Numbers 29 — Shan

1လိူၼ်သတ်ႉတမႃႉ ဝၼ်းပထမႃႉၼၼ်ႉ၊ သူတၵ်းလႆႈႁဵတ်းတၢင်းဢၼ်ၸူႉတုမ်ထမ်ႇမႃႉၵၼ်ဢေႃႈ။ သူဢမ်ႇလႆႈႁဵတ်းတၢင်းႁဵတ်းလေႃးၵီႇ။ ပဵၼ်ဝၼ်းဢၼ်တၵ်းလႆႈႁဵတ်းတၢင်းဢၼ်ပဝ်ႇၼႄးၶရႃႇဢေႃႈ။-

2သူတၵ်းလႆႈဢဝ်ယိတ်ႈဢၼ် တုတ်ႇၽႆး ပုၼ်ႈဢၢႆဢၼ်ႁွမ်ဢၼ်ႁူၺ်းတီႈထႃႇဝရႃႉၽြႃးဢၼ်ဝႃႈ ဝူဝ်းပေႃႈဢၼ်ဢသၢၵ်ႈၼုမ်ႇတူဝ်ၼိုင်ႈ၊ သူဝ်းပေႃႈတူဝ်ၼိုင်ႈ၊ သူဝ်းပေႃႈဢွၼ်ႇဢၼ်ဢမ်ႇပႆႇၶွပ်ႈၶူပ်ႇဢၼ်ဢမ်ႇပႃးဢပႅတ်ႈၸဵတ်းတူဝ်၊-

3ဢိၵ်ႇတင်းတၢင်းပုၵ်ႈၸေႃႇၽေႃးၸဵၼ်ႇ ဢၼ်ဝႃႈၽွင်ၶဝ်ႈမုၼ်း ဢေးၽႃႇ သိပ်းပုၼ်ႈဢဝ်သၢမ်ပုၼ်ႈ ဢၼ်ဢဝ်ၼမ်ႉမၼ်းသႂ်ႇလေႃးၼၼ်ႉ ပုၼ်ႈဝူဝ်းယေႈတူဝ် တင်းသိပ်းပုၼ်ႈဢဝ်သွင်ပုၼ်ႈ ပုၼ်ႈသူဝ်းပေႃႈတူဝ်ၼိုင်ႈၼၼ်ႉ၊-

4တင်းသိပ်းပုၼ်ႈပုၼ်ႈၼိုင်ႈ ပုၼ်ႈယေႈတူဝ် ႁႂ်ႈပေႃးၸေးသူဝ်းပေႃႈဢွၼ်ႇၸဵတ်းတူဝ်၊-

5ဢိၵ်ႇတင်းပႄႉပေႃႈတူဝ်ၼိုင်ႈ ပုၼ်ႈယိတ်ႈဢၼ်ၽေႇဢပႅတ်ႈသူၼၼ်ႉပုၵ်ႈၸေႃႇ၊-

6ၼွၵ်ႈသေယိတ်ႈဢၼ်တုတ်ႇၽႆးဝၼ်းလိူၼ်မႂ်ႇ ဢိၵ်ႇတင်းၶိူင်ႈပုၵ်ႈၸေႃႇၽေႃးၸဵၼ်ႇမၼ်း၊ ယိတ်ႈဢၼ်တုတ်ႇၽႆး ဢၼ်ႁဵတ်းၵူႈဝၼ်းတႃႇသေႇဢမ်ႇထၢတ်ႇ ဢိၵ်ႇတင်းၶိူင်ႈပုၵ်ႈၸေႃႇၽေႃးၸဵၼ်ႇမၼ်း၊ ဢိၵ်ႇတင်းတၢင်းပုၵ်ႈၸေႃႇဢၼ်သွၼ်းလေႃႇမၼ်းတင်းလၢႆ ၸွမ်းၵႃႈၼင်ႇဢၼ်ထုင်းၸၢမ်ႇမီးၼၼ်ႉလႄႈ ပဵၼ်ပုၼ်ႈဢၢႆဢၼ်ႁွမ်ဢၼ်ႁူၺ်း ယိတ်ႈဢၼ်ဢဝ်တင်းၽႆး ပုၵ်ႈၸေႃႇတီႈထႃႇဝရႃႉၽြႃးၼၼ်ႉၸိူဝ်းၼၼ်ႉဢေႃႈ။

