Numbers 26 — Shan

1လိုၼ်းသေၽေးၼၼ်ႉယဵၼ်ယဝ်ႉၼၼ်ႉ၊ ထႃႇဝရႃႉၽြႃးမီးဢမိင်ႉတီႈ မူဝ်းသေႇ တင်း ဢေးလႃႇၸႃႇ လုၵ်ႈၸၢႆးယိတ်ႈပရေႃးႁဵၵ်ႈ ဢႃႇရုၼ်ႇ ၼၼ်ႉလႄႈဝႃႈ၊-

2ၸွမ်းလူၺ်ႈမဵဝ်းပူႇမဵဝ်းပေႃႈၶဝ်သေလႄႈ ၼပ်ႉဢၢၼ်ႇဢဝ်ၸရၢင်း ပရဵၵ်ႈသၢတ်ႈၵူၼ်းမဵဝ်း ဢီႉသရေႇလႃႉ ဢၼ်ဢသၢၵ်ႈလႆႈသၢဝ်းၼိုင်ႈ၊ ဢသၢၵ်ႈလိူဝ်သၢဝ်းၵႂႃႇဢၼ်ဝႃႈ ၶဝ်ၸိူဝ်းဢၼ်တိုၵ်းသိုၵ်းလႆႈတင်းသဵင်ႈတင်းလူင်ၼၼ်ႉတႃႉ၊ ဝႃႈၼင်ႇၼႆဢေႃႈ။-

3မူဝ်းသေႇ ဢိၵ်ႇတင်းယိတ်ႈပရေႃးႁဵၵ်ႈ ဢေးလႃႇၸႃႇ သင်ႇလၢတ်ႈတီႈၶဝ်ၵႃႈၼႂ်းပၢင်ႇပဵင်း မေႃႇၽႃႉ ဢၼ်မီးႁိမ်းၼမ်ႉႁွင်ႈ ယေႃးတၢၼ်ႇ သိုဝ်ႈဝဵင်း ယေႇရီႉၶူဝ်း ၼၼ်ႉလႄႈဝႃႈ၊-

4တၵ်းလႆႈဢဝ်ၸရၢင်း ၶဝ်ၸိူဝ်းဢၼ်ဢသၢၵ်ႈလႆႈသၢဝ်းၼိုင်ႈ၊ ဢသၢၵ်ႈလိူဝ်သၢဝ်းၵႂႃႇၼၼ်ႉ ၸွမ်းၵႃႈၼင်ႇဢၼ်ထႃႇဝရႃႉၽြႃး မီးဢမိင်ႉ တီႈ မူဝ်းသေႇ ၼၼ်ႉဢေႃႈ၊ ဝႃႈၼင်ႇၼႆဢေႃႈ။

5ၵူၼ်းမဵဝ်း ဢီႉသရေႇလႃႉ ဢၼ်ဢွၵ်ႇသေၵႃႈၼႂ်းမိူင်း ဢေႇၵိပ်ႉတူႉ မႃးၸိူဝ်းၼၼ်ႉ ရူႉပိၼ်ႇ ဢၼ်ပဵၼ်လုၵ်ႈၸၢႆးတူၼ်ႈ ဢီႉသရေႇလႃႉ ၊ လုၵ်ႈၸၢႆး ရူႉပိၼ်ႇ တင်းလၢႆၼၼ်ႉၸမ်ႉ၊ ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း ႁႃႇၼေႃႉၶီႉ ဢၼ်သိုပ်ႇလူင်းမႃးၵႃႈတီႈ ႁႃႇၼုတ်ႉ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ၽႃႇလုၺ်ႉ ဢၼ်သိုပ်ႇလူင်းမႃးၵႃႈတီႈ ၽႃႇလူႉ ၊-

6မဵဝ်းပီႈမဵဝ်းၼွင်ႉၸိူဝ်ႉၶိူဝ်း ႁေႇၸရေႃးၼီႉ ဢၼ်သိုပ်ႇလူင်းမႃးၵႃႈတီႈ ႁေႇၸရုၼ်ႇ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ၵႃႇမိတ်ႉ ဢၼ်သိုပ်ႇလူင်းမႃးၵႃႈတီႈ ၵႃႇမီႉ ဢေႃႈ။-

7ၶဝ်ၸိူဝ်းၼႆႉပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း ရူႉပိၼ်ႇ လႄႈ ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈၼႂ်းၸရၢင်းၼၼ်ႉၸမ်ႉ၊ မီးသီႇမိုၼ်ႇသၢမ်ႁဵင်ၸဵတ်းပၢၵ်ႇပၢႆသၢမ်သိပ်းဢေႃႈ။-

