1 Chronicles 26

Chinese TTVR (現代台語譯本羅馬字版)

← Chapter 25 Jump to: Chapter 27 →

1Kò͘-mn̂g ê pan-chhù kì tī ē-bīn: Khó-la -cho̍k A-sat ê kiáⁿ-sun tiong, ū Khó-lī ê kiáⁿ Bí-si-lī-bí-ngá.

2Bí-si-lī-bí-ngá ū chhit ê kiáⁿ, tōa--ê sī Sat-ka-lī-a, tē-jī Iâ-thia̍p, tē-saⁿ Se-pa-tē-ngá, tē-sì Iâ-thê-lia̍p,

3tē-gō͘ Í-lân, tē-la̍k Iok-hap-lân, tē-chhit Í-lī-iok-nái.

4Gô-pia̍t Í-tong ū poeh ê kiáⁿ, tōa--ê sī Sī-má-ngá, tē-jī Iok-sat-poa̍t, tē-saⁿ Iok-a, tē-sì Sa-kah, tē-gō͘ Ná-thán-gia̍p,

5tē-la̍k A-bí-lī, tē-chhit Í-sat-ka, tē-poeh Pí-o͘-lī-thài; Siōng-tè sù-hok Gô-pia̍t Í-tong.

6I ê kiáⁿ Sī-má-ngá mā ū siⁿ kúi-nā ê kiáⁿ, lóng chin ū châi-lêng, koán-lí in lāu-pē ê ke.

7Sī-má-ngá ū la̍k ê kiáⁿ: Gô-tek-nî, Lī-hoat-ek, Gô-pī-tek, Í-lī-sat-pa; Í-lī-sat-pa ū hiaⁿ-tī Í-lī-hō͘ kap Se-má-ka, lóng chin ū châi-lêng.

8Chiah-ê sī Gô-pia̍t Í-tong ê hō͘-tāi, in kap in ê kiáⁿ in ê hiaⁿ-tī, lóng chin ū châi-lêng, gâu pān tāi-chì, Gô-pia̍t Í-tong ê kiáⁿ-sun kiōng la̍k-cha̍p-jī lâng.

9Bí-si-lī-bí-ngá ê kiáⁿ kap hiaⁿ-tī lóng chin ū châi-lêng, kiōng cha̍p-poeh lâng.

10Bí-la-lī ê hō͘-tāi Hô-sat ū kúi-nā ê kiáⁿ, chòe thâu--ê sī Sin-lī, i sui-jiân m̄-sī tōa-kiáⁿ, m̄-kú in lāu-pē siat-li̍p i chòe thâu;

11tē-jī Hi-le̍k-ka, tē-saⁿ Tí-pa-lī-ngá, tē-sì Sat-ka-lī-a; án-ni Hô-sat ê kiáⁿ kap hiaⁿ-tī kiōng cha̍p-saⁿ lâng.

12Chiah-ê sī sèng-tiān siú-ōe ê pan-chhù, chiàu in ê pan-tiúⁿ hun-phài, kap in ê hiaⁿ-tī chòe-hé tī Siōng Chú ê tiān ho̍k-sāi.

13In bô-lūn lāu á-sī siàu-liân, lóng chiàu in ê chong-cho̍k thiu-chhiam, kò͘-siú ta̍k-ê mn̂g.

14Thiu-tio̍h kò͘-siú tang-mn̂g--ê sī Sī-lī-bí-ngá; i ê kiáⁿ Sat-ka-lī-a sī chin ū châi-lêng ê kò͘-būn, lâng kā i thiu-tio̍h kò͘-siú pak-mn̂g.

15Gô-pia̍t Í-tong siú lâm-mn̂g; i ê kiáⁿ siú chhng-khò͘.

16Su-pêng kap Hô-sat kò͘-siú sai-mn̂g kap tī chiūⁿ-kiā ê lō͘ ê Sa-lī-ki-mn̂g. Siú-ōe kap siú-ōe sio-tùi.

17Tang-mn̂g ū la̍k ê Lī-bī -lâng, pak-mn̂g ta̍k-ji̍t ū sì ê lâng, lâm-mn̂g ta̍k-ji̍t ū sì ê lâng, chhng-khò͘ ū nn̄g-ê nn̄g-ê lûn-pan.