7ဝၼ်းတႃႉသမႃႉ လိူၼ်သတ်ႉတမႃႉၼၼ်ႉ၊ သူတၵ်းလႆႈႁဵတ်းတၢင်းဢၼ်ၸူႉတုမ်ထမ်ႇမႃႉၵၼ်လႄႈ ၵမ်ၵျၢင်ႉၵႅၼ်ႇၵႅၼ်ႇၶႅင်ၶႅင်ၼႃႇလူင်လၢင်ဢေႃႈ။ သူဢမ်ႇလႆႈႁဵတ်းတၢင်းႁဵတ်းဢၼ်လႂ်လႃးလႃး။-

8ၼႂ်းဝၼ်းၼၼ်ႉ သူတၵ်းလႆႈဢဝ်ယိတ်ႈဢၼ်တုတ်ႇၽႆး ပုၼ်ႈဢၢႆဢၼ်ႁွမ်ဢၼ်ႁူၺ်းတီႈထႃႇဝရႃႉၽြႃး ဢၼ်ဝႃႈဝူဝ်းဢၼ်ဢသၢၵ်ႈၼုမ်ႇတူဝ်ၼိုင်ႈ၊ သူဝ်းပေႃႈတူဝ်ၼိုင်ႈ၊ သူဝ်းပေႃႈဢွၼ်ႇဢၼ်ဢမ်ႇပႆႇၶွပ်ႈၶူပ်ႇဢၼ်ဢမ်ႇပႃးဢပႅတ်ႈၸဵတ်းတူဝ်၊-

9ဢိၵ်ႇတင်းတၢင်းပုၵ်ႈၸေႃႇၽေႃးၸဵၼ်ႇ ဢၼ်ဝႃႈၽွင်ၶဝ်ႈမုၼ်း ဢေးၽႃႇ သိပ်းပုၼ်ႈဢဝ်သၢမ်ပုၼ်ႈ ဢၼ်ဢဝ်ၼမ်ႉမၼ်းသႂ်ႇလေႃးၼၼ်ႉ ပုၼ်ႈဝူဝ်းယေႈတူဝ်၊ တင်းသိပ်းပုၼ်ႈဢဝ်သွင်ပုၼ်ႈ ပုၼ်ႈသူဝ်းပေႃႈတူဝ်ၼိုင်ႈၼၼ်ႉ၊-

10တင်းသိပ်းပုၼ်ႈပုၼ်ႈၼိုင်ႈ ပုၼ်ႈယေႈတူဝ်ႁႂ်ႈပေႃးၸေးသူဝ်းပေႃႈဢွၼ်ႇၸဵတ်းတူဝ်၊-

11ဢိၵ်ႇတင်းပႄႉပေႃႈတူဝ်ၼိုင်ႈ ပုၼ်ႈယိတ်ႈဢၼ်ၽေႇဢပႅတ်ႈပုၵ်ႈၸေႃႇ ၼွၵ်ႈသေယိတ်ႈဢၼ်ၽေႇဢပႅတ်ႈပုၼ်ႈဢၼ်တၵ်းၽေႇဢပႅတ်ႈ၊ ယိတ်ႈဢၼ်တုတ်ႇၽႆးဢၼ်ႁဵတ်းၵူႈဝၼ်းတႃႇသေႇဢမ်ႇထၢတ်ႇ၊ တင်းတၢင်းပုၵ်ႈၸေႃႇၽေႃးၸဵၼ်ႇမၼ်း၊ ဢိၵ်ႇတင်းတၢင်းပုၵ်ႈၸေႃႇဢၼ်သွၼ်းလေႃႇမၼ်းတင်းလၢႆၼၼ်ႉၸိူဝ်းၼၼ်ႉဢေႃႈ။

12ဝၼ်းဢၼ်ထူၼ်ႈထိုင်သိပ်းႁႃႈဝၼ်း လိူၼ်သတ်ႉတမႃႉၼၼ်ႉ၊ သူတၵ်းလႆႈႁဵတ်းတၢင်းဢၼ်ၸူႉတုမ်ထမ်ႇမႃႉၵၼ်ဢေႃႈ။ သူယင်းဢမ်ႇႁဵတ်းတၢင်းႁဵတ်းလေႃးၵီႇလႄႈ တၵ်းလႆႈၶၢမ်ႇပွႆးပုၼ်ႈထႃႇဝရႃႉၽြႃး ၸဵတ်းဝၼ်းတဵမ်တဵမ်ဢေႃႈ။-