8လုၵ်ႈၸၢႆး ၽႃႇလူႉ ပဵၼ် ဢေးလျႃႇၽႃႉ ဢေႃႈ။-

9လုၵ်ႈၸၢႆး ဢေးလျႃႇၽႃႉ တင်းလၢႆ ပဵၼ် ၼေႇမုၺ်ႇလႃႉ၊ တႃႇသၼ်ႇ တင်း ဢၽီႉရမ်ႇ ဢေႃႈ။ တႃႇသၼ်ႇ တင်း ဢၽီႉရမ်ႇ ၸိူဝ်းၼႆႉဢမ်ႇၸႂ်ႈတၢင်ႇၵေႃႉ၊ ပဵၼ်ၶဝ်ၸိူဝ်းဢၼ်ပရဵၵ်ႈသၢတ်ႈတင်းလၢႆ လိူၵ်ႈၵဵပ်းဢဝ်ႁွင်ႉဢဝ်ဢၼ်ႁဵတ်းတၢင်းဢၼ်ၶတ်းၵၼ်တင်း မူဝ်းသေႇ တင်း ဢႃႇရုၼ်ႇ ၼႂ်းမိူဝ်ႈဢၼ်မုၵ်ႉၸိူဝ်း ၵေႃးရႃႉ ႁဵတ်းတၢင်းဢၼ်ၶတ်းၵၼ်တင်း ထႃႇဝရႃႉၽြႃး ၼၼ်ႉဢေႃႈ။-

10လိၼ်မိူင်းၽုၺ်ႇသူပ်းတူဝ်ၸဝ်ႈၵဝ်ႇသေလႄႈ ဢိုၼ်ၶဝ်ဢိၵ်ႇတင်း ၵေႃးရႃႉ ၼႂ်းမိူဝ်ႈဢၼ်မုၵ်ႉၸိူဝ်းမၼ်းတၢႆၼၼ်ႉ ယၢမ်းမိူဝ်ႈဢၼ်ၽႆးမႆႈၵိၼ်ၵူၼ်းသွင်ပၢၵ်ႇႁႃႈသိပ်းပႅတ်ႈလႄႈ ႁႂ်ႈၶဝ်လႆႈပဵၼ်သၢၵ်ႈသေႇ ဢၼ်ပၼ်သတီႉၼၼ်ႉဢေႃႈ။-

11ၵူၺ်းၵႃႈ လုၵ်ႈလၢင်း ၵေႃးရႃႉ ၼၼ်ႉၸိူဝ်းၼၼ်ႉဢမ်ႇတၢႆ။

12လုၵ်ႈၸၢႆး သီႉမုၼ်ႇ ဢၼ်ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်ၼၼ်ႉၸမ်ႉ၊ ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း ၼေႇမုၺ်ႇလီႉ ဢၼ်သိုပ်ႇလူင်းမႃးၵႃႈတီႈ ၼေႇမုၺ်ႇလႃႉ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ယႃႇမီႉၼီႉ ဢၼ်သိုပ်ႇလူင်းမႃးၵႃႈတီႈ ယႃႇမိၼ်ႇ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ယႃႇၶီႉၼီႉ ဢၼ်သိုပ်ႇလူင်းမႃးၵႃႈတီႈ ယႃႇၶိၼ်ႇ ၊-

13မဵဝ်းပီႈမဵဝ်းၼွင်ႉၸိူဝ်ႉၶိူဝ်း ၸေးရႃႇႁီႉ ဢၼ်သိုပ်ႇလူင်းမႃးၵႃႈတီႈ ၸေးရႃႉ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း သေႃးလီႉ ဢၼ်သိုပ်ႇလူင်းမႃးၵႃႈတီႈ သေႃးလႃႉ ဢေႃႈ။-

14ၶဝ်ၸိူဝ်းၼႆႉပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း သီႉမုၼ်ႇ လႄႈ မီးသွင်မိုၼ်ႇသွင်ႁဵင်ပၢႆသွင်ပၢၵ်ႇဢေႃႈ။

15လုၵ်ႈၸၢႆး ၵၢတ်ႉ ဢၼ်ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်ၼၼ်ႉၸမ်ႉ၊ ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း ၸေႇၽေႃႇၼီႉ ဢၼ်သိုပ်ႇလူင်းမႃးၵႃႈတီႈ ၸေႇၽူၼ် ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ႁၵ်ႉၵိတ်ႉ ဢၼ်သိုပ်ႇလူင်းမႃးၵႃႈတီႈ ႁၵ်ႉၵီႉ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း သူႉၼိတ်ႉ ဢၼ်သိုပ်ႇလူင်းမႃးၵႃႈတီႈ သူႉၼီႉ ၊-

