1 Chronicles 27

Chinese TTVR (現代台語譯本羅馬字版)

← Chapter 26 Jump to: Chapter 28 →

1Í-sek-lia̍t -lâng ê cho̍k-tiúⁿ, chhōa chi̍t-chheng lâng ê kun-koaⁿ, chhōa chi̍t-pah lâng ê kun-koaⁿ, í-ki̍p koaⁿ-tiúⁿ, lóng chiàu pan-chhù hun-phòe; ta̍k-pan nn̄g-bān sì-chheng lâng, choân-nî chiàu ge̍h lûn-pan ho̍k-sāi ông.

2Chiaⁿ--ge̍h, tē-it pan, pan-tiúⁿ sī Sat-pa-tē-gia̍p ê kiáⁿ Ngá-sok-pan; i ê pan-lāi ū nn̄g-bān sì-chheng lâng;

3i sī Hoat-le̍k-su ê hō͘-tāi, chí-hui chiaⁿ--ge̍h só͘-ū ê kun-koaⁿ.

4Jī--ge̍h, tē-jī pan, pan-tiúⁿ sī A-hô-a -lâng Tó-tāi, chham-bô͘-tiúⁿ sī Bí-ki-lô; Tó-tāi ê pan-lāi ū nn̄g-bān sì-chheng lâng.

5Saⁿ--ge̍h, tē-saⁿ pan, chí-hui-koaⁿ sī chè-si Iâ-hô-iâ-tāi ê kiáⁿ Pí-ná-ngá; i ê pan-lāi ū nn̄g-bān sì-chheng lâng.

6Pí-ná-ngá sī hit saⁿ-cha̍p ê ióng-sū tiong ê chi̍t ê, koán-lí hit saⁿ-cha̍p lâng; i ê pan-lāi koh ū i ê kiáⁿ Àm-bí-sat-poa̍t.

7Sì--ge̍h, tē-sì pan, pan-tiúⁿ sī Iok-ap ê sió-tī A-sat-hek; sòa-chiap i--ê sī i ê kiáⁿ Se-pa-tē-ngá; i ê pan-lāi ū nn̄g-bān sì-chheng lâng.

8Gō͘--ge̍h, tē-gō͘ pan, pan-tiúⁿ sī I-su-la -lâng San-ha̍p; i ê pan-lāi ū nn̄g-bān sì-chheng lâng.

9La̍k--ge̍h, tē-la̍k pan, pan-tiúⁿ sī Thê-ko-a -lâng Ek-kiat ê kiáⁿ Í-la; i ê pan-lāi ū nn̄g-bān sì-chheng lâng.

10Chhit--ge̍h, tē-chhit pan, pan-tiúⁿ sī Í-hoat-liân chi-cho̍k Pí-lûn -lâng Hi-lī-su; i ê pan-lāi ū nn̄g-bān sì-chheng lâng.

11Poeh--ge̍h, tē-poeh pan, pan-tiúⁿ sī Siā-la chong-cho̍k Hō͘-sa -lâng Se-pí-kai; i ê pan-lāi ū nn̄g-bān sì-chheng lâng.

12Káu--ge̍h, tē-káu pan, pan-tiúⁿ sī Piān-ngá-bín chi-cho̍k A-ná-tu̍t -lâng A-pí-í-siā; i ê pan-lāi ū nn̄g-bān sì-chheng lâng.

13Cha̍p--ge̍h, tē-cha̍p pan, pan-tiúⁿ sī Siā-la chong-cho̍k Nî-tô-hoat -lâng Má-hap-lâi; i ê pan-lāi ū nn̄g-bān sì-chheng lâng.

14Cha̍p-it--ge̍h, tē-cha̍p-it pan, pan-tiúⁿ sī Í-hoat-liân chi-cho̍k Pí-la-tùn -lâng Pí-ná-ngá; i ê pan-lāi ū nn̄g-bān sì-chheng lâng.

15Cha̍p-jī--ge̍h, tē-cha̍p-jī pan, pan-tiúⁿ sī Gô-tô-liap chong-cho̍k Nî-tô-hoat -lâng Hek-tāi; i ê pan-lāi ū nn̄g-bān sì-chheng lâng.

