1 Chronicles 4

Chinese TTVR (現代台語譯本羅馬字版)

← Chapter 3 Jump to: Chapter 5 →

1Iû-tāi ê kiáⁿ sī Hoat-le̍k-su, Hi-su-lûn, Ka-bí, Hō͘-ní, kap Sok-pa.

2Sok-pa ê kiáⁿ Lī-a-ngá siⁿ Ngá-hap, Ngá-hap siⁿ A-hō͘-mái kap La-hap; in sī Só-la -lâng ê chó͘-sian.

3Hō͘-ní sī Ka-le̍k kap Í-hoat-tha ê tōa-kiáⁿ; i ê hō͘-tāi sī Pek-lī-hêng -siâⁿ ê khai-thok-chiá. Hō͘-ní ê hō͘-tāi ū Í-thán, Pí-ló͘-i-le̍k, kap Í-siā-ní. Í-thán ū saⁿ ê kiáⁿ: Iâ-su-lia̍t, I-si-má, kap I-tek-pa; koh ū chi̍t ê cha-bó͘-kiáⁿ kiò-chòe Hap-sek-le̍k-po-nî. Pí-ló͘-i-le̍k sī Ki-to -siâⁿ ê khai-thok-chiá, Í-siā-ní sī Hō͘-sa -siâⁿ ê khai-thok-chiá.

5Thê-ko-a -siâⁿ ê khai-thok-chiá A-si-hō͘ ū nn̄g ê bó͘, Hi-la kap Ná-la.

6Ná-la kā i siⁿ sì ê kiáⁿ: A-hō͘-sat, Hi-hut, Thê-bí-nî, kap Hap-hat-su-tha-lī.

7Hi-la kā i siⁿ saⁿ ê kiáⁿ: Sé-lia̍t, Só-hat, kap I-thê-lâm.

8Ko-su siⁿ A-lo̍k, Só-pí-pa; i mā-sī Hap-lûn ê kiáⁿ A-hap-hek chiah-ê chong-cho̍k ê chó͘-sian.

9Ngá-pí-su pí i ê hiaⁿ-tī khah siū lâng kèng-tiōng; i ê lāu-bú kā i hō-miâ Ngá-pí-su, ì-sù sī “Góa siⁿ i chin kan-khó͘”.

10Ngá-pí-su kiû Í-sek-lia̍t ê Siōng-tè, kóng, “Kiû lí tōa-tōa sù-hok góa, khok-tián góa ê kéng-kài. Goān lí siông-siông kap góa tông-chāi, pó-iū góa bô tú-tio̍h hoān-lān, bô siū thòng-khó͘.” Siōng-tè chiū chiàu i só͘ kiû--ê sù hō͘ i.

11Su-hap ê hiaⁿ-tī Ki-lio̍k siⁿ Bí-hek, Bí-hek siⁿ I-si-tun.

12I-si-tun siⁿ Pek La-pa, Pa-se-a, í-ki̍p Ná-hat -siâⁿ ê khai-thok-chiá Thê-him-ná. Chiah-ê lóng sī Lī-ka -lâng.

13Ki-la̍p-su ū nn̄g ê kiáⁿ: Gô-tô-liap kap Se-lâi-ngá; Gô-tô-liap mā ū nn̄g ê kiáⁿ: Hap-thah kap Bín-ná-thài.

14Bín-ná-thài siⁿ Gô-hut-la. Se-lâi-ngá siⁿ Hā-la̍p-him Soaⁿ-kok ê khai-thok-chiá Iok-ap; in lóng sī sai-hū.

15Iâ-hu-nî ê kiáⁿ Ka-le̍k ū saⁿ ê kiáⁿ: Í-lō͘, Í-la, kap Ná-an; Í-la siⁿ Ki-la̍p-su.

16Iâ-hap-lī-le̍k ū sì ê kiáⁿ: Se-hut, Se-hoat, Thê-lī, kap A-sat-lia̍t.

17Í-su-la ū sì ê kiáⁿ: Ek-thiap, Bí-lia̍t, Í-hut, kap Ngá-lûn. Bí-lia̍t chhōa Ai-ki̍p -ông ê cha-bó͘-kiáⁿ Pí-thê-ngá chòe bó͘, siⁿ cha-bó͘-kiáⁿ Bí-lī-an, hāu-siⁿ Sa-mái, kap Í-si̍t-thê-bo̍k -siâⁿ ê khai-thok-chiá Ek-pa. Bí-lia̍t koh chhōa Iû-tāi -lâng chòe bó͘, siⁿ saⁿ ê kiáⁿ: Ngá-lia̍t, Hi-pek, Iâ-kó͘-thiat; Ngá-lia̍t sī Ki-to -siâⁿ ê khai-thok-chiá, Hi-pek sī So-ko -siâⁿ ê khai-thok-chiá, Iâ-kó͘-thiat sī Sat-ná-a -siâⁿ ê khai-thok-chiá.

19Hô-tē-ngá chhōa Ná-hâm ê sió-bē, in ê hō͘-tāi sī tòa tī Ki-i-la -siâⁿ ê Ka-bí -cho̍k kap tòa tī Í-si̍t-thê-bo̍k -siâⁿ ê Má-ka -cho̍k ê chó͘-sian.