16မဵဝ်းပီႈမဵဝ်းၼွင်ႉၸိူဝ်ႉၶိူဝ်း ဢေႃႇၸၼိတ်ႉ ဢၼ်သိုပ်ႇလူင်းမႃးၵႃႈတီႈ ဢေႃႇၸၼီႉ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ဢေႇရိတ်ႉ ဢၼ်သိုပ်ႇလူင်းမႃးၵႃႈတီႈ ဢေးရီႉ ။-

17မဵဝ်းပီႈမဵဝ်းၼွင်ႉၸိူဝ်ႉၶိူဝ်း ဢႃႇရေႃးတီႉ ဢၼ်သိုပ်ႇလူင်းမႃးၵႃႈတီႈ ဢႃႇရုတ်ႉ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ဢရေးလိတ်ႉ ဢၼ်သိုပ်ႇလူင်းမႃးၵႃႈတီႈ ဢရေးလီႉ ဢေႃႈ။-

18ၶဝ်ၸိူဝ်းၼႆႉပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း ၵၢတ်ႉ လႄႈ ၸွမ်းလူၺ်ႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈၼႂ်း ၸရၢင်းၼၼ်ႉသေလႄႈ မီးသီႇမိုၼ်ႇပၢႆႁႃႈပၢၵ်ႇဢေႃႈ။

19လုၵ်ႈၸၢႆး ယူႉတႃႉ ၸမ်ႉ၊ ပဵၼ် ဢေးရႃႉ တင်း ဢေႃးၼၼ်ႇ လႄႈ ဢေးရႃႉ တင်း ဢေႃးၼၼ်ႇ ၼၼ်ႉၸိုင် တၢႆၵႃႈတီႈမိူင်း ၶႃႇၼၢၼ်ႇ ဢေႃႈ။-

20လုၵ်ႈၸၢႆး ယူႉတႃႉ ဢၼ်သမ်ႉၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်ၼၼ်ႉၸမ်ႉ၊ ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း သေးလႃႇၼီႉ ဢၼ်သိုပ်ႇလူင်းမႃးၵႃႈတီႈ သေးလႃႉ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ၽႃႇရၸီႉ ဢၼ်သိုပ်ႇလူင်းမႃးၵႃႈတီႈ ၽေးရိတ်ႉ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ၸႃႇရႁီႉ ဢၼ်သိုပ်ႇလူင်းမႃးၵႃႈတီႈ ၸႃႇရႃႉ ဢေႃႈ။-

21လုၵ်ႈၸၢႆး ၽေးရိတ်ႉ တင်းလၢႆ ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း ႁေႇၸရေႃးၼီႉ ဢၼ်သိုပ်ႇလူင်းမႃးၵႃႈတီႈ ႁေႇၸရုၼ်ႇ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ႁႃႇမူႉလီႉ ဢၼ်သိုပ်ႇလူင်းမႃးၵႃႈတီႈ ႁႃႇမူႉလႃႉ ဢေႃႈ။-

22ၶဝ်ၸိူဝ်းၼႆႉ ပဵၼ်ပီႈၼွင်ႉၸိူဝ်ႉၶိူဝ်း ယူႉတႃႉ လႄႈ ၸွမ်းလူၺ်ႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈၼႂ်းၸရၢင်းၼၼ်ႉသေလႄႈ၊ မီးၸဵတ်းမိုၼ်ႇႁူၵ်းႁဵင်ပၢႆႁႃႈပၢၵ်ႇဢေႃႈ။

23လုၵ်ႈၸၢႆး ဢီႉသၶႃႇ ဢၼ်ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်ၼၼ်ႉၸမ်ႉ၊ ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း တေႃးလီႉ ဢၼ်သိုပ်ႇလူင်းမႃးၵႃႈတီႈ တေႃးလႃႉ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ၽူႉဝၼီႉ ဢၼ်သိုပ်ႇလူင်းမႃးၵႃႈတီႈ ၽူႉဝႃႇ ၊-

24မဵဝ်းပီႈမဵဝ်းၼွင်ႉၸိူဝ်ႉၶိူဝ်း ယႃႇသူႉၽီႉ ဢၼ်သိုပ်ႇလူင်းမႃးၵႃႈတီႈ ယႃႇသုပ်ႉ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း သီႉမရေႃးၼီႉ ဢၼ်သိုပ်ႇလူင်းမႃးၵႃႈတီႈ သီႉမရုၼ်ႇ ဢေႃႈ။-

25ၶဝ်ၸိူဝ်းၼႆႉပဵၼ်ပီႈၼွင်ႉၸိူဝ်ႉၶိူဝ်း ဢီႉသၶႃႇ လႄႈ ၸွမ်းလူၺ်ႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈၼႂ်းၸရၢင်းၼၼ်ႉသေလႄႈ မီးႁူၵ်းမိုၼ်ႇသီႇႁဵင်ပၢႆသၢမ်ပၢၵ်ႇဢေႃႈ။

