1 Chronicles 24

Chinese TTVR (現代台語譯本羅馬字版)

← Chapter 23 Jump to: Chapter 25 →

1A-lûn ê hō͘-tāi pun-chòe kúi-nā ê pan-chhù. A-lûn ū sì ê kiáⁿ: Ná-tap, A-pí-hō͘, Í-lī-a-sat, Í-tha-má.

2Ná-tap kap A-pí-hō͘ pí in lāu-pē khah chá sí, koh bô kiáⁿ; só͘-í Í-lī-a-sat, Í-tha-má tam-jīm chè-si.

3Tāi-pi̍t kap Í-lī-a-sat ê hō͘-tāi Sat-tok, í-ki̍p Í-tha-má ê hō͘-tāi A-hi-bí-le̍k, chiàu chè-si ê jīm-bū kā in ê chhin-cho̍k pun pan-chhù.

4Í-lī-a-sat ê hō͘-tāi chòe léng-siù--ê, pí Í-tha-má ê hō͘-tāi chòe léng-siù--ê khah chōe; Í-lī-a-sat ê hō͘-tāi chiū pun-chòe cha̍p-la̍k pan, Í-tha-má ê hō͘-tāi pun-chòe poeh pan.

5In lóng chiàu thiu-chhiam kong-pêng hun-phài; Í-lī-a-sat ê hō͘-tāi kap Í-tha-má ê hō͘-tāi, lóng ū lâng tī sèng-só͘ kap Siōng-tè bīn-chêng chòe léng-tō-chiá.

6Í-lī-a-sat kap Í-tha-má ê kiáⁿ-sun lûn-liû thiu-chhiam. Lī-bī -lâng Ná-thán-gia̍p ê kiáⁿ Sī-má-ngá chòe su-kì, tī ông kap hiah-ê siú-léng, chè-si Sat-tok, A-pí-a-tha ê kiáⁿ A-hi-bí-le̍k, í-ki̍p chè-si kap Lī-bī -lâng ê cho̍k-tiúⁿ bīn-chêng, teng-lio̍k hiah-ê léng-tō-chiá ê miâ.

7Thiu-tio̍h tē-it--ê, sī Iâ-hô-ngá-li̍p, tē-jī Iâ-tāi-ngá,

8tē-saⁿ Hap-lîm, tē-sì So-lîm,

9tē-gō͘ Má-ki-ngá, tē-la̍k Bí-ngá-bîn,

10tē-chhit Hap-ko-su, tē-poeh A-pí-ngá,

11tē-káu Iâ-su-a, tē-cha̍p Sī-ka-nî,

12tē-cha̍p-it Í-lī-a-si̍t, tē-cha̍p-jī Ngá-kim,

13tē-cha̍p-saⁿ Ô͘-pa, tē-cha̍p-sì Iâ-sī-pí-ap,

14tē-cha̍p-gō͘ Phek-ka, tē-cha̍p-la̍k Im-be̍k,

15tē-cha̍p-chhit Hi-sek, tē-cha̍p-poeh Hap-pi̍t-sek,

16tē-cha̍p-káu Pí-tha-hi-ngá, tē-jī-cha̍p Í-se-kiat,

17tē-jī-cha̍p-it Ngá-kun, tē-jī-cha̍p-jī Ka-boa̍t,

18tē-jī-cha̍p-saⁿ Tē-lâi-ngá, tē-jī-cha̍p-sì Má-se-a.

19Chiah-ê lâng lóng chiàu in tī Siōng Chú ê tiān chip-hêng ê chit-bū teng-lio̍k; chiah-ê chit-bū sī in ê chó͘-sian A-lûn chiàu Siōng Chú — Í-sek-lia̍t ê Siōng-tè hoan-hù ê kui-lē chè-tēng--ê.

20Lī-bī kî-tha ê hō͘-tāi kì tī ē-bīn: Àm-lân ê hō͘-tāi ū Sè-pò͘-gia̍p, Sè-pò͘-gia̍p ê hō͘-tāi ū Iâ-hi-tí-a.

21Lī-hap-pí-ngá ê kiáⁿ-sun tiong, I-sī-ngá chòe thâu.

22Í-su-hap ê hō͘-tāi ū Sī-lô-mô͘; Sī-lô-mô͘ ê hō͘-tāi ū Ngá-hap.

23Hi-pek-lûn ê kiáⁿ, tōa--ê sī Iâ-lī-ngá, tē-jī--ê sī A-má-lī-ngá, tē-saⁿ--ê sī Ngá-hap-sek, tē-sì--ê sī Iâ-ka-biān.

24O͘-siat ê hō͘-tāi ū Bí-ka; Bí-ka ê hō͘-tāi ū Sa-bi̍t.

25Bí-ka ê hiaⁿ-tī sī I-sī-ngá; I-sī-ngá ê hō͘-tāi ū Sat-ka-lī-a.

26Bí-la-lī ê kiáⁿ sī Boat-lī kap Bō͘-sī; Ngá-se-ngá ê kiáⁿ ū Pí-ná.

27Bí-la-lī ê hō͘-tāi Ngá-se-ngá ê kiáⁿ-sun ū Pí-ná, Sok-hâm, Sat-khek, kap I-pí-lī.

28Boat-lī ê kiáⁿ sī Í-lī-a-sat kap Ki-sū; Í-lī-a-sat bô kiáⁿ,

29Ki-sū ê hō͘-tāi ū Iâ-la-bia̍t.

30Bō͘-sī ū saⁿ ê kiáⁿ: Boat-lī, Í-tek, kap Iâ-lī-mô͘. Chiah-ê sī Lī-bī ê kiáⁿ-sun, chiàu in ê chong-cho̍k teng-lio̍k.

31In kap in ê chhin-cho̍k A-lûn ê hō͘-tāi siâng-khoán, bô-lūn cho̍k-tiúⁿ á-sī siàu-liân-lâng lóng pîⁿ-pîⁿ tī Tāi-pi̍t -ông kap Sat-tok, A-hi-bí-le̍k, chè-si, í-ki̍p Lī-bī -lâng ê cho̍k-tiúⁿ bīn-chêng thiu-chhiam.

← Chapter 23 Jump to: Chapter 25 →