20Sī-bûn ū sì ê kiáⁿ: Àm-lūn, Lîm-ná, Piān Hap-lâm, kap Thê-lûn. Í-sī ū nn̄g ê kiáⁿ: So-hek kap Piān So-hek.

21Iû-tāi ê kiáⁿ Sī-la ê hō͘-tāi ū Lī-ka -siâⁿ ê khai-thok-chiá Ní, Má-lī-sa -siâⁿ ê khai-thok-chiá La-tāi, í-ki̍p tòa tī Pek A-si̍t-pí -siâⁿ chit iù-môa-pò͘ chiah-ê chong-cho̍k;

22iáu ū Iok-kèng, Ko-se-pa -lâng, Iok-a-si, koh ū chhōa Mô͘-ap ê lú-chú, tńg-lâi Pek-lī-hêng ê Sat-la. Che lóng sī kó͘-chá ê kì-chài.

23Chiah-ê lâng lóng sī sio-hûi sai-hū, sī Nî-tha-èng kap Ki-tí-la ê chū-bîn; in kap ông tòa tī hia, ūi ông chòe kang.

24Se-biān ū gō͘ ê kiáⁿ, Nî-bō͘-lī, Ngá-bín, Ngá-li̍p, Siā-la, Sò-lô;

25Sò-lô siⁿ Sa-liông, Sa-liông siⁿ Bí-pí-san, Bí-pí-san siⁿ Bí-si-má.

26Bí-si-má ê kiáⁿ sī Hap-bō͘-lī, sun sī Sat-khek, kan-á-sun sī Sī-múi.

27Sī-múi ū cha̍p-la̍k ê kiáⁿ, la̍k ê cha-bó͘-kiáⁿ; i ê hiaⁿ-tī ê kiáⁿ-jî bô chin chōe. Se-biān chi-cho̍k ê kiáⁿ-sun bô chhin-chhiūⁿ Iû-tāi chi-cho̍k hiah chōe.

28Se-biān ê hō͘-tāi tòa tī Pia̍t-sī-pa, Mô͘-la-tāi, Hap-sat Su-a,

29Phek-la, Í-sim, Tô-la̍h,

30Pí-thó͘-lī, Hô-ní-má, Sé-kek-la,

31Pek Má-ka-phok, Hap-sat So͘-sat, Pek Pí-lī, kap Sa-la-im. Chiah-ê siâⁿ, it-ti̍t kàu Tāi-pi̍t choh-ông ê sî, lóng sio̍k Se-biān chi-cho̍k.

32In iáu ū Í-thán, A-in, Lîm-bûn, Tô-kiān, kap A-san gō͘ ê siâⁿ,

33kap hù-kūn ê chng-siā, ti̍t-kàu Pa-le̍k -siâⁿ. Chiah-ê sī in tòa ê só͘-chāi, in lóng ū kì-lio̍k tī ka-phó͘.

34Ē-bīn só͘ kì-chài chiah-ê miâ lóng sī in chong-cho̍k ê cho̍k-tiúⁿ: Bí-só͘-pa, Ngá-bí-le̍k, A-má-siā ê kiáⁿ Iok-sa, Iok-ní, Iok-sī-pí ê kiáⁿ Iâ-hō͘ (Iok-sī-pí sī Se-lâi-ngá ê kiáⁿ, sī A-sih ê sun), Í-lī-iok-nái, Ngá-ko-pa, Iok-sok-hái, A-sat-ngá, A-tí-gia̍p, Iâ-se-bia̍t, Pí-ná-ngá; Sī-hui ê kiáⁿ Sè-sat (Sī-hui sī A-liông ê kiáⁿ, A-liông sī Iâ-tāi-ngá ê kiáⁿ, Iâ-tāi-ngá sī Sin-lī ê kiáⁿ, Sin-lī sī Sī-má-ngá ê kiáⁿ). In chiah-ê chong-cho̍k ê lâng-gia̍h ke-thiⁿ chin chōe,

39chiū khì Ki-to ê ji̍p-kháu, kàu soaⁿ-kok ê tang-pêng, chhē chhī iûⁿ ê chháu-po͘.

40In chhē-tio̍h pûi koh súi ê chháu-po͘, khoah, chheng-chēng koh an-choân; in-ūi chá-chêng ū Hâm -cho̍k ê lâng tòa tī hia.

41Téng-bīn só͘ kì hiah-ê lâng, tī Iû-tāi -ông Hi-se-ka ê sî, lâi kong-kek Hâm -cho̍k ê pò͘-pîⁿ, kap hia só͘-ū ê Bí-o͘-nî -lâng, chiong in thiat-tóe châu-bia̍t, chiū tòa tī chit-ê tōe-hng kàu kin-á-ji̍t; in-ūi hia ū chháu-po͘ thang chhī in ê iûⁿ-kûn.

42Se-biān chi-cho̍k ū gō͘-pah lâng khì kàu Í-tong; in ê siú-léng sī Í-sī ê kiáⁿ Pí-la-thê, Nî-lī-ngá, Lī-hoat-ngá, kap O͘-siat.

43In thâi-sí tô-cháu bōe lī chhun--lo̍h-lâi ê A-má-le̍k -lâng, chiū khiā-khí tī hia kàu kin-á-ji̍t.

← Chapter 3 Jump to: Chapter 5 →