26လုၵ်ႈၸၢႆး ၸေႇပူႉလုၼ်ႇ ဢၼ် ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်ၼၼ်ႉၸမ်ႉ၊ ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း သႃႇရတီႉ ဢၼ်သိုပ်ႇလူင်းမႃးၵႃႈတီႈ သရိတ်ႉ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ဢေႇလေႃးၼီႉ ဢၼ်သိုပ်ႇလူင်းမႃးၵႃႈတီႈ ဢေႇလုၼ်ႇ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ယႃႇလေးလီႉ ဢၼ်သိုပ်ႇလူင်းမႃးၵႃႈတီႈ ယႃႇလေးလႃႉ ဢေႃႈ။-

27ၶဝ်ၸိူဝ်းၼႆႉ ပဵၼ်ပီႈၼွင်ႉၸိူဝ်ႉၶိူဝ်း ၸေႇပူႉလုၼ်ႇ လႄႈ ၸွမ်းလူၺ်ႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈၼႂ်းၸရၢင်းၼၼ်ႉသေလႄႈ မီးႁူၵ်းမိုၼ်ႇပၢႆႁႃႈပၢၵ်ႇဢေႃႈ။

28လုၵ်ႈၸၢႆး ယူဝ်းသႅပ်ႈ ဢၼ်ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်ၼၼ်ႉၸမ်ႉ၊ ပဵၼ် မၼႃႇသေႇ တင်း ဢေႇၽရိမ်ႇ ဢေႃႈ။-

29လုၵ်ႈၸၢႆး မၼႃႇသေႇ တင်းလၢႆၸမ်ႉ၊ ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း မႃႇၶီႉရီႉ ဢၼ်သိုပ်ႇလူင်းမႃးၵႃႈတီႈ မႃႇၶီႉရႃႉ ဢေႃႈ။ မႃႇၶီႉရႃႉ ၼၼ်ႉ မီးလုၵ်ႈၸၢႆး ၵီႉလတ်ႉ လႄႈ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ၵီႉလတီႉ သိုပ်ႇလူင်းမႃးၵႃႈတီႈ ၵီႉလတ်ႉ ၼၼ်ႉဢေႃႈ။-

30လုၵ်ႈၸၢႆး ၵီႉလတ်ႉ ၸမ်ႉ၊ ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း ယေႇၸေႇရီႉ ဢၼ်သိုပ်ႇလူင်းမႃးၵႃႈတီႈ ယေႇၸေႇရႃႉ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ႁေႇလၵီႉ ဢၼ်သိုပ်ႇလူင်းမႃးၵႃႈတီႈ ႁေးလိၵ်ႉ ၊-

31မဵဝ်းပီႈမဵဝ်းၼွင်ႉၸိူဝ်ႉၶိူဝ်း ဢႃႇသရေးလီႉ ဢၼ်သိုပ်ႇလူင်းမႃးၵႃႈတီႈ ဢႃႇသရေးလႃႉ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း သေႇၶေးမီႉ ဢၼ်သိုပ်ႇလူင်းမႃးၵႃႈတီႈ သေႇၶိမ်ႇ ၊-

32မဵဝ်းပီႈမဵဝ်းၼွင်ႉၸိူဝ်ႉၶိူဝ်း သမီႉတီႉ ဢၼ်သိုပ်ႇလူင်းမႃးၵႃႈတီႈ သမီႉတႃႇ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ႁေႇၽေးရီႉ ဢၼ်သိုပ်ႇလူင်းမႃးၵႃႈတီႈ ႁေႇၽႃႇ ဢေႃႈ။-

33ၸလေႃးၽတ်ႉ လုၵ်ႈၸၢႆး ႁေႇၽႃႇ ၼၼ်ႉၸမ်ႉ၊ ဢမ်ႇမီးလုၵ်ႈၸၢႆး၊ မီးလုၵ်ႈယိင်းၵူၺ်းၵူၺ်းဢေႃႈ။ ၸိုဝ်ႈသဵင်လုၵ်ႈယိင်း ၸလေႃးၽတ်ႉ ၸိူဝ်းၼၼ်ႉၸမ်ႉ၊ ပဵၼ် မႃႇလႃႇ၊ ၼေႃႇဢႃႇ၊ ႁေႃႇၵလႃႇ၊ မီႉၵလႃႇ၊ တီႉရၸႃႉ ဢေႃႈ။-