13သူတၵ်းလႆႈဢဝ်ယိတ်ႈဢၼ်တုတ်ႇၽႆး ဢၼ်ပဵၼ်တၢင်းပုၵ်ႈၸေႃႇဢၼ်ဢဝ်တင်းၽႆးပုၵ်ႈၸေႃႇလႄႈ ပဵၼ်ဢၢႆဢၼ်ႁွမ်ဢၼ်ႁူၺ်းပုၼ်ႈထႃႇဝရႃႉၽြႃး ဢၼ်ဝႃႈ ဝူဝ်းပေႃႈဢၼ်ဢသၢၵ်ႈၼုမ်ႇသိပ်းသၢမ်တူဝ်၊ သူဝ်းပေႃႈသွင်တူဝ်၊ သူဝ်းပေႃႈဢွၼ်ႇဢၼ်ဢမ်ႇပႆႇၶွပ်ႈၶူပ်ႇ ဢၼ်ဢမ်ႇပႃးဢပႅတ်ႈသိပ်းသီႇတူဝ်၊-

14ဢိၵ်ႇတင်း တၢင်းပုၵ်ႈၸေႃႇၽေႃးၸဵၼ်ႇမၼ်း ဢၼ်ဝႃႈၽွင်ၶဝ်ႈမုၼ်း ဢေးၽႃႇ သိပ်းပုၼ်ႈဢဝ်သၢမ်ပုၼ်ႈ ဢၼ်ဢဝ်ၼမ်ႉမၼ်းသႂ်ႇလေႃးၼၼ်ႉ ပုၼ်ႈယေႈတူဝ်ႁႂ်ႈပေႃးၸေးဝူဝ်းသိပ်းသၢမ်တူဝ် တင်းသိပ်းပုၼ်ႈဢဝ်သွင်ပုၼ်ႈ ပုၼ်ႈယေႈတူဝ် ႁႂ်ႈပေႃးၸေး သူဝ်းပေႃႈသွင်တူဝ်၊-

15တင်းသိပ်းပုၼ်ႈပုၼ်ႈၼိုင်ႈ ပုၼ်ႈယေႈတူဝ် ႁႂ်ႈပေႃးၸေးသူဝ်းပေႃႈဢွၼ်ႇသိပ်းသီႇတူဝ်။-

16ဢိၵ်ႇတင်းပႄႉပေႃႈတူဝ်ၼိုင်ႈ ပုၼ်ႈယိတ်ႈဢၼ်ၽေႇဢပႅတ်ႈသူၼၼ်ႉပုၵ်ႈၸေႃႇ၊ ၼွၵ်ႈသေယိတ်ႈဢၼ်တုတ်ႇၽႆး ဢၼ်ႁဵတ်းၵူႈဝၼ်းတႃႇသေႇဢမ်ႇထၢတ်ႇ ဢိၵ်ႇတင်းၶိူင်ႈပုၵ်ႈၸေႃႇၽေႃးၸဵၼ်ႇမၼ်း၊ တင်းတၢင်းပုၵ်ႈၸေႃႇဢၼ်သွၼ်းလေႃႇမၼ်းတင်းလၢႆၼၼ်ႉၸိူဝ်းၼၼ်ႉဢေႃႈ။

17ဝၼ်းတူႉတီႉယႃႉၼၼ်ႉ၊ သူတၵ်းလႆႈဢဝ်ဝူဝ်းပေႃႈ ဢၼ်ဢသၢၵ်ႈၼုမ်ႇသိပ်းသွင်တူဝ်၊ သူဝ်းပေႃႈသွင်တူဝ်၊ သူဝ်းပေႃႈဢွၼ်ႇဢၼ်ဢမ်ႇပႆႇၶွပ်ႈၶူပ်ႇဢၼ်ဢမ်ႇပႃးဢပႅတ်ႈ သိပ်းသီႇတူဝ်၊-

18ဢိၵ်ႇတင်းၶိူင်ႈပုၵ်ႈၸေႃႇၽေႃးၸဵၼ်ႇမၼ်း တင်းတၢင်းပုၵ်ႈၸေႃႇဢၼ်သွၼ်းလေႃႇမၼ်းတင်းလၢႆ ၸွမ်းလူၺ်ႈတၢင်းဢၼ်ၼပ်ႉဢၼ်ဢၢၼ်ႇသူဝ်း၊ ဝူဝ်း၊ သူဝ်းဢွၼ်ႇၸိူဝ်းၼၼ်ႉ မႅၼ်ႈၵႃႈၼင်ႇဢၼ်ထုင်းၸၢမ်ႇမီးၼၼ်ႉ၊-

