Numbers 36

Shan

← Chapter 35 Jump to:

1ၵူၼ်းယႂ်ႇၵူၼ်းလူင်ၵႃႈၼႂ်းမဵဝ်းပူႇမဵဝ်းပေႃႈၵႃႈၼႂ်းပီႈၼွင်ႉၸိူဝ်ႉၶိူဝ်း ၵီႉလတ်ႉ လုၵ်ႈၸၢႆး မႃႇၶီႉရႃႉ ဢၼ်ပဵၼ်လုၵ်ႈၸၢႆး မၼႃႇသေႇ ၵႃႈၼႂ်းပီႈၼွင်ႉၸိူဝ်ႉၶိူဝ်း ယူဝ်းသႅပ်ႈ ၼၼ်ႉၸိူဝ်းၼၼ်ႉ ဢွၼ်ၵၼ်မႃးၵႃႈတီႈ မူဝ်းသေႇ ဢိၵ်ႇတင်းၶုၼ်ဢၼ်ပဵၼ်ၵူၼ်းယႂ်ႇၵူၼ်းလူင် ၵႃႈၼႂ်း ၵူၼ်းမဵဝ်း ဢီႉသရေႇလႃႉ တင်းလၢႆလႄႈလဝ်ႊဝႃႈ၊-

2ထႃႇဝရႃႉၽြႃးမီးဢမိင်ႉႁႂ်ႈၸဝ်ႈႁဝ်းၶႃႈတူၵ်းၸႃႇၵွၵ်ႈသေလႄႈ ဢဝ်လိၼ်ဢမူၺ်ႇပၼ်တီႈ ၵူၼ်းမဵဝ်း ဢီႉသရေႇလႃႉ တင်းလၢႆ ဢိၵ်ႇတင်းၸဝ်ႈႁဝ်းၶႃႈ လႆႈၶၢမ်ႇဢမိင်ႉတီႈထႃႇဝရႃႉၽြႃး ႁႂ်ႈဢဝ်လိၼ်ဢမူၺ်ႇပီႈၸၢႆးႁဝ်းၶႃႈ ၸလေႃးၽတ်ႉ ၼၼ်ႉ ပၼ်တီႈလုၵ်ႈယိင်းမၼ်းတင်းလၢႆၶႃႈဢေႃႈ။-

3ပေႃးၶဝ်ၼၼ်ႉဢဝ်ၵၼ်တင်းၵူၼ်းမဵဝ်း ဢီႉသရေႇလႃႉ တၢင်ႇမဵဝ်းၸိုင်၊ လိၼ်ဢမူၺ်ႇၶဝ်ၼၼ်ႉ တၵ်းလႆႈၶၢမ်ႇတၢင်းဢၼ် ၼုၵ်ႈဢွၵ်ႇသေၵႃႈၼႂ်းဢမူၺ်ႇၸူဝ်ႈပူႇၸူဝ်ႈပေႃႈႁဝ်းၶႃႈလႄႈ ပႃးၵႂႃႇၵႃႈၼႂ်းဢမူၺ်ႇမဵဝ်းဢၼ်ၶဝ်ၶဝ်ႈၼၼ်ႉဢေႃႈ။ ၼင်ႇၼၼ်လႄႈ လိၼ်ၼၼ်ႉ တၵ်းလႆႈၶၢမ်ႇတၢင်းဢၼ်ၼုၵ်ႈဢွၵ်ႇသေၵႃႈၼႂ်းလိၼ်ဢမူၺ်ႇႁဝ်းၶႃႈၼႆႉၵႂႃႇၶႃႈဢေႃႈ။-