34ၶဝ်ၸိူဝ်းၼႆႉ ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း မၼႃႇသေႇ လႄႈ ၸွမ်းလူၺ်ႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈၼႂ်းၸရၢင်းၼၼ်ႉသေလႄႈ မီးႁႃႈမိုၼ်ႇသွင်ႁဵင်ပၢႆၸဵတ်းပၢၵ်ႇဢေႃႈ။

35လုၵ်ႈၸၢႆး ဢေႇၽရိမ်ႇ ဢၼ်ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်ၼၼ်ႉၸမ်ႉ၊ ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း သူႉသလီႉ ဢၼ်သိုပ်ႇလူင်းမႃးၵႃႈတီႈ သူႉသလႃႉ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ပေႇၶရီႉ ဢၼ်သိုပ်ႇလူင်းမႃးၵႃႈတီႈ ပေႇၶႃႇ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း တႃႇႁၼီႉ ဢၼ်သိုပ်ႇလူင်းမႃးၵႃႈတီႈ တႃႇႁၼ် ဢေႃႈ။-

36လုၵ်ႈၸၢႆး သူႉသလႃႉ ၸမ်ႉ၊ ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း ဢေးရၼီႉ ဢၼ်သိုပ်ႇလူင်းမႃးၵႃႈတီႈ ဢေးရၼ်ႇ ဢေႃႈ။-

37ၶဝ်ၸိူဝ်းၼႆႉပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း ဢေႇၽရိမ်ႇ လႄႈ ၸွမ်းလူၺ်ႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈၼႂ်းၸရၢင်းၼၼ်ႉသေလႄႈ မီးသၢမ်မိုၼ်ႇသွင်ႁဵင်ပၢႆႁႃႈပၢၵ်ႇဢေႃႈ။ ၶဝ်ၸိူဝ်းၼႆႉပဵၼ်ၸူဝ်ႈလုၵ်ႈပၢၼ်လၢၼ် ယူဝ်းသႅပ်ႈ ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်ၼၼ်ႉဢေႃႈ။

38လုၵ်ႈၸၢႆး ပိၼ်ႇယႃႇမိၼ်ႇ ဢၼ်ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်ၼၼ်ႉၸမ်ႉ၊ ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း ပေႇလီႉ ဢၼ်သိုပ်ႇလူင်းမႃးၵႃႈတီႈ ပေႇလႃႉ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ဢႃႇသပေႇလီႉ ဢၼ်သိုပ်ႇလူင်းမႃးၵႃႈတီႈ ဢႃႇသပေႇလႃႉ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ဢႁီႉရမီႉ ဢၼ်သိုပ်ႇလူင်းမႃးၵႃႈတီႈ ဢႁီႉရမ်ႇ ။-

39မဵဝ်းပီႈမဵဝ်းၼွင်ႉၸိူဝ်ႉၶိူဝ်း သူႉၽမီႉ ဢၼ်သိုပ်ႇလူင်းမႃးၵႃႈတီႈ သူႉၽမ်ႇ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ႁူႉၽမီႉ ဢၼ်သိုပ်ႇလူင်းမႃးၵႃႈတီႈ ႁူႉၽမ်ႇ ဢေႃႈ။-

40လုၵ်ႈၸၢႆး ပေႇလႃႉ ၸမ်ႉ၊ ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း ဢႃႇရတီႉ ဢၼ်သိုပ်ႇလူင်းမႃးၵႃႈတီႈ ဢႃႇရတႃႉ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ၼေမၼီႉ ဢၼ်သိုပ်ႇလူင်းမႃးၵႃႈတီႈ ၼေႇမၢၼ်ႇ ဢေႃႈ။-

41ၶဝ်ၸိူဝ်းၼႆႉပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း ပိၼ်ႇယႃႇမိၼ်ႇ လႄႈ ၸွမ်းလူၺ်ႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈၼႂ်းၸရၢင်းၼၼ်ႉသေလႄႈ မီးသီႇမိုၼ်ႇႁႃႈႁဵင်ပၢႆႁူၵ်းပၢၵ်ႇဢေႃႈ။

42လုၵ်ႈၸၢႆး တၢၼ်ႇ ဢၼ်ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်ၼၼ်ႉၸမ်ႉ၊ ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း သူႉႁမီႉ ဢၼ်သိုပ်ႇလူင်းမႃးၵႃႈတီႈ သူႉႁမ်ႇ ဢေႃႈ။ ၶဝ်ၸိူဝ်းၼႆႉ ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း တၢၼ်ႇ ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်ၼၼ်ႉဢေႃႈ။-

43မဵဝ်းပီႈမဵဝ်းၼွင်ႉၸိူဝ်ႉၶိူဝ်း သူႉႁမီႉ ဢၼ်ၸွမ်းလူၺ်ႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈၼႂ်းၸရၢင်းၼၼ်ႉၵႃႈမီးၼၼ်ႉ မီးႁူၵ်းမိုၼ်ႇသီႇႁဵင်ပၢႆသီႇပၢၵ်ႇဢေႃႈ။