19ဢိၵ်ႇတင်းပႄႉပေႃႈတူဝ်ၼိုင်ႈ ပုၼ်ႈယိတ်ႈဢၼ်ၽေႇဢပႅတ်ႈၼၼ်ႉပုၵ်ႈၸေႃႇ၊ ၼွၵ်ႈသေယိတ်ႈဢၼ်တုတ်ႇၽႆးဢၼ်ႁဵတ်းၵူႈဝၼ်းတႃႇသေႇဢမ်ႇထၢတ်ႇ ဢိၵ်ႇတင်းၶိူင်ႈပုၵ်ႈၸေႃႇၽေႃးၸဵၼ်ႇမၼ်း တင်းတၢင်းပုၵ်ႈၸေႃႇဢၼ်သွၼ်းလေႃႇမၼ်းတင်းလၢႆၼၼ်ႉၸိူဝ်းၼၼ်ႉဢေႃႈ။

20ဝၼ်းတႃႉတီႉယႃႉၼၼ်ႉ၊ သူတၵ်းလႆႈဢဝ်ဝူဝ်းပေႃႈသိပ်းဢဵတ်းတူဝ်၊ သူဝ်းပေႃႈသွင်တူဝ်၊ သူဝ်းပေႃႈဢွၼ်ႇဢၼ်ဢမ်ႇပႆႇၶွပ်ႈၶူပ်ႇ၊ ဢၼ်ဢမ်ႇပႃးဢပႅတ်ႈ သိပ်းသီႇတူဝ်၊-

21ဢိၵ်ႇတင်းၶိူင်ႈပုၵ်ႈၸေႃႇၽေႃးၸဵၼ်ႇမၼ်း တင်းတၢင်းပုၵ်ႈၸေႃႇဢၼ်သွၼ်းလေႃႇမၼ်းတင်းလၢႆၸွမ်းလူၺ်ႈတၢင်းဢၼ်ၼပ်ႉဢၼ်ဢၢၼ်ႇသူဝ်း၊ ဝူဝ်း၊ သူဝ်းဢွၼ်ႇၸိူဝ်းၼၼ်ႉ မႅၼ်ႈၵႃႈၼင်ႇဢၼ်ထုင်းၸၢမ်ႇမီးၼၼ်ႉ၊-

22ဢိၵ်ႇတင်းပႄႉပေႃႈတူဝ်ၼိုင်ႈ ပုၼ်ႈယိတ်ႈဢၼ်ၽေႇဢပႅတ်ႈၼၼ်ႉ ပုၵ်ႈၸေႃႇ၊ ၼွၵ်ႈသေယိတ်ႈဢၼ်တုတ်ႇၽႆးဢၼ်ႁဵတ်းၵူႈဝၼ်းတႃႇသေႇဢမ်ႇထၢတ်ႇ၊ ဢိၵ်ႇတင်းၶိူင်ႈပုၵ်ႈၸေႃႇၽေႃးၸဵၼ်ႇမၼ်း တင်းတၢင်းပုၵ်ႈၸေႃႇဢၼ်သွၼ်းလေႃႇမၼ်းတင်းလၢႆၼၼ်ႉၸိူဝ်းၼၼ်ႉဢေႃႈ။

23ဝၼ်းၸတုၵ်ႉထႃႉၼၼ်ႉ၊ သူတၵ်းလႆႈဢဝ်ဝူဝ်းပေႃႈသိပ်းတူဝ်၊ သူဝ်းပေႃႈသွင်တူဝ်၊ သူဝ်းပေႃႈဢွၼ်ႇဢၼ်ဢမ်ႇပႆႇၶွပ်ႈၶူပ်ႇ ဢၼ်ဢမ်ႇပႃးဢပႅတ်ႈ သိပ်းသီႇတူဝ်၊-

24ဢိၵ်ႇတင်းၶိူင်ႈပုၵ်ႈၸေႃႇၽေႃးၸဵၼ်ႇမၼ်း တင်းတၢင်းပုၵ်ႈၸေႃႇဢၼ်သွၼ်းလေႃႇမၼ်းတင်းလၢႆ ၸွမ်းလူၺ်ႈတၢင်းဢၼ်ၼပ်ႉဢၼ်ဢၢၼ်ႇသူဝ်း၊ ဝူဝ်း၊ သူဝ်းဢွၼ်ႇၸိူဝ်းၼၼ်ႉ မႅၼ်ႈၵႃႈၼင်ႇဢၼ်ထုင်းၸၢမ်ႇမီးၼၼ်ႉ၊-

