bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
1 Samuel 17
1 Samuel 17
Sotho 1951 (BIBELE)
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 18 →
1
Gomme Bafilisita ba rapa dira tša bona tša go hlabana, ba bokana Soko nageng ya Juda mo gare ga Soko le Aseka kua Efese-Damina.
2
Le Saulo a tšwa dira a na le banna ba Isiraele, ba bokana moeding wa merula; ba itlhama gore ba hlabane le Bafilisita.
3
Bafilisita ba be ba eme thabeng ya mošola, Baisiraele ba eme thabeng ya mošono. Mo gare ga bona go be go le moedi.
4
Mo madireng a Bafilisita gwa tšwa monna wa seoka; leina la gagwe e be e le Goliata, monna wa Gathe. Botelele bja gagwe e be e le bja meelo e selelago e nago le bophara bja seatla.
5
O be a rwele kefa ya mphiri mo hlogong ya gagwe; a iphemela sehuba ka makgapetla a mphiri. Sephemo seo boima bja sona e be e le sekele tše dikete tše tlhano tša mphiri.
6
Ka meomong o be a rwele mekgoro ya mphiri, a patile molamo wa mphiri.
7
Theku ya lerumo la gagwe e be e lekana le mpheng wa mogoma; bogale bja lona e be e le tshipi ya sekele tše makgolo a selelago. Morwadi wa kotse ya gagwe o be a mo eta pele.
8
Monna e a ema, a goeletša a lebile mo go lego madira a Isiraele a re: Naa le tšwetšeng dira? Le itlhametšeng? A nna ga ke Mofilisita? A lena ga le balata ba Saulo? Hlaolang monna wa lena, a fologele fa go nna.
9
Ge a ka kgona go hlabana le nna a mpolaya, gona re tlo ba bahlanka ba lena. Ge nna nka mmolaya, gona lena le tlo ba balata ba rena la re hlankela.
10
Mofilisita eo a ba a re: Lehono ke sa nyaditše dira tša Isiraele. Ntšhang monna a hlabane le nna.
11
Saulo le Baisiraele ka moka ge ba ekwa tše di bolelwago ke Mofilisita eo, ba tšhoga ba boifa gagolo.
12
Ga e le Dafida yena e be e le morwa wa monna yola wa Efurata wa Betlehema-Juda, e ba bego ba re ke Isai, e a bego a na le barwa ba seswai, yena e le mokgalabje mo go banna ba mehla ya Saulo.
13
Barwa ba bararo ba Isai, ba bagolo ba bona, ba be ba tšwele dira le Saulo. Maina a bona, wa ntlha e be e le Eliaba, a hlatlangwa ke Abinadaba; wa boraro e be e le Sama.
14
Dafida e be e le yena e monyane wa bona ka moka. Mehleng yeo ya ge ba bararo bao ba tšwele le Saulo.
15
Dafida o be a fela a tloga, a boele go Saulo, a eya go hlola diruiwa tša tatagwe kua Betlehema.
16
Gomme Mofilisita yola o be a fela a rotoga e sa le bosasa, le ka mantšiboa, gwa ba gwa fela matšatši a masome a mane a fela a etla a ema moo.
17
Isai a botša Dafida morwa wa gagwe a re: Tloga le ntlatla ye ya bokoma le dinkgwa tše tše lesome, o akgofe o di iše go bana beno kua mešašaeng.
18
Dikgokolo tše tše lesome tša maswi a kgalilego, o tloge natšo, o di neele molaodi wa sekgao; o bone ge bana beno ba sa thabile, o boe le ditaeledi tša bona.
19
Gomme bona ba be ba na le Saulo, le banna ba Isiraele kua moeding wa merula, ba le ntweng le Bafilisita.
20
Dafida a tsoga e sa le bošego a laelela modiši wa dinku, a rwala mefago yela a ya mo a romilwego ke Isai, a tla mo mošašeng wa dikoloi a hwetša dira di lailwe di hlaba mokgoši.
