢွၵ်ႇသေၵႃႈၼႂ်းတၢင်းတၢႆ ၵွပ်ႈပိူဝ်ႈလိူတ်ႈပတီႉၺိၺ်ႇတြႃးထႃႇဝရႃႉၼၼ်ႉ၊-
21
ႁဵတ်းလွင်ႈတၢင်းဢၼ်ထုၵ်ႇၸႂ်မၼ်းၸဝ်ႈၵႃႈၼႂ်းသူ ၵွပ်ႈပိူဝ်ႈ ယေႇသူႉၶရိၸ်ႈ ၼၼ်ႉယူႇသေလႄႈ ပွင်မႄးသူၵႃႈၼႂ်းတၢင်းၵမ်တၢင်းၵျၢင်ႉ ဢၼ်လီၵူႈၸိူဝ်ႉၵူႈပိူင် ႁႂ်ႈသူလႆႈၸွမ်းဢလူဝ်ႇမၼ်းၸဝ်ႈသေၵမ်းလူၺ်ႈ။ ႁႂ်ႈၸဝ်ႈ ယေႇသူႉၶရိၸ်ႈ ၼၼ်ႉ မုၼ်ယႂ်ႇ ၵူႈၵမ်ႇၽႃႇသိုပ်ႇသိုပ်ႇတၢမ်းတၢမ်း သေၵမ်းလူၺ်ႈ။ ဢႃႇမိၼ်ႇ။
22
ပီႈၼွင်ႉၶဝ်ဢိူၺ်း၊ ၵွပ်ႈပိူဝ်ႈဢၼ်ၵဝ်တႅမ်ႈပၼ်ၵႂႃႇဢိတ်းဢွၼ်ႇၼိုင်ႈၵူၺ်းလႄႈ ၵဝ်တွင်းပၢၼ်ႇၸူဝ်းဢဝ်သူ ႁႂ်ႈသူယိူၼ်ႉၶၢမ်ႇၵႂၢမ်းဢေႃးဝႃႇတႃႉ တၢင်းဢၼ်ၵဝ်သင်ႇသွၼ်သုင်းမႃႉပၼ်ၼႆႉဢေႃႈ။
23
သူႁူႉလွင်ႈဢၼ်ၼွင်ႉႁဝ်း တီႉမေႃးသေႇ လႆႈၶၢမ်ႇတၢင်းဢၼ်ပွႆႇၸႂ်ႉၵႂႃႇ တၢင်ႇတီႈတၢင်ႇလႅၼ်ၼၼ်ႉသေၵမ်း။ ဢမ်ႇႁိုင်ဢမ်ႇၼၢၼ်း ပေႃးမၼ်းႁွတ်ႈမႃးၸိုင် ၵဝ်တၵ်းၵႂႃႇလူၺ်ႈၵၼ်တင်းမၼ်းလႄႈ ထူပ်းႁၼ်သူဢေႃႈ။
24
တၵ်ႉလၢတ်ႈၶဝ်ၸိူဝ်းဢၼ်ဢုပ်ႉၵႃႈၼိူဝ်သူ ဢိၵ်ႇတင်းၵူၼ်းမူတ်းၸၢင်ႇတင်းလၢႆၼၼ်ႉတႃႉ။ၵူၼ်းမိူင်း ဢီႉတလီႉ ၸိူဝ်းၼႆႉ တၵ်ႉၼၢႆသူဢေႃႈ။
25
ႁႂ်ႈၵျေးၸူးၸဝ်ႈ မီးၵႃႈၼိူဝ်သူ တင်းသဵင်ႈတင်းလူင်သေၵမ်းၶႃႈ။ ဢႃႇမိၼ်ႇ။ လိၵ်ႈဢေႃးဝႃႇတႃႉႁေႇပြႄးယဝ်ႉယဝ်ႉဢေႃႈ။
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
All chapters:
1
2
3
4
5
6
7
8
9
10
11
12
13