25ဢိၵ်ႇတင်းပႄႉပေႃႈတူဝ်ၼိုင်ႈ ပုၼ်ႈယိတ်ႈဢၼ်ၽေႇဢပႅတ်ႈၼၼ်ႉပုၵ်ႈၸေႃႇ၊ ၼွၵ်ႈသေယိတ်ႈဢၼ်တုတ်ႇၽႆး ဢၼ်ႁဵတ်းၵူႈဝၼ်းတႃႇသေႇဢမ်ႇထၢတ်ႇ ဢိၵ်ႇတင်းၶိူင်ႈပုၵ်ႈၸေႃႇၽေႃးၸဵၼ်ႇ တင်းတၢင်းပုၵ်ႈၸေႃႇဢၼ်သွၼ်းလေႃႇမၼ်းတင်းလၢႆၼၼ်ႉၸိူဝ်းၼၼ်ႉဢေႃႈ။

26ဝၼ်းပိၼ်ႇၸမႃႉၼၼ်ႉ၊ သူတၵ်းလႆႈဢဝ်ဝူဝ်းပေႃႈၵဝ်ႈတူဝ်၊ သူဝ်းပေႃႈသွင်တူဝ်၊ သူဝ်းပေႃႈဢွၼ်ႇဢၼ်ဢမ်ႇပႆႇၶွပ်ႈၶူပ်ႇ၊ ဢၼ်ဢမ်ႇပႃးဢပႅတ်ႈသိပ်းသီႇတူဝ်။-

27ဢိၵ်ႇတင်းၶိူင်ႈပုၵ်ႈၸေႃႇၽေႃးၸဵၼ်ႇမၼ်း တင်းတၢင်းပုၵ်ႈၸေႃႇဢၼ်သွၼ်းလေႃႇမၼ်းတင်းလၢႆ ၸွမ်းလူၺ်ႈတၢင်းဢၼ်ၼပ်ႉဢၼ်ဢၢၼ်ႇသူဝ်း၊ ဝူဝ်း၊ သူဝ်းဢွၼ်ႇၸိူဝ်းၼၼ်ႉ မႅၼ်ႈၵႃႈၼင်ႇဢၼ်ထုင်းၸၢမ်ႇမီးၼၼ်ႉ၊-

28ဢိၵ်ႇတင်းပႄႉပေႃႈတူဝ်ၼိုင်ႈ ပုၼ်ႈယိတ်ႈဢၼ်ၽေႇဢပႅတ်ႈၼၼ်ႉပုၵ်ႈၸေႃႇ၊ ၼွၵ်ႈသေယိတ်ႈဢၼ်တုတ်ႇၽႆးဢၼ်ႁဵတ်းၵူႈဝၼ်းတႃႇသေႇဢမ်ႇထၢတ်ႇ၊ ဢိၵ်ႇတင်းၶိူင်ႈပုၵ်ႈၸေႃႇၽေႃးၸဵၼ်ႇမၼ်း တင်းတၢင်းပုၵ်ႈၸေႃႇဢၼ်သွၼ်းလေႃႇမၼ်းတင်းလၢႆၼၼ်ႉၸိူဝ်းၼၼ်ႉဢေႃႈ။

29ဝၼ်းသႃႉထမႃႉၼၼ်ႉ၊ သူတၵ်းလႆႈဢဝ်ဝူဝ်းပေႃႈပႅတ်ႇတူဝ်၊ သူဝ်းပေႃႈသွင်တူဝ်၊ သူဝ်းပေႃႈဢွၼ်ႇဢၼ်ဢမ်ႇပႆႇၶွပ်ႈၶူပ်ႇ၊ ဢၼ်ဢမ်ႇပႃးဢပႅတ်ႈ သိပ်းသီႇတူဝ်၊-