4မိူဝ်ႈဢၼ်ႁွတ်ႈထိုင်ပီႊ ယူႉပီႉလီႉ ၵူၼ်းမဵဝ်း ဢီႉသရေႇလႃႉ တင်းလၢႆၸိုင်၊ လိၼ်ဢမူၺ်ႇၶဝ်ၼၼ်ႉ တၵ်းတႄႇယူႇသေႇသေႇၵႃႈတီႈဢမူၺ်ႇမဵဝ်းဢၼ်ၶဝ်ၶဝ်ႈၼၼ်ႉၶႃႈဢေႃႈ။ ၼင်ႇၼၼ်လႄႈလိၼ်ဢမူၺ်ႇၶဝ်ၼၼ်ႉ တၵ်းမီးတၢင်းဢၼ်ၼုၵ်ႈဢွၵ်ႇသေ ၵႃႈၼႂ်းဢမူၺ်ႇမဵဝ်းပူႇမဵဝ်းပေႃႈႁဝ်းၶႃႈၵႂႃႇၶႃႈဢေႃႈ၊ ဝႃႈၼင်ႇၼႆဢေႃႈ။

5မိူဝ်ႈၼၼ်ႉ မူဝ်းသေႇ သင်ႇလၢတ်ႈတီႈၵူၼ်းမဵဝ်း ဢီႉသရေႇလႃႉ တင်းလၢႆၸွမ်းၵႃႈၼင်ႇဢၼ် ဢမိင်ႉထႃႇဝရႃႉၽြႃးမီးၼၼ်ႉလႄႈဝႃႈၸမ်ႉ၊ ၵူၼ်းမဵဝ်း ယူဝ်းသႅပ်ႈ တင်းလၢႆၼၼ်ႉ လၢတ်ႈၵႂၢမ်းဢၼ်ထုၵ်ႇဢၼ်လီဢေႃႈ။-

6ထႃႇဝရႃႉၽြႃးမီးဢမိင်ႉလူၺ်ႈလွင်ႈလုၵ်ႈယိင်း ၸလေႃးၽတ်ႉ ၸိူဝ်းၼၼ်ႉၸမ်ႉ၊ ႁႂ်ႈၶဝ်ဢဝ်ၵၼ်တင်းၵေႃႉဢၼ်ၶဝ်ၵျိူၵ်ႈၼၼ်ႉတႃႉ။ ၼႂ်းဝႃႈၼၼ်သေၵေႃႈ ႁႂ်ႈၶဝ်ဢဝ်ၵၼ်တင်းၵူၼ်းမဵဝ်းပူႇမဵဝ်းပေႃႈၸိူဝ်ႉၶိူဝ်းၶဝ်ၼၼ်ႉၵူၺ်းတႃႉ။-

7ၼင်ႇၼၼ်လႄႈ လိၼ်ဢမူၺ်ႇၵူၼ်းမဵဝ်း ဢီႉသရေႇလႃႉ တင်းလၢႆၼၼ်ႉ ဢမ်ႇလႆႈၶၢႆႉသေၵႃႈတီႈမဵဝ်းၼိုင်ႈ ၵႂႃႇၵႃႈတီႈမဵဝ်းၼိုင်ႈ။ လွင်ႈမၼ်းၸမ်ႉ ၵူၼ်းမဵဝ်း ဢီႉသရေႇလႃႉ တင်းလၢႆၼၼ်ႉ တၵ်းလႆႈယူႇၵႃႈတီႈလိၼ်ဢမူၺ်ႇ မဵဝ်းပူႇမဵဝ်းပေႃႈတူဝ်ၸဝ်ႈၵဝ်ႇ ႁင်းၽႂ်ႁင်းမၼ်းဢေႃႈ။-

8မႄႈယိင်းဢၼ်မီးလိၼ်ဢမူၺ်ႇ ၵႃႈၼႂ်းမဵဝ်းၵူၼ်း ဢီႉသရေႇလႃႉ သေမဵဝ်းမဵဝ်းၼၼ်ႉ တၵ်းလႆႈဢဝ်ၵၼ်တင်း ၵူၼ်းမဵဝ်းပူႇမဵဝ်းပေႃႈတူဝ်ၸဝ်ႈၵဝ်ႇ ႁႂ်ႈၵူၼ်းမဵဝ်း ဢီႉသရေႇလႃႉ တင်းလၢႆလႆႈၸၢမ်ႇၸႃးလိၼ်ဢမူၺ်ႇမဵဝ်းပူႇမဵဝ်းပေႃႈၶဝ်ႁင်းၽႂ်ႁင်းမၼ်းဢေႃႈ။-

