Hosea 6

Xhosa 1902 (Incwadi Yeziba̔lo Ezingcwele 1864, 1902 (Xhosa Appleyard))

← Chapter 5 Jump to: Chapter 7 →

1Yizani, masibuyele kuyehova, ngokuba eqwengile, kanti wosipolisa; ubetile, kanti wosibopa.

2Wosipilisa emveni kwemihla mibini; wosivusa ngowesitatu umhla, sasiya kupila ebusweni bake.

3Siya kwandula simazi, siya kuzingisa ukumazi uyehova: njengokusa kuqinisiwe ukupuma kwake; waeya kuza kuti njengemvula, njengemvula yasemva, enyelayo umhlaba.

4NDIYA kwenza nto nina kuwe, Frayime! ndiya kwenza nto nina kuwe, Juda! ngokuba ukulunga kwenu kunjengelifu lomso, nanjengombete omkayo kusasa.

5Ngenxa yoku ndibabazile ngabaprofite, ndibabulele ngamazwi omlomo wam: imigwebo yako iyapuma njeng okukanya.

6Ngokuba bendifuna ububele, bendinga funi umbingo; nokwaziwa kukatixo, ngapezu kwamadini okutshiswa.

7Kodwa bona njengabantu bagqitile ucebano; apo benzile ngobuxoki ngakum.

8I‐Gileyadi sisixeko sabasebenzi benkohlakalo, sipauliwe ngemikondo yegazi.

9Njengamaqela amabada elalela umntu, injalo intlanganiso yabaperisite; bayabulala endleleni eya e‐Shekeme; ewe, ubutshinitshini babenzile.

10Ndiyibonile endlwini ka‐Sirayeli into eyoyikekileyo: kuko apo umbulo ka‐Frayime; unco̔lisekile u‐Sirayeli.

11Nawe, Juda! umisele wena ixesha lokuvuna.

← Chapter 5 Jump to: Chapter 7 →