30ဢိၵ်ႇတင်းၶိူင်ႈပုၵ်ႈၸေႃႇၽေႃးၸဵၼ်ႇမၼ်း တင်းတၢင်းပုၵ်ႈၸေႃႇဢၼ်သွၼ်းလေႃႇမၼ်းတင်းလၢႆ ၸွမ်းလူၺ်ႈတၢင်းဢၼ်ၼပ်ႉဢၼ်ဢၢၼ်ႇသူဝ်း၊ ဝူဝ်း၊ သူဝ်းဢွၼ်ႇၸိူဝ်းၼၼ်ႉ မႅၼ်ႈၵႃႈၼင်ႇဢၼ်ထုင်းၸၢမ်ႇမီးၼၼ်ႉ၊-

31ဢိၵ်ႇတင်းပႄႉပေႃႈတူဝ်ၼိုင်ႈ ပုၼ်ႈယိတ်ႈဢၼ်ၽေႇဢပႅတ်ႈၼၼ်ႉပုၵ်ႈၸေႃႇ၊ ၼွၵ်ႈသေယိတ်ႈဢၼ်တုတ်ႇၽႆး ဢၼ်ႁဵတ်းၵူႈဝၼ်းတႃႇသေႇဢမ်ႇထၢတ်ႇ ဢိၵ်ႇတင်းၶိူင်ႈပုၵ်ႈၸေႃႇၽေႃးၸဵၼ်ႇမၼ်း တင်းတၢင်းပုၵ်ႈၸေႃႇဢၼ်သွၼ်းလေႃႇမၼ်းတင်းလၢႆၼၼ်ႉၸိူဝ်းၼၼ်ႉဢေႃႈ။

32ဝၼ်းသတ်ႉတမႃႉၼၼ်ႉ သူတၵ်းလႆႈဢဝ်ဝူဝ်းပေႃႈၸဵတ်းတူဝ်၊ သူဝ်းပေႃႈသွင်တူဝ်၊ သူဝ်းပေႃႈဢွၼ်ႇ ဢၼ်ဢမ်ႇပႆႇၶွပ်ႈၶူပ်ႇဢၼ်ဢမ်ႇပႃးဢပႅတ်ႈ သိပ်းသီႇတူဝ်၊-

33ဢိၵ်ႇတင်းၶိူင်ႈပုၵ်ႈၸေႃႇၽေႃးၸဵၼ်ႇမၼ်း တင်းတၢင်းပုၵ်ႈၸေႃႇဢၼ်သွၼ်းလေႃႇမၼ်းတင်းလၢႆ ၸွမ်းလူၺ်ႈတၢင်းဢၼ်ၼပ်ႉဢၼ်ဢၢၼ်ႇသူဝ်း၊ ဝူဝ်း၊ သူဝ်းဢွၼ်ႇၸိူဝ်းၼၼ်ႉ မႅၼ်ႈၵႃႈၼင်ႇဢၼ်ထုင်းၸၢမ်ႇမီးၼၼ်ႉ၊-

34ဢိၵ်ႇတင်းပႄႉပေႃႈတူဝ်ၼိုင်ႈ ပုၼ်ႈယိတ်ႈဢၼ်ၽေႇဢပႅတ်ႈပုၵ်ႈၸေႃႇ၊ ၼွၵ်ႈသေယိတ်ႈဢၼ်တုတ်ႇၽႆး ဢၼ်ႁဵတ်းၵူႈဝၼ်းတႃႇသေႇဢမ်ႇထၢတ်ႇ ဢိၵ်ႇတင်းၶိူင်ႈပုၵ်ႈၸေႃႇၽေႃးၸဵၼ်ႇမၼ်း တင်းတၢင်းပုၵ်ႈၸေႃႇဢၼ်သွၼ်းလေႃႇမၼ်းတင်းလၢႆၼၼ်ႉ ၸိူဝ်းၼၼ်ႉဢေႃႈ။

35ဝၼ်းဢႃႉထမႃႉၼၼ်ႉ၊ သူတၵ်းလႆႈႁဵတ်းတၢင်းဢၼ်ၸူႉတုမ်ထမ်ႇမႃႉၵၼ်ဢေႃႈ။ သူဢမ်ႇလႆႈႁဵတ်းတၢင်းႁဵတ်းလေႃးၵီႇ။-