44လုၵ်ႈၸၢႆး ဢႃႇသႃႇ ဢၼ်ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်ၼၼ်ႉၸမ်ႉ၊ ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း ယီႉမၼီႉ ဢၼ်သိုပ်ႇလူင်းမႃးၵႃႈတီႈ ယီႉမၼႃႉ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ယေႇသဝိတ်ႉ ဢၼ်သိုပ်ႇလူင်းမႃးၵႃႈတီႈ ယေႇသဝီႉ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ပေႇရိတ်ႉ ဢၼ်သိုပ်ႇလူင်းမႃးၵႃႈတီႈ ပေႇရီႉ ဢေႃႈ။-

45လုၵ်ႈၸၢႆး ပေႇရီႉ ၸမ်ႉ၊ ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း ႁေႇပေႇရီႉ ဢၼ်သိုပ်ႇလူင်းမႃးၵႃႈတီႈ ႁေႇပေႇရႃႉ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း မႃႇလၶျေးလီႉ ဢၼ်သိုပ်ႇလူင်းမႃးၵႃႈတီႈ မႃႇလၶျေးလႃႉ ဢေႃႈ။-

46ၸိုဝ်ႈသဵင်လုၵ်ႈယိင်း ဢႃႇသႃႇ ၸမ်ႉ၊ ပဵၼ် ၸႃႇရႃႉ ဢေႃႈ။-

47ၶဝ်ၸိူဝ်းၼႆႉပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း ဢႃႇသႃႇ လႄႈ ၸွမ်းလူၺ်ႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈၼႂ်းၸရၢင်းၼၼ်ႉသေလႄႈ မီးႁႃႈမိုၼ်ႇသၢမ်ႁဵင်ပၢႆသီႇပၢၵ်ႇဢေႃႈ။

48လုၵ်ႈၸၢႆး ၼပ်ႉထလီႉ ဢၼ်ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်ၼၼ်ႉၸမ်ႉ၊ ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း ယႃႇၸေႇလီႉ ဢၼ်သိုပ်ႇလူင်းမႃးၵႃႈတီႈ ယႃႇၸေႇလႃႉ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ၵူႉၼိတ်ႉ ဢၼ်သိုပ်ႇလူင်းမႃးၵႃႈတီႈ ၵူႉၼီႉ ၊-

49မဵဝ်းပီႈမဵဝ်းၼွင်ႉၸိူဝ်ႉၶိူဝ်း ယေႇၸေႇရီႉ ဢၼ်သိုပ်ႇလူင်းမႃးၵႃႈတီႈ ယေႇၸေႇရႃႉ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း သီႉလမီႉ ဢၼ်သိုပ်ႇလူင်းမႃးၵႃႈတီႈ သီႉလိမ်ႇ ဢေႃႈ။-

50ၶဝ်ၸိူဝ်းၼႆႉပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း ၼပ်ႉထလီႉ လႄႈ ၸွမ်းလူၺ်ႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈၼႂ်း ၸရၢင်းၼၼ်ႉသေလႄႈ မီးသီႇမိုၼ်ႇႁႃႈႁဵင်ပၢႆသီႇပၢၵ်ႇဢေႃႈ။-

51ၼင်ႇၼၼ်လႄႈ ၵူၼ်းမဵဝ်း ဢီႉသရေႇလႃႉ ဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈၼႂ်းၸရၢင်းၼၼ်ႉၸမ်ႉ၊ မီးႁူၵ်းသႅၼ်ႁဵင်ၼိုင်ႈၸဵတ်းပၢၵ်ႇပၢႆသၢမ်သိပ်းဢေႃႈ။

52ထႃႇဝရႃႉၽြႃးမီးဢမိင်ႉတီႈ မူဝ်းသေႇ လႄႈဝႃႈ၊-

53ၵႃႈတီႈၶဝ်ၸိူဝ်းၼႆႉၸိုင် မိူင်းၼၼ်ႉတၵ်းလႆႈၶၢမ်ႇတၢင်းဢၼ် ၽႄမႅင်ႇၸွမ်းၵႃႈၼင်ႇဢၼ်ၼပ်ႉဢၢၼ်ႇၸိုဝ်ႈသဵင်ၶဝ်ၼၼ်ႉဢေႃႈ။-

