Zechariah 2

Shona (Baiberi Magwaro Matȿene aMŋari 1949 (Doke)

← Chapter 1 Jump to: Chapter 3 →

1Ɀino ndakarinzira meso aŋgu, ndikatarira, ndikaʋona murume akaɓata rwonzi rwokuyera muruʋoko rwake.

2Ipapo ndikati: Unoendepiko? Iye akati kwandiri: Kundoyera Jerusarema, ndiʋone kufara kwaro nokureɓa kwaro.

3Ɀino tarira, mutumŋa wakaŋga acitaurirana neni, akaɓuɗa, mumŋe mutumŋa akandomuciŋgamidza,

4akati kwaari: Mhanya, undotaura nejaya iri, uti: Jerusarema ricagara semisha isinamaȿiŋgo, nokuɗa kwokuwanda kwaʋanhu neɀipfuwo ɀiri’mo.

5Nokuti ɀanzi naJehova: Ini ndicaʋa kwariri soruȿiŋgo rwomŋoto rwakapoteredza, ini ndicaʋa kubginya kwaro mukati maro.

6Nhai, imi, tizai panyika yokumsoro — ndiɀo ɀinotaura Jehova; nokuti ndakakuparadzirai semhepo inna dzokuɗeŋga — ndiɀo ɀinotaura Jehova.

7Nhai, Zioni, tiza, iwe ugere nomukunda weBabironi.

8Nokuti ɀanzi naJehova wehondo: Wakanditumira kundudzi dzakakupambai imi, kuti ndiwane kukudzwa; nokuti unokugunɀai imi, unogunɀa mboni yeziso rake.

9Nokuti tarirai, ndicazunuŋgusa ruʋoko rwaŋgu pamsoro paʋo, ʋacaʋa cinhu cakapambga kunaiʋo ʋaiʋaɓatira; ipapo mucaziʋa kuti Jehova wehondo ndiye wakandituma.

10Imba ufare, iwe mukunda weZioni; nokuti tarira, ndinoʋuya, ndicagara mukati mako — ndiɀo ɀinotaura Jehova.

11Ndudzi zhinji dzicanamatira Jehova nezuʋa iro, ʋakaʋa ʋanhu ʋaŋgu; ndicagara mukati mako, ipapo iwe ucaziʋa kuti ndiye Jehova wehondo wakandituma kwauri.

12Juda ʋacagarwa nhaka naJehova, ucaʋa mugoʋe wake munyika tȿene, ucaɀisanaŋgurira ɀe Jerusarema.

13Nyararai imi nyama yose pamberi paJehova; nokuti wamuka paʋugaro bgake ʋutȿene.

← Chapter 1 Jump to: Chapter 3 →