16Koán-lí Í-sek-lia̍t chèng chi-cho̍k ê koaⁿ-tiúⁿ kì tī ē-bīn: Koán Lū-piān chi-cho̍k--ê sī Sè-ki-lī ê kiáⁿ Í-lī-í-siā; koán Se-biān chi-cho̍k--ê sī Má-ka ê kiáⁿ Sī-hoat-thê-ngá;

17koán Lī-bī chi-cho̍k--ê sī Ki-bō͘-lī ê kiáⁿ Hap-sa-pí-ngá; koán A-lûn hō͘-tāi--ê sī Sat-tok;

18koán Iû-tāi chi-cho̍k--ê sī Tāi-pi̍t ê hiaⁿ-ko Í-lī-hō͘; koán Í-sat-ka chi-cho̍k--ê sī Bí-ka-le̍k ê kiáⁿ Àm-lī;

19koán Se-pò͘-lûn chi-cho̍k--ê sī Gô-pa-tí-a ê kiáⁿ I-si-má-ngá; koán Ná-hut-tha-lī chi-cho̍k--ê sī A-su-lia̍t ê kiáⁿ Iâ-lī-mô͘;

20koán Í-hoat-liân chi-cho̍k--ê sī A-sat-se-ngá ê kiáⁿ Hô-sè-a; koán Má-ná-se pòaⁿ chi-cho̍k--ê sī Pí-tāi-ngá ê kiáⁿ Iok-ní;

21koán Ki-lia̍t tōe-khu Má-ná-se pòaⁿ chi-cho̍k--ê sī Sat-ka-lī-a ê kiáⁿ E̍k-to; koán Piān-ngá-bín chi-cho̍k--ê sī Ap-nî-ní ê kiáⁿ Ngá-se-gia̍p;

22koán Tān chi-cho̍k--ê sī Iâ-lô-hán ê kiáⁿ A-sat-lia̍t. Chiah-ê sī Í-sek-lia̍t chèng chi-cho̍k ê hêng-chèng koaⁿ-tiúⁿ.

23Í-sek-lia̍t -lâng jī-cha̍p hè í-hā--ê, Tāi-pi̍t bô tiám-sǹg, in-ūi Siōng Chú ū èng-ún, I beh ke-thiⁿ Í-sek-lia̍t -lâng chhin-chhiūⁿ thiⁿ-téng ê chhiⁿ hiah chōe.

24Sé-lō͘-ngá ê kiáⁿ Iok-ap khai-sí tiám-sǹg; m̄-kú bô oân-sêng. In-ūi tiám-sǹg jîn-kháu chit-ê sū Siōng-tè ê siū-khì lîm-kàu Í-sek-lia̍t, sò͘-bo̍k mā bô kì tī Tāi-pi̍t-ông Chì-lio̍k.

25Koán-lí ông hú-khò͘--ê sī A-tí-gia̍p ê kiáⁿ A-su-má-ui; koán-lí chhân-iá, siâⁿ-tìn, hiong-chhoan, siú-bōng-tâi ê hú-khò͘--ê sī O͘-se-a ê kiáⁿ Iok-ná-tan.

26Koán-lí keng-choh chhân-hn̂g--ê sī Ki-lio̍k ê kiáⁿ Í-su-lī.

27Koán-lí phû-tô-hn̂g--ê sī La-má -lâng Sī-múi; koán-lí phû-tô-hn̂g ê chiú-tî--ê, sī Si̍t-hut-bí -lâng Sat-tí.

28Koán-lí soaⁿ-po͘ ê kaⁿ-ná-chhiū kap sng-châi-chhiū--ê sī Ki-tē-lī -lâng Pa-le̍k Hap-lâm; koán-lí kaⁿ-ná-iû-khò͘--ê sī Iok-a-si.

29Koán-lí Sa-lûn pêng-goân ê gû-kûn--ê sī Sa-lûn -lâng Si-thê-lâi; koán-lí soaⁿ-kok tiong ê gû-kûn--ê sī A-tē-lâi ê kiáⁿ Sa-hoat.

30Koán-lí lo̍k-tô--ê sī Í-si̍t-má-lī -lâng A-pí-le̍k; koán-lí lû-kûn--ê sī Bí-lûn -lâng Iâ-hi-tí-a.

31Koán-lí iûⁿ-kûn--ê sī Hā-kah -lâng Ngá-sek. Chiah-ê lóng sī koán-lí Tāi-pi̍t -ông sán-gia̍p ê koaⁿ-tiúⁿ.

32Tāi-pi̍t ê a-chek Iok-ná-tan chòe chham-bô͘, i chin chhong-bêng koh chòe su-kì; Hap-kek-mô͘-nî ê kiáⁿ Iâ-hiat chiàu-kò͘ ông ê kiáⁿ-jî.

33A-hi-to-hut mā chòe ông ê chham-bô͘; A-ki -lâng Hō͘-su chòe ông ê kò͘-būn.

34Sòa-chiap A-hi-to-hut ê lâng sī Pí-ná-ngá ê kiáⁿ Iâ-hô-iâ-tāi kap A-pí-a-tha; Iok-ap chòe ông ê goân-sòe.

← Chapter 26 Jump to: Chapter 28 →