54ပေႃးၵူၼ်းၼမ်ၸိုင် လိၼ်ဢမူၺ်ႇဢၼ်ၼမ်၊ ပေႃးၵူၼ်းၵေႇၸိုင်၊ လိၼ်ဢမူၺ်ႇဢၼ်ၵေႇ၊ တၵ်းလႆႈၽႄလိၼ် ဢမူၺ်ႇမႅင်ႇပၼ်တီႈၶဝ် ႁင်းၽႂ်ႁင်းမၼ်းၸွမ်းလူၺ်ႈၶဝ်ၸိူဝ်းဢၼ် လႆႈၶၢမ်ႇတၢင်းဢၼ်ၼပ်ႉဢၢၼ်ႇၼၼ်ႉဢေႃႈ။-

55ၼႂ်းဝႃႈၼၼ်သေၵေႃႈ မိူင်းၼၼ်ႉတၵ်းလႆႈၶၢမ်ႇတၢင်းဢၼ်ဢဝ်တူၵ်းၸႃႇၵွၵ်ႈသေလႄႈ ၽႄမႅင်ႇပၼ်ဢေႃႈ။ တၵ်းလႆႈၸွမ်းလူၺ်ႈၸိုဝ်ႈသဵင် ပီႈၼွင်ႉၸိူဝ်ႉၶိူဝ်းပူႇပေႃႈသေလႄႈ ၶၢမ်ႇဢမူၺ်ႇဢေႃႈ။-

56ၸွမ်းလူၺ်ႈတၢင်းဢၼ်ၸႃႇၵွၵ်ႈတူၵ်းၼၼ်ႉသေလႄႈ လိၼ်ဢမူၺ်ႇၶဝ်တၵ်းလႆႈၶၢမ်ႇတၢင်းဢၼ်ၽႄမႅင်ႇၸွမ်းၵႃႈၼင်ႇဢၼ် ၵူၼ်းၵေႇၵူၼ်းၼမ်ၼၼ်ႉဢေႃႈ၊ ဝႃႈၼင်ႇၼႆဢေႃႈ။

57လုၵ်ႈၸၢႆး လေႇဝီႉ ဢၼ်လႆႈၶၢမ်ႇတၢင်းဢၼ် ၼပ်ႉဢၢၼ်ႇၶဝ်ႈၼႂ်းၸရၢင်းၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်ၼၼ်ႉၸမ်ႉ၊ ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း ၵေႇရသေႃးၼီႉ ဢၼ်သိုပ်ႇလူင်းမႃးၵႃႈတီႈ ၵေႇရသုၼ်ႇ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ၵေႃႇႁထီႉ ဢၼ်သိုပ်ႇလူင်းမႃးၵႃႈတီႈ ၵေႃႇႁတ်ႉ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း မေႇရႃႇရိတ်ႉ ဢၼ်သိုပ်ႇလူင်းမႃးၵႃႈတီႈ မေႇရႃႇရီႉ ဢေႃႈ။-

58မဵဝ်းပီႈမဵဝ်းၼွင်ႉၸိူဝ်ႉၶိူဝ်း လေႇဝီႉ ၸမ်ႉ၊ ပဵၼ်မဵဝ်းပီႈမဵဝ်းၼွင်ႉၸိူဝ်ႉၶိူဝ်း လီႉပၼီႉ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ႁေႇပြေႃးၼီႉ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း မႃႇလီႉ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း မူႉသီႉ ၊ မဵဝ်းပီႈမဵဝ်းၼွင်ႉၸိူဝ်ႉၶိူဝ်း ၵေႃႇရသီႉ ဢေႃႈ။ ၵေႃႇႁတ်ႉ ၸမ်ႉ၊ မီးလုၵ်ႈၸၢႆး ဢႃႇမရမ်ႇ ဢေႃႈ။-

59ၸိုဝ်ႈသဵင်မေး ဢႃႇမရမ်ႇ ၸမ်ႉ၊ ပဵၼ် ယေႃးၶႄႇပိတ်ႉ လုၵ်ႈယိင်း လေႇဝီႉ ဢၼ်ၵိူတ်ႇလဵင်ႉမႃးၵႃႈတီႈမိူင်း ဢေႇၵိပ်ႉတူႉ ၼၼ်ႉဢေႃႈ။ မႄႈယိင်းၼၼ်ႉၵိူတ်ႇလဵင်ႉ ဢႃႇရုၼ်ႇ ဢိၵ်ႇတင်း မူဝ်းသေႇ တင်းပီႈၼၢင်းၶဝ် မီႉရီႉဢၢမ်ႇ ဢေႃႈ။-

