Hosea 13

Xhosa 1902 (Incwadi Yeziba̔lo Ezingcwele 1864, 1902 (Xhosa Appleyard))

← Chapter 12 Jump to: Chapter 14 →

1XESHEKWENI watetayo u‐Frayime, bekuko ukunkwantya, wapakanyiswa kwa‐Sirayeli; kodwa wazeka ityala ngo‐Bali, wabuba.

2Nakaloku bamana besona ngakumbi, bezenzele imifanekiso etyityishiweyo ngesilivere yabo, njengokuqonda kwabo, izitixo, umsebenzi wencibi upela: bati bona ngazo: Abantu ababingayo mabawange amatole.

3Ngako oko boba njengelifu lomso, nanjengombete omkayo kusasa, njengomququ opetshulwayo sisaqwiti esibayeni, nanjengomsi opumayo esitubeni.

4Kanti mna ndi nguyehova, utixo wako, kuselokwa selizweni le‐Jipete; ngako akuyi kwazi namnye utixo kupela mna, ngokuba kungeko msindisi ngapandle kwam.

5Bendikwazi entlango, elizweni elinxaniweyo.

6Njengokudliswa kwabo, bekunjalo ukuhluta kwabo; bahluta ke, yati intliziyo yabo yapakama; ngako oko bandilibala.

7Ndaza ndaba njengengonyama kubo, ndabagqala njengengwe endleleni.

8Ndabakaulela njengebere ehlutiweyo amatole ayo, ndaṙazula isidla sentliziyo yabo; ndabadla kona njengengonyamakazi; iṙamncwa lasendle labaqwenga.

9Uzitshabalalisile, Sirayeli! koko uncedo lwako lukum.

10Upina ke ukumkani wako, ukuze akusindise kuzo zonke izixeko zako? nabagwebi bako bapina, benisiti ngabo: Ndipe ukumkani nenkosi?

11Ndakunika ukumkani ngengqumbo yam, ndamsusa ngomsindo wam.

12Inkohlakalo ka‐Frayime ibotshiwe; isono sake sibekelwe.

13Inimba zomfazi ozalayo zoza pezu kwake; ungunyana ongenabulumko; okanye ebengayi kuhlala kade endaweni yokutyoboza kwabantwana.

14Ndobahlangula emandleni encw̔aba; ndobakulula ekufeni: zipina imbubiso zako, kufa? sipina isitshabalaliso sako, ncw̔aba? ukuguquka kuya kufihlwa emehlweni am.

15Nakuba acu̔mileyo pakati kwabazalwana bake, kwoza noko umoya wasempumalanga, umoya kayehova, unyuka elubala; wauya kwoma umtombo wake, netende lake liya kutsha: uya kupanga imbekelo yempahla zonke ezinqwenelekileyo.

16Iya kuci̔takaliswa i‐Samariya, ngokuba ivukele ngakuye utixo wayo; baya kuwa ngesiṙele; intsana zabo zotyunyuzwa, nabafazi babo abamitileyo baya kuqangqululwa.

← Chapter 12 Jump to: Chapter 14 →