Leviticus 12

Zande

← Chapter 11 Jump to: Chapter 13 →

1Yekova ki ya fu Mose,

2“Mo yá fu awiri aYisaraere, Ka de du na mobara ki batika kumbagude, ri anidu ni birikosibirikosi ri tipa rame saba; wa ti rame gari kaza ade, ri ka nidu ni birikosibirikosi ri.

3Ti muambi rame oni ki yere ko ni yeratise.

4Si du ri anisungu kindi na pa munzere tipa rame 33; ka ri azáda nga kparakpara ziazia he ya, ka ri adá nga rogo kparakpara ziazia ba yo a ya, daho rame gari munzere ka nyasa ni.

5Ono ka ri batika degude, ri anidu ni birikosibirikosi ri tipa poso ue, wa ti rago gari kaza ade; ri anisungu kindi na pa munzere tipa rame 66.

6“Ho rame gari munzere nikaninyasi ni, tipa kumbagude watadu tipa degude, ri aniye na wiri kandoro du garãru sa tipa zozo motumo, na paranga gbungu watadu mbipo tipa motumo ingapai fu boromotumo ku ngbadimo bamburoko dungurati yo.

7Ko afú he ku bara bangiri Yekova ki mangi pa dada ingapai tipa ri; ri ki du gigiri ti gu kureri naaga. Gere nga rugute du tipa gu ri batika gude watadu kumbagude watadu degude.

8Ka ri aréngba nga na fu wiri kandoro ya, ri ki ye na ambipo ue, watadu paranga gbungu ue, gu ru sa tipa zozo motumo, gu kurai sa tipa motumo ingapai, boromotumo ki mangi pa dada ingapai fu ri, ri ki giri.”

← Chapter 11 Jump to: Chapter 13 →