60လုၵ်ႈၸၢႆး ဢႃႇရုၼ်ႇ ၸမ်ႉ၊ ပဵၼ် ၼႃႇတပ်ႉ၊ ဢၽီႉႁူႉ၊ ဢေးလႃႇၸႃႇ တင်း ဢီႉသမႃႇ ဢေႃႈ။-

61ၼႃႇတပ်ႉ တင်း ဢၽီႉႁူႉ ၸိူဝ်းၼၼ်ႉ တၢႆၼႂ်းမိူဝ်ႈဢၼ်ၶဝ်ဢဝ်ၽႆး ဢၼ်ဢမ်ႇၸၢပ်ႈဢမ်ႇသႅင်ႇၼၼ်ႉ ပုၵ်ႈၸေႃႇၵႃႈတီႈၽၢႆႇၼႃႈထႃႇဝရႃႉၽြႃးၼၼ်ႉသေဢေႃႈ။-

62ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈၼႂ်းၸရၢင်းဢၼ်ဝႃႈၵူၼ်းၸၢႆး ဢၼ်ဢသၢၵ်ႈလႆႈလိူၼ်ၼိုင်ႈလႄႈ လိူၼ်လိူဝ်ၵႂႃႇၵႃႈမီးတင်းသဵင်ႈတင်းလူင်ၸမ်ႉ၊ မီးသွင်မိုၼ်ႇပၢႆသၢမ်ႁဵင်ဢေႃႈ။ ၵွပ်ႈပိူဝ်ႈဢၼ်ဢမ်ႇပၼ်ၶဝ်ၶၢမ်ႇဢမူၺ်ႇလူၺ်ႈၵၼ်တင်းၵူၼ်းမဵဝ်း ဢီႉသရေႇလႃႉ တင်းလၢႆလႄႈ၊ ၶဝ်ဢမ်ႇၶၢမ်ႇတၢင်းဢၼ်ၼပ်ႉဢၢၼ်ႇ ၶဝ်ႈၼႂ်းၸရၢင်းၵူၼ်း ဢီႉသရေႇလႃႉ တင်းလၢႆ။

63ၶဝ်ၸိူဝ်းၼႆႉၸမ်ႉ၊ ပဵၼ်ၶဝ်ၸိူဝ်းဢၼ် မူဝ်းသေႇ ဢိၵ်ႇတင်း ယိတ်ႈပရေႃးႁဵၵ်ႈ ဢေးလႃႇၸႃႇ ဢၼ်ၼပ်ႉဢၢၼ်ႇ ၵူၼ်းမဵဝ်း ဢီႉသရေႇလႃႉ တင်းလၢႆ ၵႃႈၼႂ်းပၢင်ႇပဵင်း မေႃႇၽႃႉ ၵႃႈတီႈႁိမ်းၼမ်ႉႁွင်ႈ ယေႃးတၢၼ်ႇ သိုဝ်ႈဝဵင်း ယေႇရီႉၶူဝ်း ၸိူဝ်းၼၼ်ႉ ၼပ်ႉဢၢၼ်ႇဝႆႉဢေႃႈ။-

64ၼႂ်းၵူၼ်းၸိူဝ်းၼႆႉ၊ ၶဝ်ၸိူဝ်းဢၼ် မူဝ်းသေႇ ဢိၵ်ႇတင်းယိတ်ႈပရေႃးႁဵၵ်ႈ ဢႃႇရုၼ်ႇ ဢၼ်ၼပ်ႉဢၢၼ်ႇၵူၼ်းမဵဝ်း ဢီႉသရေႇလႃႉ တင်းလၢႆ ၵႃႈၼႂ်းထိူၼ်ႇ သီႉၼႃႉ ၼၼ်ႉ ၼပ်ႉဢၢၼ်ႇဝႆႉၼၼ်ႉ ဢမ်ႇပႃးသေၵေႃႉသေၵူၼ်း။-

65လွင်ႈမၼ်းၸမ်ႉ ထႃႇဝရႃႉၽြႃးမီးဢမိင်ႉလႄႈဝႃႈ ၶဝ်ၸိူဝ်းၼၼ်ႉတၵ်းလႆႈတၢႆ ၵႃႈၼႂ်းထိူၼ်ႇဢမၢၼ်ႇၶၼ်ပဵၼ်ဢေႃႈ၊ ဝႃႈၼင်ႇၼႆဝႆႉယဝ်ႉ၊ ၼွၵ်ႈသေ ၵႃႇလႅပ်ႉ လုၵ်ႈၸၢႆး ယေႇၽုၼ်ႇၼႃႉ ဢိၵ်ႇတင်း ယေႃးသူႉ လုၵ်ႈၸၢႆး ၼုၼ်ႇ ၼၼ်ႉ၊ ၵူၼ်းၸိူဝ်းၼၼ်ႉ ဢမ်ႇၵိုတ်းဢမ်ႇၵျၢၼ်ႇဝႆႉ သေၵေႃႉသေၵူၼ်း။