18Sai-pêng cháu-lông ū sì ê lâng tī tōa-lō͘, nn̄g ê tī cháu-lông.

19Chiah-ê sī Khó-la hō͘-tāi kap Bí-la-lī hō͘-tāi siú-ōe ê pan-chhù.

20Lī-bī -lâng ê tiong-kan, A-hi-ngá koán-lí Siōng-tè sèng-tiān ê hú-khò͘, kap sèng ê khì-khū ê hú-khò͘.

21La-tān ê hō͘-tāi: Kek-sūn -cho̍k sio̍k La-tān chòe cho̍k-tiúⁿ--ê ū Iâ-hi-i-lī.

22Iâ-hi-i-lī ê kiáⁿ Se-thán kap i ê hiaⁿ-tī Iok-ní, koán-lí Siōng Chú tiān-lāi ê hú-khò͘.

23Àm-lân ka-cho̍k, Í-su-hap ka-cho̍k, Hi-pek-lûn ka-cho̍k, O͘-siat ka-cho̍k ê lâng mā ū chit-bū.

24Koh ū Mô͘-se ê kiáⁿ Kek-sūn ê hō͘-tāi Sè-pò͘-gia̍p koán-lí hú-khò͘.

25Iáu ū i ê chhin-cho̍k Í-lī-í-siā: Í-lī-í-siā ê kiáⁿ Lī-hap-pí-ngá, Lī-hap-pí-ngá ê kiáⁿ Í-sài-a, Í-sài-a ê kiáⁿ Iok-lân, Iok-lân ê kiáⁿ Sè-ki-lī, Sè-ki-lī ê kiáⁿ Sī-lô-bi̍t.

26Sī-lô-bi̍t kap i ê hiaⁿ-tī koán-lí hú-khò͘ lāi sèng ê khì-khū, chiū-sī Tāi-pi̍t -ông, ta̍k-ê chong-cho̍k ê léng-siù, kap kun-tūi ê koaⁿ-tiúⁿ só͘ hiàn--ê.

27In chiong chiàn-lī-phín sèng-hòa kui Siōng Chú, ēng chòe siu-chéng Siōng Chú sèng-tiān ê lō͘-ēng.

28Sian-kiàn Sat-bó-ní, Ki-sū ê kiáⁿ Sò-lô, Nî-ní ê kiáⁿ Ap-nî-ní, Sé-lō͘-ngá ê kiáⁿ Iok-ap só͘ hiàn ê mi̍h, só͘-ū sèng-hòa hiàn hō͘ Siōng-tè ê mi̍h, lóng kui Sī-lô-bi̍t kap i ê hiaⁿ-tī koán-lí.

29Í-su-hap ka-cho̍k ū Ki-ná-nî-ngá kap i ê kiáⁿ-jî chòe koaⁿ-tiúⁿ kap sím-phòaⁿ-koaⁿ, koán-lí Í-sek-lia̍t sèng-tiān í-gōa ê tāi-chì.

30Hi-pek-lûn ka-cho̍k ū Hap-sa-pí-ngá kap i ê chhin-cho̍k, chi̍t-chheng chhit-pah lâng, lóng chin ū châi-lêng, tī Iok-tàn-hô sai-pêng kàm-tok Í-sek-lia̍t -lâng pān-lí ho̍k-sāi Siōng Chú kap ông ê sū.

31Hi-pek-lûn ka-cho̍k chiàu in ê cho̍k-phó͘, Iâ-lī-ngá chòe cho̍k-tiúⁿ. Tāi-pi̍t choh-ông tē-sì-cha̍p nî, tiâu-cha Hi-pek-lûn ka-cho̍k, hoat-kiàn kúi-nā ê ū châi-lêng ê lâng tòa tī Ki-lia̍t ê Ngá-siā.

32Iâ-lī-ngá ê chhin-cho̍k ū nn̄g-chheng chhit-pah lâng, in chin ū châi-lêng, chòe cho̍k-tiúⁿ; Tāi-pi̍t -ông phài in tī Lū-piān, Ka-tek, Má-ná-se pòaⁿ chi-cho̍k ê tiong-kan, pān-lí Siōng-tè kap ông só͘-ū ê sū.

← Chapter 25 Jump to: Chapter 27 →