36ၼႂ်းဝၼ်းၼၼ်ႉ သူတၵ်းလႆႈဢဝ်ယိတ်ႈဢၼ်တုတ်ႇၽႆးဢၼ်ပဵၼ်တၢင်းပုၵ်ႈၸေႃႇ ဢၼ်ဢဝ်တင်းၽႆး ပုၵ်ႈၸေႃႇလႄႈ ပဵၼ်ဢၢႆဢၼ်ႁွမ်ဢၼ်ႁူၺ်းပုၼ်ႈထႃႇဝရႃႉၽြႃး ဢၼ်ဝႃႈဝူဝ်းပေႃႈတူဝ်ၼိုင်ႈ၊ သူဝ်းပေႃႈတူဝ်ၼိုင်ႈ၊ သူဝ်းပေႃးဢွၼ်ႇဢၼ်ဢမ်ႇပႆႇၶွပ်ႈၶူပ်ႇ ဢၼ်ဢမ်ႇပႃးဢပႅတ်ႈၸဵတ်းတူဝ်၊-

37ဢိၵ်ႇတင်းၶိူင်ႈပုၵ်ႈၸေႃႇၽေႃးၸဵၼ်ႇမၼ်း တင်းတၢင်းပုၵ်ႈၸေႃႇဢၼ်သွၼ်းလေႃႇမၼ်းတင်းလၢႆ ၸွမ်းလူၺ်ႈတၢင်းဢၼ်ၼပ်ႉဢၼ်ဢၢၼ်ႇသူဝ်း၊ ဝူဝ်း၊ သူဝ်းဢွၼ်ႇၸိူဝ်းၼၼ်ႉ မႅၼ်ႈၵႃႈၼင်ႇဢၼ်ထုင်းၸၢမ်ႇမီးၼၼ်ႉ၊-

38ဢိၵ်ႇတင်းပႄႉပေႃႈတူဝ်ၼိုင်ႈ ပုၼ်ႈယိတ်ႈဢၼ်ၽေႇဢပႅတ်ႈၼၼ်ႉ ပုၵ်ႈၸေႃႇ၊ ၼွၵ်ႈသေယိတ်ႈဢၼ်တုတ်ႇၽႆး ဢၼ်ႁဵတ်းၵူႈဝၼ်းတႃႇသေႇဢမ်ႇထၢတ်ႇ ဢိၵ်ႇတင်းၶိူင်ႈပုၵ်ႈၸေႃႇၽေႃးၸဵၼ်ႇမၼ်း တင်းတၢင်းပုၵ်ႈၸေႃႇဢၼ်သွၼ်းလေႃႇမၼ်းတင်းလၢႆၼၼ်ႉၸိူဝ်းၼၼ်ႉဢေႃႈ။-

39ဢၼ်ဝႃႈမႃးၸိူဝ်းၼႆႉ၊ သူတၵ်းလႆႈပုၵ်ႈၸေႃႇတီႈထႃႇဝရႃႉၽြႃး ၼႂ်းပွႆးဢၼ်သူၸီႇယၢင်ႇၶိင်ႇမၼ်းၶႃႇမၼ်းဝႆႉၸိူဝ်းၼၼ်ႉ ၼွၵ်ႈသေတၢင်းပုၵ်ႈၸေႃႇဢၼ်ႁဵတ်းၵတီႉသဵတ်ႈၸႃႇတင်းလၢႆ ဢိၵ်ႇတင်းတၢင်းပုၵ်ႈၸေႃႇဢၼ်ယူႇဢလူဝ်ႇလူဝ်ႇလႄႈႁဵတ်းတင်းလၢႆ ပုၼ်ႈယိတ်ႈဢၼ်တုတ်ႇၽႆး ဢိၵ်ႇတင်းၶိူင်ႈပုၵ်ႈၸေႃႇၽေႃးၸဵၼ်ႇမၼ်း တင်းတၢင်းပုၵ်ႈၸေႃႇဢၼ်သွၼ်းလေႃႇမၼ်း တင်းတၢင်းပုၵ်ႈၸေႃႇမိၵ်ႉသႃႇႁႃယႃႉမၼ်းၸိူဝ်းၼၼ်ႉဢေႃႈ၊ ဝႃႈၼင်ႇၼႆတႃႉ၊ ဝႃႈၼင်ႇၼႆဢေႃႈ။-

40ၼင်ႇၼၼ်လႄႈ မူဝ်းသေႇ သင်ႇလၢတ်ႈတီႈၵူၼ်းမဵဝ်း ဢီႉသရေႇလႃႉ တင်းလၢႆ ၸွမ်းၵႃႈၼင်ႇဢၼ်ထႃႇဝရႃႉၽြႃး မီးဢမိင်ႉတီႈ မူဝ်းသေႇ ၼၼ်ႉဢေႃႈ။