21
Tša Isiraele di be di lailwe; tša Bafilisita le tšona tša laiwa; madira a ema a lebana a lailwe.
22
Dafida a rola morwalo wa gagwe, a o laelela moletaphahlo; yena a akgofa a ya direng, a tla go bana babo a ba botšiša maphelo.
23
A re a sa bolela le bona, gwa na gwa rotoga mogale ela Goliata, Mofilisita wa Gathe, a tšwa mo madireng a Bafilisita, a bolela ka mokgwa wola wa gagwe; gomme Dafida a mo kwa.
24
Banna ba Isiraele ka moka ge ba bona monna eo, ba mo tšhaba ba mmoifa gagolo.
25
Monna e mongwe wa Isiraele a tla a re: A le mmone, monna e a tlago fala? O tla go roga Baisiraele. Bjale e a kago mmolaya, kgoši o tlo mo humiša ka kudu, a mo tšeiša morwedi wa gagwe; gomme ba gabo monna eo o tlo ba dira bahunologi mo go Isiraele.
26
Dafida a botšiša banna ba ba bego ba eme fao, a re: Monna e a kago bolaya Mofilisita eo, e tloša dihlong go Isiraele, le re o tlo fiwang? Mofilisita eo, lešoboro leo ke mang ge a bile a roga dira tša Modimo yo a phelago?
27
Batho bao ba mmotša se se boletšwego, ba re: Monna e a kago mmolaya o tlo dirwa ka go re le ka go re.
28
Bjale Eliaba mogolwagwe ge a ekwa Dafida a bolela le banna bao, a mo tukela bogale a re: O tletšeng mono? Dinku tšela tše di sego dikae kua nageng o di laeletše mang? Mahlahlo a gago le lonya la pelo ya gago ke a di tseba. O filo tlela go bona tlhabano.
29
Dafida a re: Ke dirileng bjale? A ga se taba e kago botšišwa?
30
A realo a mo tlogela, a yo boledišana le e mongwe ka taba tšeo; mme batho ba mmotša tše a bego a di kwele.
31
Ya re ge go kwala mantšu a Dafida a a boletšego, le Saulo a di kwa, mme a mmitša.
32
Dafida a bolela le Saulo a re: Go se ke gwa ba le e a nolegago moko ka baka la monna eo; nna mohlanka wa gago ke tlo hlabana le Mofilisita eo.
33
Saulo a fetola a re: O ka se kgone go gahlana le Mofilisita eo, wa lwa nae; ka gobane wena o sa le lesoganyana, gomme yena ke monna wa mohlabani go tloga bofseng bja gagwe.
34
Dafida a re: Nna mohlanka wa gago, e be e re ge ke diša dinku tša tate, gwa fela go etla tau goba tauana, tša swara nku ya mohlape.
35
Nna ka fela ke latela sebata seo, ka namolela nku mo leganong la sona. Ge se be se re se a ntsogela, ka se swara ka mariri ka se bolaya.
36
Tau le tauana, nna mohlanka wa gago ke be ke di bolaya tšohle ka mokgwa woo. Bjale Mofilisita yo, lešoboro le, le tlo dirwa ka mokgwa woo le lona; gobane le gobošitše dira tša Modimo e a phelago.
37
Dafida a re: Morena e a mphemetšego maro a tau le a tauana, o tlo mphemela ge ke lwa le Mofilisita yo. Ke mo Saulo a itšego: Gona sepela; Morena a eme le wena.
38
Bjale Saulo a re Dafida a itlhame ka ditlhamo tša gagwe; a mo rweša kefa ya mphiri, a mo apeša sephemo sa mmele.
39
Dafida a apara ditlhamo tšeo, a kgokela tšhoša legetleng, a leka go sepela, gobane o be a sešo a di leka. A tla a botša Saulo a re: Nka se kgone go sepela ke ilalo, ka gobane ga ke a di tlwaela mme a di rola.