9ၼင်ႇၼၼ်လႄႈ လိၼ်ဢမူၺ်ႇဢမ်ႇလႆႈၶၢႆႉသေၵႃႈတီႈမဵဝ်းၼိုင်ႈ ၵႂႃႇၵႃႈတီႈမဵဝ်းၼိုင်ႈ၊ လွင်ႈမၼ်းၸမ်ႉ ၵူၼ်းမဵဝ်း ဢီႉသရေႇလႃႉ တင်းလၢႆၼၼ်ႉ တၵ်းလႆႈယူႇၵႃႈတီႈလိၼ်ဢမူၺ်ႇၶဝ်ႁင်းၽႂ်ႁင်းမၼ်းဢေႃႈ၊ ဝႃႈၼင်ႇၼႆဢေႃႈ။

10ၸွမ်းၵႃႈၼင်ႇဢၼ်ထႃႇဝရႃႉၽြႃး သင်ႇလၢတ်ႈဝႆႉတီႈ မူဝ်းသေႇ ၼၼ်ႉသေလႄႈ လုၵ်ႈယိင်း ၸလေႃးၽတ်ႉ ၸိူဝ်းၼၼ်ႉ ဢွၼ်ၵၼ်ႁဵတ်းၸိူဝ်ႉၼင်ႇၼၼ်ဢေႃႈ။-

11မႃႇလႃႇ၊ တီႉရၸႃႉ၊ ႁေႃႇၵလႃႇ၊ မီႉၵလႃႇ၊ ၼေႃႇဢႃႇ၊ လုၵ်ႈယိင်း ၸလေႃးၽတ်ႉ ၸိူဝ်းၼၼ်ႉ ဢွၼ်ၵၼ်ဢဝ်ၵၼ်တင်း လုၵ်ႈၸၢႆးပေႃႈလုင်းၶဝ်၊ လုၵ်ႈၸၢႆးပေႃႈဢၢဝ်ၶဝ်ဢေႃႈ။-

12ၼင်ႇၼၼ်လႄႈ ၶဝ်ႁဵတ်းတၢင်းဢၼ်ဢဝ်ၵၼ် ၵႃႈၼႂ်းပီႈၼွင်ႉၸိူဝ်ႉၶိူဝ်းၵူၼ်းမဵဝ်း မၼႃႇသေႇ ဢၼ်ပဵၼ်လုၵ်ႈၸၢႆး ယူဝ်းသႅပ်ႈ ၼၼ်ႉလႄႈ လိၼ်ဢမူၺ်ႇၶဝ်ၼၼ်ႉ တႄႇယူႇၵႃႈတီႈမဵဝ်းပူႇမဵဝ်းပေႃႈၶဝ်ဢေႃႈ။-

13ဢၼ်ၼႆႉၸမ်ႉ၊ ပဵၼ်ပိင်းၺၢပ်ႈ ဢိၵ်ႇတင်းတၢင်းဢၼ်ၸီႇယၢင်ႇႁဵတ်းဝႆႉတင်းလၢႆ ဢၼ်ထႃႇဝရႃႉၽြႃး ဢဝ် မူဝ်းသေႇ ပိင်းၺၢပ်ႈဝႆႉတီႈၵူၼ်းမဵဝ်း ဢီႉသရေႇလႃႉ တင်းလၢႆ ၵႃႈၼႂ်းပၢင်ႇပဵင်း မေႃႇၽႃႉ ၊ ၵႃႈတီႈႁိမ်းၼမ်ႉႁွင်ႈ ယေႃးတၢၼ်ႇ သိုဝ်ႈဝဵင်း ယေႇရီႉၶူဝ်း ၼၼ်ႉဢေႃႈ။ ၵျၢမ်းဢၼ်ယူႇၼႂ်းထိူၼ်ႇယဝ်ႉယဝ်ႉဢေႃႈ။

← Chapter 35 Jump to:

Recommended Reading

Commentary Numbers Commentaries → Devotional Numbers Devotional Guide → Get This Bible Shan Study Bible →