1 Chronicles 3

Chinese TTVR (現代台語譯本羅馬字版)

← Chapter 2 Jump to: Chapter 4 →

1Tāi-pi̍t tī Hi-pek-lûn siⁿ ê kiáⁿ kì tī ē-bīn: tōa-kiáⁿ Àm-lūn, lāu-bú sī Iâ-su-lia̍t -lâng A-hi-loán; tē-jī kiáⁿ Tān-í-lí, lāu-bú sī Ka-bi̍t -lâng Ài-pí-kai;

2tē-saⁿ kiáⁿ Ap-sa-liông, lāu-bú sī Ki-su̍t -ông Ta̍t-mái ê cha-bó͘-kiáⁿ Má-ka; tē-sì kiáⁿ A-to-nî-ngá, lāu-bú sī Hap-ki̍p;

3tē-gō͘ kiáⁿ Sī-hoat-thê-ngá, lāu-bú sī A-pí-tha; tē-la̍k kiáⁿ Í-te̍k-liām, sī Tāi-pi̍t ê bó͘ Í-kek-la siⁿ--ê.

4Chit la̍k ê lóng sī Tāi-pi̍t tī Hi-pek-lûn siⁿ--ê; i tī hia choh-ông chhit nî la̍k ge̍h-ji̍t kú; tī Iâ-lō͘-sat-léng choh-ông saⁿ-cha̍p-saⁿ nî.

5Tāi-pi̍t tī Iâ-lō͘-sat-léng ū siⁿ Sa-bō͘-a, Sok-pā, Ná-tan, Só͘-lô-bûn; chit sì ê sī A-bí-lī ê cha-bó͘-kiáⁿ Poa̍t-sī-pa siⁿ--ê;

6koh ū Ek-hat, Í-lī-su-a, Í-lī-hoat-lia̍t,

7Ná-ka, Nî-húi, Ngá-hui-a,

8Í-lī-sa-má, Í-lī-ngá-tāi, Í-lī-hoat-lia̍t, kiōng káu ê.

9Chiah-ê lóng sī Tāi-pi̍t ê kiáⁿ, í-gōa iáu ū pîn-hui ê kiáⁿ. Tha-má sī in ê chí-bē.

10Só͘-lô-bûn ê kiáⁿ sī Lô-pho-an, Lô-pho-an ê kiáⁿ sī A-pí-ngá, A-pí-ngá ê kiáⁿ sī A-sat, A-sat ê kiáⁿ sī Iok-sa-hoat;

11Iok-sa-hoat ê kiáⁿ sī Iok-lân, Iok-lân ê kiáⁿ sī A-hap-siā, A-hap-siā ê kiáⁿ sī Iok-a-si;

12Iok-a-si ê kiáⁿ sī A-má-siā, A-má-siā ê kiáⁿ sī O͘-se-a, O͘-se-a ê kiáⁿ sī Iok-thán;

13Iok-thán ê kiáⁿ sī A-hap-su, A-hap-su ê kiáⁿ sī Hi-se-ka, Hi-se-ka ê kiáⁿ sī Má-ná-se;

14Má-ná-se ê kiáⁿ sī A-bûn, A-bûn ê kiáⁿ sī Iok-se-a;

15Iok-se-a ê kiáⁿ, tōa--ê sī Iok-hap-lân, tē-jī--ê sī Iok-ngá-kèng, tē-saⁿ--ê Se-tí-ka, tē-sì--ê Sa-liông.

16Iok-ngá-kèng ū nn̄g ê kiáⁿ, Iok-ngá-kun kap Se-tí-ka.

17Ē-bīn sī siū-lia̍h khì Pa-pí-lûn ê Iok-ngá-kun ê hō͘-tāi. I ê kiáⁿ ū Sat-la-thiat,

18Má-ki-lân, Pí-tāi-ngá, Sī-ná-sat, Iâ-ka-bí-ngá, Hô-sa-má, kap Nî-tāi-pí-ngá.

19Pí-tāi-ngá ū nn̄g ê kiáⁿ, Só͘-lô-pa-pek kap Sī-múi. Só͘-lô-pa-pek ū nn̄g ê kiáⁿ, Bí-su-lân kap Hap-ná-nî-ngá, koh ū chi̍t ê cha-bó͘-kiáⁿ Sī-lô-bi̍t;

20lēng-gōa koh ū gō͘ ê kiáⁿ, Hap-su-pa, O-hek, Pí-lī-ka, Hap-sat-tí, U-sa Hi-sek.

21Hap-ná-nî-ngá ū nn̄g ê kiáⁿ, Pí-la-thê kap Í-sài-a; Í-sài-a siⁿ Lī-hoat-ngá, Lī-hoat-ngá siⁿ A-ní-lân, A-ní-lân siⁿ Gô-pa-tí-a, Gô-pa-tí-a siⁿ Sī-ka-nî.

22Sī-ka-nî siⁿ Sī-má-ngá; Sī-má-ngá ū gō͘ ê kiáⁿ, Hap-tu̍t, Í-kah, Pa-lī-a, Nî-lī-ngá, Sa-hoat.

23Nî-lī-ngá ū saⁿ ê kiáⁿ, Í-lī-iok-nái, Hi-se-ka, A-su-lī-kan.

24Í-lī-iok-nái ū chhit ê kiáⁿ, Hô-tāi-ngá, Í-lī-a-si̍t, Pí-lâi-ngá, A-kok, Iok-hap-lân, Tē-lâi-ngá, kap A-ná-nî.

← Chapter 2 Jump to: Chapter 4 →