40
Gomme Dafida a swara molamo wa gagwe ka seatla, a ya a itopela magakabje a mahlano nokeng, a a tsenya mo sekgwameng sa gagwe sa bodiši; a swara seragamabje ka seatla, a tšwela go Mofilisita eo.
41
Mofilisita a tla a batamela mo go bego go eme Dafida, a tla a etilwe pele ke morwadi wa kotse ya gagwe.
42
A gadia a bona Dafida, a mo nyatša ka ge e le lesogana, le lehubedu, la senatla.
43
Mofilisita a mo rera a re: A o re ke mpša ge o tla o swere diphata? A roga Dafida ka Modimo wa gagwe.
44
A rera Dafida a re: Batamela! Nama ya gago ke tlo e lahlela manong a legodimo le dibata tša naga.
45
Dafida a fetola a re: Wena Mofilisita, o tla fa ka tšhoša le ka lerumo, le ka kotse. Ge e le nna ke tlile fa ka leina la Morena wa Mašaba, Modimo wa dira tša Isiraele tše o bego o di roga.
46
Lehono Morena o tlo go gafela atleng sa ka, ka go bolaya ka go kgaola hlogo. Manong a legodimo le dibata tša naga ke tlo di lahlela toto tša dira tša Bafilisita, gore lefase ka moka le tsebe ge go Isiraele go na le Modimo.
47
Le lešaba le ka moka le tlo lemoga gobane Morena ga a thuše ka tšhoša le ka lerumo. Tlhabano ye ke ya Morena. O tlo le gafela diatleng tša rena.
48
Bjale Mofilisita ge a šetše a tsogile a batamela, Dafida a kganyela a lebile kua go lego dira tša Bafilisita, a gahlana le Mofilisita eo.
49
Ka seatla o be a swere legakabje la mo sekgwameng, a betša ka seragamabje, a thuma phatla ya Mofilisita. Legakabje la mo tsena phatleng, a wa a patlama.
50
Ke wona mokgwa wo Dafida a fentšego Mofilisita eo ka wona, ka seragamabje le ka legakabje; a mmolaya a sa swara tšhoša.
51
Bjale Dafida a kitimela, a mo gata ka maoto, a kgwamola tšhoša ya Mofilisita ye e bego e le ka segatleng, a mo fofotša a mo kgaola hlogo ka yona. Bafilisita ge ba bona go bolailwe yena mogale wa bona, ba tšhaba.
52
Banna ba Isiraele le ba Juda ba hlahlamologa, ba hlaba mokgoši, ba kwatakwatiša Bafilisita ba ba fihliša magoleng le dikgorong tša Ekironi. Gomme ditoto tša Bafilisita tša rapalala tseleng e tšwago Seraima go fihla Gadi le Ekironi.
53
Baisiraele ge ba boa mo ba leleketšego Bafilisita ntshe, ba tla ba rebola mešaša ya bona.
54
Gomme Dafida a tloga a rwele hlogo ya Mofilisita ela, a e iša Jerusalema. Marumo a gagwe a a bea ngwakong wa gagwe.
55
Mola Saulo a bona ge Dafida a tšwela go gahlana le Mofilisita, ke mo a botšišitšego Abenere molaodi wa dira tša gagwe, a re: Lesogana leo ke morwa wa mang? Abenere a re: Ka bophelo bja gago, kgoši, nna ga ke tsebe.
56
Kgoši ya re: Mpotšišetše ke tsebe gore monna eo ke morwa wa mang.
57
Ya re ge Dafida a boa moo, a bolaile Mofilisita ela, Abenere a tloga nae a mo iša go Saulo, a tla a swere hlogo ya Mofilisita ka seatla.
58
Saulo a mmotšiša a re: Wena lesogana! O morwa wa mang? Dafida a re: Ke morwa wa Isai, molata wa gago wa Betlehema.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31